Internazzjonali – Page 7 – One News

Notifiki

Studju dwar jekk il-klieb ikunux possibbli jidentifikaw il-COVID-19 qabel ma jibdew is-sintomi

Ir-Renju Unit se tkun qed tesplora l-possibilità jekk klieb, li huma ttrenjati fil-mediċina, ikunux jistgħu jidentifikaw il-coronavirus fil-bnedmin.

Din il-prova se tidentifika jekk il-klieb tar-razza Labrador u Cocker Spaniel jkunux jistgħu jidentifikaw il-virus fil-bnedmin qabel ma’ juru s-sintomi.

Il-klieb huma diġà ttrenjati biex jidentifikaw irwejjaħ ta’ ċerti kanċers, malarja u l-marda ta-parkinson.

 

Jilbsu tagħmir tal-għum f’kafeterija biex iżommu d-distanza

Ħanut tal-kafè fil-Ġermanja qassam tagħmir tal-għawm imwaħħal ma’ kpiepel tat-tiben biex tinżamm id-distanza soċjali minħabba l-coronavirus. Il-ħwienet fil-Ġermanja tħallew jerġgħu jiftħu l-bibien tagħhom nhar is-Sibt li għadda hekk kif bdew jitneħħew uħud mir-restrizzjonijiet tal-coronavirus.

Dan il-ħanut minflok uża marki fl-art jew perspex biex iżomm in-nies ‘il bogħod minn xulxin f’distanza adekwata, użaw dan il-metodu aktar divertenti għall-klijenti li marru bi ħġarhom fil-kafetterija.

 

 

Joħroġ ir-rapport dwar il-mewt ta’ Kobe Bryant, bintu Gianna u 7 persuni oħra

Fl-eżami ta’ wara l-mewt għall-inċident li fih miet l-istilla tal-basketball Kobe Bryant flimkien ma’ bintu Gianna ta’ 13-il sena u seba’ persuni, ġie konkluż illi l-vittmi kollha mietu mad-daqqa.

Ir-rapport ta’ 180 paġna dwar l-inċident li seħħ fis-26 ta’ Jannar li għadda, meta l-ħelikopter li kienu fuqu d-disa’ vittmi waqa’ fi triqtu lejn Thousand Oaks f’Kalifornja jinkludi wkoll illi l-pilota, Ara Zobayan ta’ 50 sena, ittestja negattiv għad-drogi u l-alkoħol. Madanakollu, il-kawża tal-ħabta għadha qed tiġi investigata.

 

It-Taljani se jkunu jistgħu jerġgħu jibdew jivjaġġaw

Mit-tlieta ta’ Ġunju li ġej it-Taljani se jkunu jistgħu jibdew jivjaġġaw bejn ir-reġjuni kif ukoll minn u lejn l-Italja; dan wara li l-Prim Ministru Taljan Giuseppe Conte ffirma digriet li jipermetti l-ivvjaġġar, bħala parti mit-tnaqqis ta’ miżuri li ttieħdu biex jiġġieldu l-imxija tal-coronavirus.

L-Italja ilha aktar minn xaharejn f’lockdown u għandha t-tielet l-ogħla rata ta’ mwiet, b’aktar minn 31,600 persuna jmutu kawża tal-pandemija, madanakollu, fl-aħħar jiem in-numru ta’ każijiet ġodda naqas drastikament.

Il-Prim Ministru Taljan se jkun qed inaqqas il-miżuri gradwalment sabiex tiġi evitata t-tieni mewġa ta’ każijiet fl-Italja. Il-ħwienet u r-ristoranti wkoll se jerġgħu jiftħu l-bibien tagħhom minn nhar it-Tnejn li ġew, b’kundizzjonijiet li jassiguraw saħħet il-ħaddiema u l-konsumaturi.

Send this to a friend