Lokali – Page 4230 – One News

Lokali

Notifiki

⟨ ⟩
 Lokali

“L-Assoċjazzjoni tal-Baned Maltin” imċaħħda minn premju

“L-Assoċjazzjoni tal-Baned Maltin” ġiet imċaħħda mill-Premju Ċittadin Ewropew 2016 minkejja li s-sitt Membri Parlamentari Maltin b’mod unanimu innominaw lil din l-Assoċjazzjoni għall-Premju Ċittadin Ewropew ta’ din is-sena.

Fi stqarrija l-membru Ewro-Parlamentari Alfred Sant qal li l-Kumitat tal-Għoti tal-Premijiet tal-Parlament Ewropew caħħad dan il-premju lill-Assoċjazzjoni Maltija mingħajr ebda konsultazzjoni mal-Membri Ewro Parlamentari Maltin. Sant wera d-diżappunt tiegħu għal din id-deċiżjoni f’ittra li bagħat lil Martin Schultz, il-President tal-Parlament Ewropew.

Aqra aktar

1
 Lokali

Id-domanda għall-ħut tiżdied…is-sajjieda jonqsu

Fil-lokal taż-Żurrieq ittellgħet il-Festa Annwali tal-Ħut fejn spikkat d-domanda għat-tonn. Ħuta li hija popolari sew minħabba s-sustanzi u l-vitamini tagħha. Osservazzjoni partikolari f’din l-attività kienet li minkejja li d-domanda għall-ħut żdiedet tul dawn l-aħħar snin, naqsu s-sajjieda Maltin.Aqra aktar

0
 Lokali

It-tajra l-kbira tinsab f’post sigur

Juvenile Griffon Vulture, tajra kbira li daħlet f’pajjiżna fl-aħħar jiem, tinsab f’post sigur. Kelliem għal Birdlife Malta qal li flimkien mal-awtoritajiet ikkonċernati qed jikkoperaw flimkien bil-għan li din l-ispeċi tibqa’ sigura sakemm tittieħed f’ambjent iktar adegwat, barra minn xtutna.

Aqra aktar

0
 Lokali

Ħames dniefel fl-inħawi ta’ Dellimara

Għall-ħabta tal-5.30p.m., qarrej ta’ one.com.mt qasmu magħna dan il-filmat. Waqt li kienu qegħdin f’Dellimara jistadu, ftit ’il barra mix-xtajta nnutaw ħames dniefel. “Esperjenza mill-isbaħ,” qalulna Claire Cassar u Chris Mallia waqt li ħadu ftit filmati bil-mowbajl tagħhom.Aqra aktar

0
 Lokali

Mixli b’16-il serqa

Tarxiniż ta’ 24 sena nżamm taħt arrest preventiv wara li l-Ħadd tressaq il-Qorti mixli b’16-il serqa u attentati oħra ta’ serq fuq anzjani. 

Fil-Qorti ntqal li Wayne Camilleri allegatament wettaq dawn ir-reati f’dawn l-aħħar tlett xhur fejn fost l-oħrajn intqal li seraq anzjani residenti fil-Ħamrun, il-Marsa, il-Pietà u Santa Venera.

Minkejja li ċaħad dawn l-akkużi, Camilleri anki ġie akkużat li laqa’ għandu ħwejjeġ misruqa u li huwa reċediv.

0
 Lokali

L-Għammieri fetaħ il-bibien f’Jum l-Ambjent

Bit-tema “Go Wild for Life”, iċ-Ċentru tal-Biedja fl-Għammieri fetaħ il-bibien tiegħu għall-pubbliku.

Dan matul il-jum tal-Ħadd, f’Jum l-Ambjent: riflessjoni ta’ kif is-soċjetà qed tikkollabora man-natura u l-biodiversità.

Fl-Għammieri ttellgħu diversi attivitajiet dwar dawn l-annimali, u dan bir-raġun, hekk kif fl-istess post jinsabu annimali uniċi f’Malta, li forsi ftit huma li jafu bihom.Aqra aktar

0
 Lokali

Agħmilli wieħed ta’ Sajmin, Mar …

Kif nagħmel kuljum tlajt sal-pjazza tar-raħal biex nixtri l-gazzetti. Jien u nieżel lura d-dar ħarist lejn l-arloġġ. Baqa’ ħin għal kafe’ qabel inkompli l-ġurnata. Fl-istess ħin tbissimt. Kull darba li nħares lejn arloġġ niftakar f’Toni tagħna. Tal-arloġġ tal-lira, rigal qal hux.

Dħalt għand Marju. Sellimt, ġabli kafe’ u ntfajt inqalleb fil-ġurnali. M’għaddewx żewġ minuti li ma daħalx Manwel, b’ħanġra daqsiex “Għamilli wieħed ta’ Sajmin, Marju”. Għamilha apposta ħalli kulħadd jieqaf u bħas-soltu l-attenzjoni tmur fuqu. Marju baqa’ jħares lejħ fommu mbewwaq kemm kemm, jistenna. “Ejja Mar, wieħed ta’ Sajmin”. Marju ħares lejħ mill-ġdid b’għajnejħ forma ta’ mistoqsija, mhux magħmulha … mhux aħjar tgħidilna xi trid tgħid mall-ewwel?

Aqra aktar

3
 Lokali

“Busuttil aħjar iħares madwaru” – Partit Laburista

Għal Simon Busuttil, huwa minħabba t-tmexxija tal-Prim Ministru Joseph Muscat li l-Partit Nazzjonalista għadu jistenna żewġ siġġijiet fil-Parlament.

F’intervista fuq ir-Radju tal-Partit Nazzjonalista, Busuttil, f’attakk indirett lejn il-Qorti, jemmen li l-Partit Nazzjonalista missu ilu li ingħatawlu dawn is-siġġijiet. Dan mingħajr ma’ Busuttil ta ebda kunsiderazzjoni għall-proċeduri tal-Qorti, u l-kunċett ta’ proporzonalità, jiġifieri li n-numru ta’ siġġijiet fil-Parlament bħalissa jirrifletti d-distakk ta’ voti fl-aħħar elezzjoni.Aqra aktar

2
 Lokali

27 persuna arrestati b’rabta ma’ droga

Ħidma mill-Iskwadra ta’ Kontra d-Droga matul il-lejl li għadda, fl-inħawi ta’ Ħ’Attard u l-Mosta wasslet għall-arrest ta’ 27 persuna oħra (4 nisa u 23 raġel) li l-età tagħhom tvarja bejn is-16 u l-40 sena.

L-arrestati huma ta’ nazzjonalita` Maltija, Ingliża, Spanjola, Ċeka u Taljana u nstabu fil-pussess ta’ droga bħall-pjanta u r-raża tal-kannabis, amfetamina u ecstasy.

L-investigazzjonijiet tal-Pulizija għadhom għaddejjin.

0

Send this to a friend