Il-Mexxej tal-Lburisti Ingliż Jeremy Corbyn keċċa lil Hilary Benn minn shadow minister għall-affarijiet barranin.
Skont The Observer, wara sitt xhur tensjoni bejniethom, Corbyn neħħa lil Hilary Benn fis-sigħat bikrija ta’ dalgħodu wara telefonata animata bejniethom.
Fi Spanja mistennija terġa’ tinfetaħ il-votazzjoni wara li erba’ partiti politiċi ewlenin fallew milli jkissru l-imblokk politiku mill-elezzjoni ġenerali inkonklusiva ta’ Diċembru li għadda.
L-istħarriġ ta’ opinjoni ssuġġerew li l-elezzjoni tal-Ħadd xorta tista’ ma tegħlibx l-istaġnar eżistenti. L-istħarriġ qed juri li l-partit xellugi, Unidos Podemos qiegħed fuq quddiem, bis-soċjalisti fit-tieni post.
Il-Kummissarju Ewropew għar-Renju Unit, Lord Hill, se jirriżenja mill-kariga tiegħu. Wara r-referendum li ddeċieda l-futur ta’ pajjiżu mal-Unjoni Ewropea huwa qal li dak li sar ma jista’ jħassru ħadd. Aqra aktar
Ir-Renju Unit sofra tnaqqis fil-credit rating tiegħu mill-aġenzija Moody’s, wara li vvotaw biex jitilqu mir-Renju Unit.
Moody’s temmen li l-pajjiż dieħel għal perjodu twil ta’ inċertezza u għalhekk niżżlet il-klassifikazzjoni għal waħda ‘negattiva’ minflok ‘stabbli’ kif kienet.
Il-President tal-Kummissjoni Ewropea Jean-Claude Juncker qal li m’hemm ebda raġuni għaliex wieħed jistenna sa’ Ottubru, meta jinstab Prim Minsitru Ingliż ieħor minflok David Cameron, biex jibdew in-negozjati għall-ħruġ tar-Renju Unit mill-Unjoni Ewropea.
Il-Papa Franġisku spiċċa daħal bejn basla u qoxritha. Dan hekk kif f’messaġġ li għadda spiċċa uża l-kelma ġenoċidju, b’referenza għal qtil massiċċ li wettqu t-Torok fuq Armeni matul l-ewwel gwerra dinjija.
Il-Papa bħalissa jinsab fil-kapitali Armena, Yerevan u huwa fakkar il-madwar miljun u nofs Armen Kristjan li nqatlu mill-Imperu Ottoman.
Bernie Sanders saħaq li se jkun qed jappoġġja lil Hilary Clinton fl-elezzjoni Presidenzjali li jmiss.
Sanders li tah battikata mhux ħażin lil Clinton fl-elezzjonijiet primarji, qal li huwa se jkun qed jivvota lil Hilary Clinton biex tikseb l-ogħla kariga fil-White House.
Il-Gvern Spanjol aċċenna għas-sovranità tiegħu fuq Ġibiltà, fid-dawl li r-Renju Unit ivvota biex jitlaq mill-Unjoni Ewropea.
Ir-Renju Unit għandhom territoru li fih hemm 30,000 persuna, li minnhom 96% ivvotaw biex ir-Renju Unit jibqa’ fl-Unjoni Ewropea.
Żewġ deputati tal-Partit Laburista Ingliż għamlu mozzjoni ta’ sfiduċja fil-mexxej laburista, Jeremy Corbyn. Margaret Hodge u Ann Coffey kitbu liċ-ċermen tal-grupp parlamentari Laburista u qalu li din il-mozzjoni għandha tkun dikussa nhar it-Tnejn.
Wara riżultat favur BREXIT, se issir sessjoni plenarja straordinarja tal-Parlament Ewropew nhar it-Tlieta 28 ta’ Ġunju.
Dan wara deċiżjoni li ħadu l-President tal-Parlament Ewropew Martin Schulz flimkien mal-mexxejja tal-gruppi politiċi, illum, il-Ġimgħa.
Send this to a friend