Lokali – Page 2615 – One News

Notifiki

Eżenzjoni mit-taxxa għal dawk li jagħmlu Masters u PhD

Studenti gradwati mhumiex minsija f’dan il-Budget hekk kif dawk li jiksbu Masters u PHD  se jgawdu minn eżenzjoni mit-taxxa sa massimu ta’ sittin elf ewro.

Dan ikompli jgħin lil dawn il-ħaddiema ġodda biex wara s-sagrifiċċju li jkunu għamlu biex ilestu l-istudju tagħhom issa jsibuha iktar faċli li jintegraw fil-ħajja tax-xogħol.

ONE b’xandira speċjali għall-Budget 2018

Fil-jum li fih jitħabbar il-Budget għall-2018, l-istazzjon ONE kif ukoll is-sit one.com.mt se jkun qed iżomm lis-segwaċi tiegħu aġġornati permezz ta’ programm speċjali u l-aħħar aġġornamenti.

Fil-17:30 se tkun qed issir l-ewwel parti tax-xandira speċjali fuq ONE,  fejn se jkunu qed isiru għadd ta’ kollegamenti minn  quddiem il-Parlament, b’mistednin speċjali fosthom Ministri, opinjonisti u ġurnalisti.Aqra aktar

Toroq fl-Isla b’numri tal-bibien ġodda

Is-Sezzjoni tal-Immaniġġjar tal-Indirizzi fi ħdan l-Uffiċċju Elettorali permezz ta’ stqarrija qed tavża lir-residenti ta’:

Triq il-Miġja tal-Papa, Triq il-Vittmi tal-Gwerra, u Triq iż-Żewġ Mini, fl-Isla li l-bibien f’dawn it-toroq ingħataw uffiċjalment numri ġodda.Aqra aktar

Jinsterqu kaxxi tad-donazzjonijiet mill-knisja taż-Żejtun

Il-Knisja Arċipretali taż-Żejtun sfat fil-mira tal-ħallelin il-bieraħ filgħaxija. Fejn huwa mifhum li nsterqu ammont ta’ flus kontanti minn kaxxi tad-donazzjonijiet, xi biċċiet tad-dehem u xi statwi żagħar.
Is-serqa saret għall-ħabta tad-disgħa ta’ filgħaxija tal-bieraħ u jidher lill-ħallelin użaw l-iscaffolding fil-ġenb tal-knisja biex daħlu mill-kampnar. Din is-serqa kienet it-tielet waħda minn ġo knisja minn Lulju l’ hawn, dan wara li f’ Lulju li għadda seħħet serqa mill-Knisja ta’ Bormla li fiha nsterqu ammont ta’ oġetti sagri filwaqt li f’ Settembru saret serqa mill-Knisja ta’ Raħal Ġdid u li fiha nsterqu ammont ta’ flus kontanti.

“Il-Park għandu bżonn l-għajnuna”

Il-Park għandu bżonn l-għajnuna tal-poplu Malti u Għawdxi kollhu.

Kien dan il-messaġġ ewlieni ta’ Christopher Borg, propjetarju tal-Wild Life park fl-Imtaħleb, li matul l-aħħar ġimgħa safa vittma ta’ nirien kbar.

Fuq wiċċ Borg dehret b’mod evidenti d-dieqa u l-kommossjoni li bħalissa qed iġorr, dan minħabba dik li kienet id-dar u l-post fejn jqatta parti kbira minn ħajtu issa intilfet. Ma’ ONE NEWS Christopher sostna li kemm hu kif ukoll l-annimali fl-aħħar jiem għaddew minn xokk qawwi.

Aqra aktar

Send this to a friend