Lokali – Page 4233 – One News

Notifiki

Jintlaħaq ftehim bejn il-Gvern u l-MUMN

Intlaħaq ftehim bejn il-Gvern u l-Unjin Maltija għall-Inermiera u Qwiebel (MUMN), kemm fil-ħidma f’Mater Dei u kif ukoll f’Monte Carmeli.

Għalhekk l-MUMN irtirat id-direttivi li kienet qed tapplika. L-MUMN kienet esprimiet tħassib serju dwar in-nuqqas ta’ infermiera. Bħala eżempju semmiet il-każ meta infermier kien qed iħares tliet pazjenti f’Monte Carmeli u waqt li mar jara xi ġralu pazjent minnhom, pazjent ieħor ħarablu mill-isptar.

Aqra aktar

Marlene Farrugia tmexxi l-Partit Demokratiku

Id-deputat indipendenti Marlene Farrugia hija l-mexxej temporanju tal-Partit Demokratiku li se jkun irreġistrat bħala parti fi żmien li ġej, bid-Deputat Mexxej temporanju huwa Anthony Buttigieg u s-Segretarju Ġenerali temoranju Marco Cremona.

Aqra aktar

L-Argotti jsir ċentru ta’ eċċellenza botanika

Il-ġnien botaniku tal-Argotti u l-ġonna tal-madwar se jingħaqdu flimkien biex jiffurmaw ċentru t’eċċellenza botanika filwaqt li jkun jista jitgawda aktar minn kull min iżuru. Il-proġett tħabbar is-Sibt filgħodu mill-Ministru Jose Herrera, waqt żjara li għamel fl-istess ġonna.

Hawnhekk saritlu spjegazzjoni ta’ x’se jkun qed isir eżattament f’dan il-proġett. Fost oħrajn, se jsir tindif estensiv tal-ġonna kollha u se jkunu restawrati għal mod kif kienu inbnew oriġirnarjament.

Aqra aktar

Tislima lill-IKBAR

Fl-aħħar sigħat kienu ħafna dawk li tkellmu jew kitbu dwar Mohammad Ali, il-boxer leġġendarju li miet iktar kmieni llum. Tkellimna ma’ Vince Bongailas, boxer għal numru ta’ snin u llum kowċ tal-boxing. Għalih, Ali huwa “inkredibbli.”

Aqra aktar

Bidla mill-Awtorità tal-Ippjanar tinvolvi iktar lill-pubbliku

L-Awtorità tal-Ippjanar bidlet il-mod ta’ kif jinħadmu dawk magħrufa bħala Development Notification Orders, li huma każi fejn żvilupp ikun eżenti mill-ħtieġa ta’ applikazzjoni ta’ ippjanar.

Dawn it-tip ta’ żviluppi se jkunu qed jonqsu bil-għan li l-pubbliku jkun involut aħjar f’iktar deċiżjonijiet. Hemm 19–il klassi ta’ żvilupp li huwa permess u dawk li nżammu bħala parti minn din is-sistema huma dawk li m’għandhomx impatt fuq il-kuntest tas-sit jew ir-residenti fil-madwar.

Aqra aktar

“Hello” lil Martin Solveig f’pajjiżna

Id-DJ Franċiż ta’ fama mondjali Martin Solveig jinsab Malta.

Huwa magħruf l-aktar għad-diska “Hello” li kienet hit popolari ħafna fil-gżejjer Maltin. Id-diska laħqet il-quċċata tal-klassifiċi fl-Awtrija, il-Belġju, ir-Repubblika Ċeka u l-Olanda, filwaqt li kienet fl-ewwel għaxar postijiet ta’ bosta pajjiżi.

Aqra aktar

Malta b’direzzjoni fuq il-migrazzjoni

Matul il-Presidenza tal-Kunsill tal-Unjoni Ewropea fl-ewwel nofs tal-2017,  Malta se tisħaq li l-Unjoni tindirizza b’suċċess il-migrazzjoni u temi oħra differenti, bħat-theddida tat-terroriżmu fl-oqsma tal-intern u tad-difiża.

Dan qalu  l-Ministru għall-Intern u s-Sigutà Nazzjonali, Carmelo Abela.

Huwa kien qed jitkellem il-Ġimgħa waqt laqgħa mas-Segretarju Ġenerali tal-Kummissjoni Ewropea, Alexander Italianer, u l-Kap tal-Kabinett tal-President tal-Kummissjoni, Martin Selmayr, fil-Ministeru l-Belt.

Aqra aktar

Tlett cruiseliners oħra f’Għawdex f’jumejn

Dan li jidher fl-istampa huwa s-Seabourn Sojourn, li se jasal Għawdex illum. F’dan tmiem il-ġimgħa se naraw il-wasla ta’ tliet cruiseliners, wieħed illum u tnejn għada, Silver Spirit u Wind Surf.

Il-Ministru għal Għawdex Anton Refalo stqarr dan waqt zjara fil-porta tal-Imġarr. Qal li l-2016 hija sena tajba ħafna għall-industrija tal-cruiseliners f’Għawdex u dan ifisser aktar xogħol għan-negozji, kif diġà tixhed iż-żieda fl-impjiegi f’diversi setturi fosthom il-lukandi u r-ristoranti.

Aqra aktar

Send this to a friend