Kultura – Page 7 – One News

Notifiki

Ġimgħa jistenna taqbida bejn żewġt iġrieden li rebbħitu unur

Ritratt ta’ żewġ ġrieden jitqabdu fuq pjattaforma tal-metro ta’ Londra wassal lill-fotografu Sam Rowley sabiex jirbaħ l-unur tal-LUMIX Wildlife Photographer of the Year. Kull min ġieli vjaġġa bil-metro ta’ Londra żġur iltaqa’ mal-ġrieden li jkunu qed iħufu għal xi loqma ikel bejn il-binarji tal-ferrovija. Għalhekk, Rowley qatta’ ġimgħa jgħix ġo stazzjon jistenna dan il-mument fejn żewġ ġrieden spiċċaw jiġġieldu għal biċċa ikel li aktar qabel kienet intremiet fl-art minn xi passiġġier.

Il-fotografu stqarr ukoll li jinsab affaxinat bil-perseveranza għall-għixien ta’ dawn l-annimali li jqattgħu ħajjithom jgħixu sulari taħt l-art u ‘l bogħod minn kull dawl tax-xemx u f’post fejn imqar tikber ħaxixa waħda.

 

BIL-FILMAT: Titnieda l-kanzunetta “Dil-Mara” tal-kantanta Miriam Christine

Fit-22 ta’ Novembru 2019, il-kantawtriċi Miriam Christine għamlet ir-ritorn tagħha fix-xena tal-mużika lokali, bit-tnedija t’album ġdid, album li jġib l-isem ta’ “Dil-Mara”. L-album, li jikkonsisti minn 9 kanzunetti oriġinali bil-lingwa Maltija, tela’ fil-quċċata tal-klassifika lokali fuq il-pjattaforma diġitali iTunes. Aqra aktar

L-arkivju ta’ Ġużè Chetcuti fl-Università ta’ Malta

Il-Librerija tal-Università ta’ Malta ħabbret li ngħatat l-arkivju ta’ Ġużè Chetcuti mill-familja tal-awtur. Il-materjal, li jinkludi manuskritti, kotba, ittri, kitbiet fil-gazzetti, ritratti, u tifkiriet oħrajn li żamm Ġużè Chetcuti, jinsab fit-taqsima tal-Arkivji tal-Librerija tal-Università ta’ Malta f’Tal-Qroqq. Issa r-riċerkaturi jistgħu jfittxuh direttament minn fuq [email protected] jew permezz tas-sistema Hydi fuq is-sit tal-Librerija fuq l-internet. Aqra aktar

Malta se tipparteċipa fl-ewwel semi-finali tal-Eurovision

Malta se tkun qed tipparteċipa fit-tieni nofs tas-semi-finali li se jsir fit-12 ta’ Mejju li ġej f’Rotterdam, l-Olanda.

Ma’ Malta se jipparteċipaw 16-il pajjiż ieħor, b’dawk li jiġu mal-ewwel għaxra jgħaddu għas-serata finali tas-Sibt 16 ta’ Mejju.

Din hija l-ewwel darba sa mill-2016 li Malta se tkun qed tkanta fl-ewwel serata tal-Eurovision.

Ma’ Malta se jikkompetu; Maċedonja ta’ Fuq, Belarus, Litwanja, Svezja, Slovenja, Awstralja, Irlanda, Russja, Norveġja, Ċipru, Kroazja, Ażerbajġan, Iżrael, Ukrajna, Rumanija u Belġju.

Fit-tieni semi-finali se jikkompetu; Awstrija, Moldova, Polonja, San Marino, Serbja, Iżlanda, Repubblika Ċeka, Greċja, Estonja, Danimarka, Bulgarija Svizzera, Finlandja, Armenja, Latvja, Ġorġja, Portugall u Albanija.

Is-sitt finalisti se jivvutaw kif ġej;

Fl-ewwel semi-finali: Italja, Ġermanja u l-Olanda.

Fit-tieni semi-finali: Franza, ir-Renju Unit u Spanja.

Is- Soċjetà Filarmonika Lourdes tal-Qrendi b’diversi attivitajiet biex tfakkar il-125 sena mit-twaqqif tagħha

Is-Soċjetà Filarmonika Lourdes tal-Qrendi se tkun qed ittella’ simpożju fuq skala nazzjonali fl-okkażjoni tal-125 sena mit-twaqqif tagħha.

Kien l-10 ta` Frar tal-1895 meta twaqqaf iċ-Circolo Lourdes, l-ewwel wieħed fir-raħal tal-Qrendi, li kien inkarigat jieħu ħsieb il-festi esterni tar-raħal. L-ewwel President tas-Soċjetà kien is-Sur Nikola Magri. Fl-1905, bit-tħabrik ta’ Nikola Magri, twaqqfet ukoll l-ewwel orkestra tar-raħal li kienet iġġib l-isem ta’ Orkestra Bellini. Kien eżattament fl-1942 meta saret it-transizzjoni għall-Banda Lourdes, meta Karm Aquilina għaqqad l-ewwel banda fir-raħal, taħt id-direzzjoni tas-Surmast Mro. Mikiel Ciantar.

Aqra aktar

Il-‘Valletta Baroque Festival’ daħal fit-tieni ġimgħa tiegħu

Wara l-ewwel ġimgħa ta’ suċċess, il-festival qiegħed jirranka għat-tieni ġimgħa tiegħu, li wkoll hija mimlija bl-aqwa prestazzjonijiet. Il-ġimgħa se tibda b’kunċert ħelu tal-pjanu minn Kotara Fukuma fil-Palazz ta’ San Anton nhar it-Tnejn, li jinkludi traskrizzjonijiet tax-xogħlijiet ta’ Bach. Aktar tard dakinhar, il-festival se jimxi lejn il-Knisja Kolleġġjata sabiħa tal-Immakulata Kunċizzjoni f’Bormla għal Stabat Mater ta’ D’Astorga u Galuppi mill-Coro & Orchestra Ghislieri. Il-Valletta Baroque Festival u Kor Malta nhar it-Tlieta se jieħdu lill-udjenza tul uħud mill-aħjar siltiet tal-mużika strumentali ta’ Biber, bir-Requiem tiegħu bħala s-silta tal-unur. Il-Knisja Parrokjali ta’ San Ġorġ f’Ħal-Qormi se tkun ta’ sfond għal din ir-Requiem. Aqra aktar

Send this to a friend