l-Parlament Ingliż għandu jiddeċiedi b’mod unanimu jekk il-Gvern ta’ Theresa May għandux jagħti bidu għall-proċess Brexit. Din kienet id-deċiżjoni tal-Qorti Suprema Ngliża t-Tlieta filgħodu wara laqgħa fil-Parlament f’Westminster.
Żieda drastika fin-numru ta’ trabi li twieldu ċ-Ċina
In-numru ta’ trabi li twieldu fiċ-Ċina żdied b’ 7.9% fl-2016 meta kkumparat mal-2015 dan skont il-figuri li ppubblika l-Gvern Ċiniż. Din iż-żieda fin-numru ta’ trabi hija riżultat ta’ bidla fil-politika dwar it-tfal, hekk kif il-familji issa jista’ jkollhom żewġt itfal u mhux wieħed biss.
FILMAT: Il-mument li l-ħaddiema tas-salvataġġ sabu tliet ġriewi taħt il-borra
Il-ħaddiema tas-salvataġġ fl-Italja salvaw il-ħajja mhux biss tal-bnedmin li nstabu midruba taħt il-borra, wara valanga, iżda anke ta’ tliet ġriewi.
Fost id-dieqa, wara jiem ta’ ħidma u sejbiet ta’ katavri, tispikka s-sens ta’ sodisfazzjoni u tbissima fuq fomm il-ħaddiema li sabu ħajjin dawn il-klieb li kienu ilhom sigħat twal f’kesħa xxoqq il-għadam taħt is-silġ.
Trump iffirma biex l-Amerka toħroġ minn ftehim ekonomiku mal-Asja
Il-President Amerikan Donald Trump iffirma ordni eżekuttiva biex pajjiżu joħroġ mill-ftehim ekonomiku li jeżisti bejn l-Istati Uniti u pajjiżi Asjatiċi. Dan il-ftehim li kien ferm imbuttat mill-amministrazzjoni t’Obama kien iffirmat minn tnax-il pajjiż u kien jolqot mal-erbgħin fil-mija tal-ekonomija tad-dinja.
Il-President il-ġdid kien kritika bl-aħrax dan il-ftehim ekonomiku li skontu jmur kontra l-interessi tal-Amerka. Intant Trump ħabbar li se jkun qed jaqta’ b’mod massiċċ it-taxxi fuq kumpaniji li jżommu l-bażi tagħhom fl-Istati Uniti. Trump ħabbar dan waqt li fil-Whitehouse kien qed jiltaqa’ ma diversi sidien ta’ negozji kbar fil-pajjiż.
Isib it-tama fi knisja abbandunata
Meta Greg Thomas, raġel ta’ 57 sena, u familtu ngħataw l-aħbar li jistgħu jibdew jippreparaw għall-funeral tiegħu l-unika moment ta’ paċi li seta’ jsib kien li jmur mixja bil-kelba qalb l-għelieqi f’Minnesota.
Daqshekk ħwejjeġ maħmuġin wara siegħa gym!
Fl-Ingilterra twieled kunċett ġdid: l-ewwel klassijiet tal-fitness fejn bniedem joqod kompletament għarwien – ħlief għall-papoċċ u forsi sports bra, jekk wieħed iħoss li huma neċessarji.
Hija Helen Smith ta’ 35 sena li ħarġet bl-idea ta’ klassijiet ta’ siegħa, fejn min jattendi jrid ikollu bejn 33 u 70 sena. Jagħmlu minn kollox: jumping-jacks, sit-ups, push-ups u dak li jissejjaħ partner work.
Għal min jitħajjar, biex tattendi trid tmur Southampton. Smith kienet konsulenta fejn jidħol l-ingaġġ tan-nies, iżda hija wkoll membru f’għaqda li tissejaħ British Naturism. Temmen li meta toqod bla ħwejjeġ, tista’ verament turi l-eżerċizzju li qed tagħmel lil min ikun qed isegwi. Vantaġġ ieħor hu li ma jkollokx ħwejjeġ kollha għaraq x’taħseb wara.
Iżommu lill-kunjata maqfula f’gaġġa
Anzjana ta’ 92 sena ġiet sforzata li tgħix f’gaġġa mit-tifel tagħha u martu mill-Provinċja ta’ Guangxi fiċ-Ċina.
L-anzjana ġiet miżmuma f’gaġġa żgħira għal diversi snin, fejn ġiet sforzata biex torqod fuq biċċa injama b’liżar wieħed. Hi instabet li ma kinitx tingħata ikel adekwat u ma kinitx mlibbsa sew.
Taħdidiet ġodda ta’ paċi biex jintemm il-kunflitt fis-Sirja
Fil-kapitali tal-Kazakistan, Astana, bdew taħdidiet ġodda ta’ paċi biex iwasslu għat-tmiem tal-kunflitt fis-Sirja.
Dawn il-laqgħat qed jitmexxew mir-Russja u l-Iran li qed jappoġjaw il-Gvern Sirjan u fuq in-naħa l-oħra t-Turkija li qed tirrapreżenta lir-ribelli.
FILMAT: Jipprova jbiegħ lil ibnu biex iġib id-divorzju
Ftit tal-jiem ilu filmat li ttella’ fuq is-sit soċjali Facebook wera missier b’tarbija ta’ ħames xhur f’idu jistenna lil stranġier biex ibiegħ lil ibnu.
Wara li uffiċjali tal-Pulizija rawh u ħaduh f’Għassa tal-Pulizija f’Linyi fiċ-Ċina, ammetta li kien se jbiegħ lit-tifel tiegħu biex jixtri karozza lil martu.
L-istess raġel tkellem mal-Pulizija fejn qal li jekk ma jixtrix karozza ġdida lil martu, hi mhux se tkun qed taċċetta li jieħdu d-divorzju u b’hekk iddeċieda li jbiegħ lit-tifel tiegħu.
Will & Grace lura fuq it-televiżjoni!
NBC ħabbru l-Erbgħa li għadda li se jkunu qed jerġgħu jagħtu l-ħajja lis-serje televiżiva Will&Grace, fejn se jkun qed jirritorna b’għaxar episodji ġodda bejn l-2017 u l-2018.
L-erba’ karattri tant maħbubin mal-fanatiċi ta’ dan is-serje, se jkunu qed jerġgħu jġeddu l-memorji hekk kif kollha qabblu li jirritornaw lura fuq it-televiżjoni.