Lokali – Page 4124 – One News

Notifiki

X’differenza minn sempliċi roundabout!

Fl-aħħar snin, kważi ma sarx proġett wieħed fir-Rabat li ma kienx imxekkel minn sejbiet arkeoloġiċi. L-istess ġara  bil-bini taċ-Ċentru Nazzjonali tal-Konservazzjoni tal-ilma, li se jwassal ukoll għar-rigenerazzjoni taż-żona tan-Nigret fir-Rabat.

Sa fl-aħħar, wara li nbidlu l-pjanijiet minħabba sejba storika, ix-xogħlijiet fuq il-parti t’ isfel taċ-ċentru qabdu ritmu tajjeb. L-aċċess għal dan iċ-ċentru se jkun miż-żona tal-binjiet tal-gvern u ser joffri żona ta’ rikreazzjoni għar-residenti tal-istess bini.

Aqra aktar

Chairperson ġdid għall-Kummisjoni dwar il-Vjolenza Domestika

Joseph Gerada kien maħtur bħala Chairperson tal-Kummissjoni dwar il-Vjolenza Domestika. Dan filwaqt li l-Att dwar il-Vjolenza Domestika se jsir Att dwar il-Vjolenza abbażi tal-Ġeneru u Vjolenza Domestika. 
  
Iċ-chairperson ġdid intgħażel fil-kuntest li l-gvern qed jaħdem fuq il-linji tal-kampanja HeForShe tan-Nazzjonijiet Magħquda.  
L-għan tagħha hu li jkun hemm is-sehem tal-irġiel u tas-subien bħala l-aġenti tal-bidla kontra l-inugwaljanzi li jiffaċċjaw in-nisa u l-bniet, fosthom dawk ġejjin mill-vjolenza fuq in-nisa.

Dettalji dwar il-qattiel ta’ Munich

Dak li qatel disa’ persuni fi Munich kien iffissat fuq qtil tal-massa u hemm rabta ovja mal-qtil fin-Norveġja minn Anders Behring Breivik. Huwa kien ingħata għajnuna psikjartika għaliex kien bata minn dipressjoni.

Dan qed tgħid l-Pulizija Ġermaniża, li wara li wettqet tfittxija fl-appartament taż-żagħżugħ, sabet materjal bil-miktub dwar l-attakki li wettaq.

Aqra aktar

Anzjan imtajjar minn mutur u midrub gravi

 

Anzjan ta’ 72 sena, residenti l-Marsa ntlaqat minn mutur misjuq minn ġuvni ta’ 25 sena, residenti Ħal Qormi.

Dan seħħ illum, għall-ħabta tad-09:30hrs fi Triq il-Kbira San Ġużepp, il-Ħamrun.

L-anjzan ittieħed l-isptar Mater Dei permezz tal-ambulanza, fejn iżjed tard ġie ċċertifikat li qed isofri minn ġrieħi ta’ natura gravi.

L-investigazzonijiet tal-Pulizija mill-Għassa tal-Ħamrun għadhom għaddejjin.

Waqa’ aktar minn sular u spiċċa mixħut f’għalqa fir-Rabat

 

Żagħżugħ ta’ 27 sena minn Ħal Lija jinsab f’qagħda kritika wara li aktarx waqa’ għoli ta’ madwar nofs sular mit-triq u spiċċa mixħut f’għalqa r-Rabat.

Kien dalgħodu għall-ħabta tal-10:15 li l-Pulizija ġiet infurmata li kien hemm bżonn l-assistenza tagħha. L-informazzjoni daħlet minn persuna li kienet għaddejja fl-inħawi, li qalet li ż-żagħżugħ kien jidher mitluf minn sensih.  Ambulanza ħadet liż-żagħżugħ l-Isptar Mater Dei.

L-investigazzjonijiet tal-Pulizija għadhom għaddejjin.

Aqra aktar

Trabijiet li qed idejqu lil tal-Iklin

Ir-residenti tal-Iklin jinsabu irrabjati għall-inkonvinjent li qed joħloq parkeġġ fi Triq San Mikiel, b’numri ta’ persuni jilmentaw kif it-trabijiet li qed joħorġu minnu wasslu għal sensiela ta’ mard respiratorju tul is-snin. Xi ħaġa li għal snin twal, ilhom jitolbu azzjoni mis-Sindku tal-lokalità iżda dawn l-ilmenti dejjem waqgħu fuq widnejn torox.

