Nutar fil-Birgu jgħid x’għamlu l-Maltin xħin waslet l-għajnuna waqt l-Assedju l-Kbir

Is-7 ta’ Settembru 1565. Kienu l-11:00 ta’ filgħaxija, xħin in-Nutar Giacomo Baldacchino li kien qed jieħu r-refuġju fil-Birgu, kiteb kif dak il-ħin wasal il-Gran Saccorso, l-għajnuna l-kbira mwiegħda lil De Vallette minn Sqallija.

Din in-nota ta’ Baldacchino nstabet ġewwa l-Arkivji Notarili fil-Belt.Aqra aktar

L-Isla qed tiċċelebra ċ-Ċentinarju mill-Inkurunazzjoni ta’ Marija Bambina

Il-belt tal-Isla qed tiċċelebra ċ-ċentinarju mill-inkurunazzjoni ta’ Marija Bambina.

Din il-ġrajja ġrat fl-4 ta’ Settembru tal-1921, meta tpoġġiet kuruna tad-deheb fuq ras ix-xbieha qaddisa ta’ Marija Bambina.

Dakinhar tal-4 ta’ Settembru, kienu bosta nies li nġabru fix-xatt tal-Isla sabiex isegwu din ix-xena storika. Dan hekk kif il-funzjoni bdiet permezz ta’ purċissjoni mill-Bażilika lejn ix-xatt, li tmexxiet mill-Isqof Mauro Caruana.

Aqra aktar

Il-grupp mużikali Kantera jniedi l-kanzunetta ‘Tliet Kitarri u Mandolina’

Il-grupp mużikali Kantera, li jħaddan l-istil tradizzjonali Malti, nieda t-tieni kanzunetta bl-isem ta’ ‘Tliet Kitarri u Mandolina’, mill-pinna ta’ Alfred C. Sant.

Dan il-grupp, li jifforma minn mużiċisti kemm Maltin kif ukoll Għawdxin, rajnih ukoll fil-Festival Nazzjonali ta’ kanzunetti Maltin, Mużika Mużika, fejn ikklassifikaw fit-tielet post bl-isem ta’ ‘L-ewwel Jien’.

L-għan tagħhom huwa sabiex fl-istess waqt li bil-mużika jżommu kumpanija lin-nies, ikomplu jippreseraw it-tradizzjonijiet Maltin, fosthom il-lingwa, ilbies u anke strumenti mużikali ta’ pajjiżna.

Diska oħra ġdida ta’ Matthew James Borg

Wara s-success kbir ta’ ‘’Tbissem’’ li kienet kollaborazzjoni mal-kantawtriċi Ira Losco, Matthew James illum iddebutta silta oħra għal darb’oħra bħala solist.

Il-kantawtur u producer Matthew James, tul din il-pandemija kien wieħed mill-iktar artisti lokali li baqgħu attivi. Tul is-sena l-oħra kif ukoll din is-sena, ikkolabora ma’ diversi artisti oħra, ħareġ ammont konsiderevoli ta’ siltiet u pproduċa lil bosta artisti lokali oħra. Infatti tul l-2020 u din is-sena, siltiet ta’ Matthew James kienu qiegħdin b’mod konsistenti jokkuppaw l-quċċata tal-klassifiċi lokali għal numru ta’ ġimgħat.
Is-silta li ddebutta llum ‘Round and Round’’ tesplora in-naħa iktar serja ta’ Matt bħala artist.
Matt jgħidilna li ‘’Round and Round tippreżenta lis-semmiegħ b’għażla. Biex jaħseb fuq id-deċiżjonijiet fil-ħajja u mhux sempliċiment isegwi lil ħaddieħor’’

https://www.facebook.com/MatthewJamesMT
https://www.instagram.com/matthew_james_borg/

Send this to a friend