Lokali – Page 4118 – One News

Notifiki

Simon Busuttil kommess li jżid it-tniġġiż fin-naħa t’isfel ta’ Malta

Mill-Kap tal-Oppożizzjoni mdorrijin nisimgħu biss negattività u tgħajjir, bla qatt ma jgħid x’jagħmel hu jekk jieħu t-tmexxija tal-pajjiż f’idejh. Imma din id-darba, f’okkażjoni rari ħafna, qalilna x’biħsiebu jagħmel. Simon Busuttil irid jespandi l-Freeport. Jekk ma tridx fuq art barra miż-żona tal-iżvilupp. Taret mar-riħ l-wegħda tiegħu li “ODZ is ODZ”.

Fi stqarrija l-Partit Laburista nnota li bla wisq taħbil tal-moħħ, Busuttil qabad u ddeċida li jrid jibni fuq art agrikola. Irid ikabbar dak li għar-residenti ta’ Birżebbuġia u l-madwar diġa jfisser inkonvenjent. Dan huwa l-istess Simon Busuttil li kien parti integrali mill-Gvern li fin-naħa ta’ isfel ta’ Malta tefa’ powerstations, impjant taż-żibel, impjant tad-drenaġġ, u tant oħrajn. Għall-amministrazzjoni preċedenti, ir-residenti tan-Nofsinhar kienu tat-tieni klassi.

Aqra aktar

Aħna fost l-aktar siguri!

Żmien is-safar qiegħed fl-aqwa tiegħu u bosta Maltin jagħżlu li jsiefru biex igawdu l-vaganzi tagħhom. Iżda fid-dawl li bosta pajjiżi fl-Ewropa qed jħabbtu wiċċhom ma’ attakk terroristiku wara l-ieħor huma l-bosta li qed jaħsbuha darbtejn qabel jaqtgħu l-biljett tagħhom.

Huwa importanti li wieħed ikun jaf jekk pajjiż huwiex sigur! Express.co.uk għamlet riċerka ibbażata fuq informazzjoni provduta mill-Gvern dwar is-sigurta’ fil-pajjiżi Ewropej.

Picture1

Aqra aktar

L-essenza fil-fliexken iż-żgħar… nittamaw!

Ta’ spiss innutajna Prim Ministri Maltin jidhru kemmxejn iqsar mill-mexxejja bħalhom f’pajjiżi oħra meta jippożaw għal xi ritratt. Din waħedha hija xhieda ta’ kemm l-irġiel Maltin huma iqsar minn irġiel f’pajjiżi oħra, iżda issa hija ikkonfermata mill-istatistika.

Skont il-pubblikazzjoni eLife, l-irġiel Maltin huma fit-72 post fost 187 pajjiż fejn jidħol it-tul. L-itwal huma l-irġiel Olandiżi (medja ta’ 183 ċm tul)  u n-nisa mil-Latvia (medja ta’ 170 ċm tul).

Hawn tieħdu ħjiel ta’ min hu itwal u min hu iqsar minnha.

Aqra aktar

Merħba stramba lil miljunarju f’pajjiżna

Xena stramba, offensiva u forsi xi ftit komika – skont kif tħares lejha.
Grupp ta’ nisa għażlu li juru parti minn ġisimhom li mhux soltu jara xemx, filwaqt li għamlu mossi offensivi biex taw merħba lil Sir Philip Green. Dan il-miljunarju kbir kien dieħel bil-jott (ta’ mitt miljun lira sterlina) sabiex jirmiġġa fil-Port il-Kbir.
Huwa wasal Malta ftit sigħat qabel membri parlamentari Ingliżi żvelaw rapport dwar il-falliment tal-kumpanija BHS, li xi darba kienet timpjega 11,000 persuna. Minkejja l-ħajja lussuża ta’ Green, hemm nies li tilfu l-impjieg u oħrajn tilfu l-pensjoni. Ma nafux jekk dan jiġġustifikax din l-azzjoni tal-erba’ nisa.

Professjonisti għall-kura personalizzata tal-priġunieri

Bħalissa għaddejja sejħa għall-inġaġġ għar-rwol ta’ care-plan coordinators fid-Dipartiment tas-servizzi Korrettiv fil-Faċilità Korrettiva ta’ Kordin. Dan huwa t-tieni ingaġġ għal din il-kariga fl-aħħar xhur, li grazzi għaliha ir-residenti se jkomplu jibbenefikaw iktar minn pjan ta’ kura personalizzata  mill-ewwel jiem tagħhom fil-Faċilità.

Dan l-ingaġġ ta’ professjonisti huwa parti mill-ħidma tal-Faċilita’ sabiex is-servizz offrut fuq livell professjonali fil-qasam tar-riforma fl-imġieba tar-residenti, jew kif inhi magħrufa aħjar bħala rijabilitazzjoni, tkompli tara progress.

Aqra aktar

Mismugħa t-talba ta’ omm: inqas skariġġ fejn jidħlu benefiċċji

Sa ftit ilu, persuni b’diżabilità, romol u pensjonanti li jaħdmu part time kien ikollhom imorru d-diprtiment tas-Sigurtà Soċjali kull tliet xhur u jagħtu rendikont tas-sigħat li ħadmu, sabiex jieħdu l-bonus. Dan issa se jinqata’, billi dawn il persuni se jintalbu biss darba jipprovdu l-informazzjoni, u jieħdu l-bonus fil-ħin.

Dan tħabbar mill-Minsitru għall-Familja u Solidarjetà Soċjali Michael Farrugia, li spjega kif dan il-pass seħħ wara li omm ta’ persuna b’diżabilità semmgħet leħinha waqt laqgħa mis-sensiela “Gvern Li Jisma'”

Aqra aktar

Send this to a friend