Ir-residenti qasmu dawn l-ilmenti mal-midja waqt konferneza ta’ l-aħbarijiet indirizzata mis-Sindku, li matulha kien qed joġġezjona kif art pubblika ingħatat b’encroachment mill-Gvern lill-privat. Dan ifisser li l-Gvern jista jieħu lura din l-art meta jrid. Is-sindku Anthony Dalli qal li jixtieq progġett fejjiedi f’din iż-żona, u b’hekk tinbidel għal park rikreattiv flimkien ma parkeġġ taħt l-art.

Aqra aktar

Malta bir-raba’ l-akbar tnaqqis fid-dejn nazzjonali

Malta rreġistrat ir-raba’ l-akbar tnaqqis fid-dejn nazzjonali minn fost il-pajjiżi kollha tal-Unjoni Ewropea. Skont il-Eurostat, fl-ewwel kwart tal-2016 id-dejn nazzjonali ta’ Malta naqas għal 65.3% tal-prodott gross domestiku. Dan ifisser tnaqqis ta’ kważi 3.3 punti perċentwali fir-rata ta’ dejn ta’ pajjiżna meta mqabbel ma’ sena qabel.

Mentri f’Marzu 2013 il-piż tad-dejn nazzjonali kien laħaq is-70.8% tal-ġid nazzjonali, żieda ta’ 10.5 punti perċentwali matul dik il-leġislatura, f’anqas minn nofs il-leġislatura l-piż tad-dejn nazzjonali tnaqqas b’5.5 punti perċentwali. Ta’ min ifakkar li fiż-żmien meta l-Kap tal-Oppożizzjoni kien Viċi-Kap tal-Partit fil-Gvern, id-dejn nazzjonali kien żdied b’€100 miljun fix-xahar, jew bi 3.4% tal-ġid nazzjonali.

Aqra aktar

Il-kirjiet fuq l-aġenda tal-Gvern

It-tħassib ta’ diversi familji minħabba l-kirjiet li qegħdin jgħolew huwa fl-aġenda tal-Gvern. Tkellem dwar dan il-Prim Ministru, Joseph Muscat, meta kien qed jiehu sehem fil-programm Għandi Xi Ngħid.

Spjega kif filwaqt li sa erba’ snin ilu l-ikbar tħassib kien jirriżulta mill-kontijiet tad-dawl u l-ima, illum huma diversi dawk li qed jinkwetaw kif se jlaħħqu mal-kirja tal-post tagħhom. Aqra aktar

“Remove your trousers….”

Il-Pulizija qed tkompli bil-ħidma tagħha fil-prevenzjoni ta’ reati diġitali bit-tnedija ta’ vidjo ġdid dwar rikatt ta’ natura sesswali, bl-isem “Remove your trousers; get booed on browsers!”

Fi stqarrija qalet li fl-ewwel sitt xhur ta’ din is-sena, kienu iktar minn 55 raġel u mara, medja ta’ tnejn jew tlieta fil-ġimgħa, li rrikorrew għall- għajnuna tas-Cyber Crime Unit tal-Pulizija wara li sfaw vittmi ta’ rikatt sesswali permezz tal-internet. Fil-maġġoranza huma rġiel li l-etajiet tagħhom jvarjaw bejn 18 u 50 sena.

Il-Pulizija qalet li ġeneralment f’każijiet bħal dawn, il-vittma tkun irrispondiet għal stedina li tkun irċeviet mingħand persuna li ma tafx min hi sabiex issir korrispondenza permezz ta’ webcam jew mezzi soċjali. Wara skambju ta’ mumenti, ritratti jew saħansitra sigrieti intimi mal-persuna l-oħra, il-vittma tibda tiġi rrikattata li jekk ma tħallasx somma flus, hafna drabi ghal aktar minn darba, l-informazzjoni intima tagħha ser tiġi ppublikata u mgħoddija lill-familja u ħbieb tagħha.

Aqra aktar

Nirien jeqirdu erba’ trakkijiet f’garaxx fil-Mosta

Kellhom ikunu disa’ pumpiera, żewġ uffiċjali mid-Dipartiment tal-Protezzjoni Ċivili u diversi sigħat biex intefa’ nirien f’garaxx il-Mosta fejn ħadu n-nar erba’ trakkijiet.

In-nirien kienu kbar ħafna u l-ħidma għall-membri tal-Protezzjoni Ċivili kienet diffiċli mmens hekk kif ma setgħux jidħlu fuq ġewwa tal-garaxx b’mod faċli. Il-garaxx jinsab taħt residenzi u minbarra li kważi nqerdu għal kollox erba’ vetturi kummerċjali saret ukoll ħsara strutturali sostanzjali fil-bini. Saħansitra kienu evakwati numru ta’ residenzi. Aqra aktar

Send this to a friend