Il-Librerija tal-Università ta’ Malta ħabbret li ngħatat l-arkivju ta’ Ġużè Chetcuti mill-familja tal-awtur. Il-materjal, li jinkludi manuskritti, kotba, ittri, kitbiet fil-gazzetti, ritratti, u tifkiriet oħrajn li żamm Ġużè Chetcuti, jinsab fit-taqsima tal-Arkivji tal-Librerija tal-Università ta’ Malta f’Tal-Qroqq. Issa r-riċerkaturi jistgħu jfittxuh direttament minn fuq [email protected] jew permezz tas-sistema Hydi fuq is-sit tal-Librerija fuq l-internet. Aqra aktar
Fit-teatru Ariston illum jingħata bidu għas-70 edizzjoni tal-Festival ta’ Sanremo li hu organizzat mill-istazzjon RAI. Aqra aktar
Malta se tkun qed tipparteċipa fit-tieni nofs tas-semi-finali li se jsir fit-12 ta’ Mejju li ġej f’Rotterdam, l-Olanda.
Ma’ Malta se jipparteċipaw 16-il pajjiż ieħor, b’dawk li jiġu mal-ewwel għaxra jgħaddu għas-serata finali tas-Sibt 16 ta’ Mejju.
Din hija l-ewwel darba sa mill-2016 li Malta se tkun qed tkanta fl-ewwel serata tal-Eurovision.
Ma’ Malta se jikkompetu; Maċedonja ta’ Fuq, Belarus, Litwanja, Svezja, Slovenja, Awstralja, Irlanda, Russja, Norveġja, Ċipru, Kroazja, Ażerbajġan, Iżrael, Ukrajna, Rumanija u Belġju.
Fit-tieni semi-finali se jikkompetu; Awstrija, Moldova, Polonja, San Marino, Serbja, Iżlanda, Repubblika Ċeka, Greċja, Estonja, Danimarka, Bulgarija Svizzera, Finlandja, Armenja, Latvja, Ġorġja, Portugall u Albanija.
Is-sitt finalisti se jivvutaw kif ġej;
Fl-ewwel semi-finali: Italja, Ġermanja u l-Olanda.
Fit-tieni semi-finali: Franza, ir-Renju Unit u Spanja.
L-Għaxaq Music Festival ibiddel id-dati storiċi tiegħu. Dan għaliex s-soltu dan il-festival isir fix-xahar t’Awwissu. Dan il-festival ser jimxi għall-aħħar tmiem il-ġimgħa ta’ Lulju. Aktar preċiżament dan il-festival prestiġjuż ser jkun mifrux fuq jumejn jiġifieri nhar il-Ġimgħa, 24 u s-Sibt, 25 ta’ Lulju. Aqra aktar
Is-Soċjetà Filarmonika Lourdes tal-Qrendi se tkun qed ittella’ simpożju fuq skala nazzjonali fl-okkażjoni tal-125 sena mit-twaqqif tagħha.
Kien l-10 ta` Frar tal-1895 meta twaqqaf iċ-Circolo Lourdes, l-ewwel wieħed fir-raħal tal-Qrendi, li kien inkarigat jieħu ħsieb il-festi esterni tar-raħal. L-ewwel President tas-Soċjetà kien is-Sur Nikola Magri. Fl-1905, bit-tħabrik ta’ Nikola Magri, twaqqfet ukoll l-ewwel orkestra tar-raħal li kienet iġġib l-isem ta’ Orkestra Bellini. Kien eżattament fl-1942 meta saret it-transizzjoni għall-Banda Lourdes, meta Karm Aquilina għaqqad l-ewwel banda fir-raħal, taħt id-direzzjoni tas-Surmast Mro. Mikiel Ciantar.
Nhar il-Ħadd, 26 ta’ Jannar, Heritage Malta qed tistieden lill-pubbliku biex iżur is-sit preistoriku ta’ Borg in-Nadur li jinsab Birżebbuġa. Id-dħul se jkun bla ħlas. Aqra aktar
Wara l-ewwel ġimgħa ta’ suċċess, il-festival qiegħed jirranka għat-tieni ġimgħa tiegħu, li wkoll hija mimlija bl-aqwa prestazzjonijiet. Il-ġimgħa se tibda b’kunċert ħelu tal-pjanu minn Kotara Fukuma fil-Palazz ta’ San Anton nhar it-Tnejn, li jinkludi traskrizzjonijiet tax-xogħlijiet ta’ Bach. Aktar tard dakinhar, il-festival se jimxi lejn il-Knisja Kolleġġjata sabiħa tal-Immakulata Kunċizzjoni f’Bormla għal Stabat Mater ta’ D’Astorga u Galuppi mill-Coro & Orchestra Ghislieri. Il-Valletta Baroque Festival u Kor Malta nhar it-Tlieta se jieħdu lill-udjenza tul uħud mill-aħjar siltiet tal-mużika strumentali ta’ Biber, bir-Requiem tiegħu bħala s-silta tal-unur. Il-Knisja Parrokjali ta’ San Ġorġ f’Ħal-Qormi se tkun ta’ sfond għal din ir-Requiem. Aqra aktar
Hekk kif illum jaħbat is-17 ta’ Jannar, il-Komunità ta’ Sant’Anton Abbati fix-Xagħra Għawdex qed tiċċelebra l-festa ta’ dan il-padrun.
L-għaqdiet kollha li jġibu l-isem ta’ San Ġużepp li mhux mifruxa madwar Malta u Għawdex se jingħaqdu flimkien har il-Ħadd li ġej sabiex jiċċelebraw il-festa l-kbira ta’ San Ġużepp.Aqra aktar
Aktar minn 30 mużew u siti li tamminstra Heritage Malta jinsabu f’pubblikazzjoni ġdida li ppubblikat l-aġenzija biex tkompli tkattar l-interess fil-wirt kulturali tal-Gżejjer Maltin. Aqra aktar
Send this to a friend