Lokali – Page 3684 – One News

Notifiki

Iħajrek tiġi hawn!

Xeni mill-isbaħ ta’ pajjiżna huma l-protagonisti ta’ filmat dwar il-konferenza tal-Commonwealth li ser issir f’pajjiżna s-sena d-dieħla. Filmat garantit li jqanqal kurzità dwar din il-gżira f’nofs il-Mediterran.

Konsultazzjoni pubblika għall-istrateġija nazzjonali għad-drittijiet ta’ persuni b’diżabilità

Waqt seminar konsultattiv dwar l-Istrateġija, s-Segretarju Parlamentari għad-Drittijiet ta’ Persuni b’Diżabilità u Anzjanità Attiva Justyne Caruana illum ppreżentat abbozz ta’ Strateġija mfassla biex tilħaq l-għanijiet tal-Politika għad-Drittijiet ta’ Persuni b’Diżabilità u naghmlu qabza kbira fil-kwalita’ tal-hajja tal-persuni b’dizabilita’ u tal-familji taghhom.

Aqra aktar

Valletta Pageant of the Seas: Spettaklu Uniku fil-Port il-Kbir

Il-Fondazzjoni Valletta 2018 ħarġet id-dettalji għall-Valletta Pageant of the Seas, spettaklu uniku li se jsir fil-Port il-Kbir fis-7 ta’ Ġunju 2016.

Dan l-avveniment huwa parti mill-programm ta’ ċelebrazzjoni tal-Fondazzjoni Valletta 2018 fl-okkażjoni tal-450 anniversarju mit-twaqqif tal-Belt Valletta. Valletta Pageant of the Seas huwa festa mhux tas-soltu fuq il-baħar fil-Port il-Kbir; festa ta kuluri, xwieni, dgħajjes tar-regatta, power boats u jottijiet, għawm, tlielaq u bosta karrijiet tal-Karnival fost l-oħrajn, kollha fl-ambjent maestuż tal-Port il-Kbir. L-attivitajiet jibdew mis-sitta ta’ filgħaxija ’l quddiem.

Aqra aktar

Mhux ħatja fi tmiem ġuri

Iż-żewġ persuni li fl-aħħar jiem kienu għaddejin b’ġuri b’rabta ma’ traffikar ta’ droga ma nstabux ħatja u hekk kif inqara l-verdett fl-awla kien evidenti l-ferħ tal-qraba tagħhom u s-sodisfazzjon tal-akkużati nfushom.

Godfrey Gambin, ta’ 40 sena mill-Iklin u Adel Mohammed Babani, ta’ 51sena kienu akkużati b’assoċjazzjoni, importazzjoni, u pusses ta’ droga li mhux għall-użu esklussiv tagħhom. Huma ma nstabux ħatja b’sebgħa voti kontra tnejn. Gambin instab ħati ta’ pussess ta’ ħaxixa u reżina tal-kannabis. Akkużi ferm iżgħar mill-kumplament li setgħu jwasslu sa għomor il-ħabs.

Il-mozzjoni m’għaddietx

Illum il-Parlament qed jiddiskuti mozzjoni ta’ sfiduċja fil-Ministru Konrad Mizzi. Mozzjoni ta’ sfiduċja li tressqet mid-deputat indipendenti Marlene Farrugia ftit wara li l-Gvern kien għadu kif għeleb b’saħħa mozzjoni ta’ sfiduċja mressqa mill-Oppożizzjoni.

Marlene Farrugia riedet iddum tiddiskuti din il-mozzjoni jum sħiħ, filwaqt li l-Gvern (li għandu kull dritt jiddetta l-aġenda tal-Kamra) ried tliet sigħat kif normalment dejjem jiġri.

Wara diskussjonijiet intlaħaq qbil li d-dibattitu idum għaddej ħames sigħat b’Farrugia u l-Oppożizzjoni jinsistu li l-importanti ma jdumux iktar mid-21.30.

Aqra aktar

Ara l-filmati tal-PM fil-Libja

Segwi l-kummenti tal-Prim Ministru Joseph Muscat waqt konferenza tal-aħbarijiet li saret wara diskussjonijiet fil-Libja dalgħodu.

Il-Prim Ministru Malti huwa l-ewwel mexxej politiku li ltaqa’ mal-mexxej ġdid Libjan.

Aqra aktar

Il-ħaddiema fil-baċir!

Dalgħodu dehru l-ewwel ħaddiema fil-baċir numru wieħed ta’ Bormla fejn se jkun hemm wieħed miż-żewġ kampus tal-Universita Amerikana f’Malta. Dak li dehru jagħmlu l-ħaddiema huwa xogħol ta’ preparazzjoni, partikolarment armar li se jintuża għall-ħidma.

Aqra aktar

Fl-2015: Dawk li ġew jitgħallmu l-Ingliż ġġeneraw €161M

Is-sena li għaddiet l-istudenti li ġew jitgħallmu l-Ingliż f’Malta, iġġeneraw mal-€161 miljun. Dan ifisser 9.8% tan-nefqa mit-turisti kollha li żaru Malta.

Dawn iċ-ċifri ħarġu mir-rapport ta’ Deloitte li sar għall-Feltom, l-assoċjazzjoni li tirrappreżenta għoxrin skola li jgħallmu l-Ingliż f’Malta.

Is-sena li għaddiet ġew pajjiżna studenti minn swieq ġodda bhal Kolombja, ir-Repubblika Ċeka, il-Brażil, it-Turkija u l-Korea t’Isfel.

Iffirmat MOU għal tmexxija aħjar fiż-żoni industrijali

Iffirmat Memorandum of Understanding biex iż-żoni industrijali jitmexxew aħjar u jkollhom dak li jistħoqilhom.

Il-ftehim kien iffirmat bejn il-Kamra tal-Kummerċ u l-Malta Industrial Parks.

Il-President tal-Kamra tal-Kummerċ, Anton Borg qal li dan il-ftehim se jagħti qafas biex permezz tiegħu jiġu mmexija aħjar l-industrial parks.

Aqra aktar

Żieda qawwija fin-numru ta’ azjendi f’pajjiżna

Matul l-2015 kien hemm żieda ta’ 8,615-il azjenda f’pajjiżna, jew kważi azjenda kull siegħa.

Stqarrija tal-Uffiċju Nazzjonali tal-Istatistika turi li mill-bidu ta’ din il-leġislatura kien hemm żieda ta’ 16,107 azjenda. B’kuntrast, tul il-ħames snin tal-leġislatura preċedenti, kien hemm żieda ta’ 4,113 azjenda.
Aqra aktar

Send this to a friend