Internazzjonali – Page 650 – One News

Notifiki

Liverpool u Sevilla fil-finali tal-Europa League

Liverpool u Sevilla fil-Finali tal-Europa League.

Liverpool u Sevilla irnexxielhom jagħmluha għall-finali tal-Europa League wara li rnexxielhom jegħlbu lil VillaReal u Shaktar Donetsk rispettivament.

Liverpool għamlu rimonta kbira f’darhom wara li kienu megħluba bl-iskor ta’ 1-0 fi Spanja. Sevilla komplew iżidu ma’ dak li kienu ġa bnew barra minn darhom.

Il-finali ser tkun qed tintlagħab F’ St. Jacob Park fl-Isvizzera fit-18 ta’ Mejju.

Aktar stretti dwar l-e-cigarettes

Il-Gvern Amerikan impona regoli ġodda u aktar ħorox għall-e-cigarettes.

Il-Food and Drug Administration (FDA) ħabbret dawn ir-regoli llum. Daqshekk bejgħ ta’ e-cigarettes lil minuri. Barra minn hekk, dawn is-sigaretti ser ikollhom bżonn aktar tabelli ta’ twissija stampati fuqhom.

Waħda mill-aktar miżuri ħorox hija li qabel kull kampanja ta’ marketing li ssir għal dawn is-sigretti, ser ikun hemm bżonn l-approvazzjoni tal-FDA. Dawn ilhom fis-suq mill-2007 u jiġu rikalamati bħala alternattiva għas-sigaretti.

Issa kumpaniji li ma jippreżentawx applikazzjoni li tissodisfa kriterji favur is-saħħa pubblika ser ikollhom il-prodott irtirat mis-suq.

Il-baħri li għeb għal xahrejn

Wara xahrejn bejn sema u ilma, baħri Kolombjan sab is-salvazzjoni.

Dgħajsa ta’ 23 pied li kien fuqha flimkien ma’ tliet baħħara oħra ntilfet f’parti mill-Oċean Paċifiku li ftit li xejn jara nies. Il-baħri rnexxilu jsalva billi jiekol il-ħut u l-gawwi.

The Guardian jirrapporta li sħabu l-baħħar ma salvawx u ma nstabux fuq id-dgħajsa. Dak li salva, pero’, kellu l-passaporti tagħhom.

Hawn ir-raġel jidher jasal Honolulu wara li salvawh vapuri merkantili.

 

isalva

Il-Prim Ministru Tork se jirriżenja

Il-Prim Ministru Tork Ahmet Davutoglu qal li se jirriżenja waqt il-kungress straordinarju tal-Partit tal-Ġustizzja u l-Iżvilupp.

Kungress li se jsir fit-22 ta’ Mejju. Spekulazzjoni dwar ir-riżenja tiegħu nibtet wara li l-istess Davutoglu ltaqa’ mal-President Recep Tayyip Erdogan nhar l-Erbgħa.

Aqra aktar

Barack u Michelle Obama jiżfnu Uptown Funk ma’ żewġ Stormtroopers u r-robot R2-D2

Meta wieħed jilgħab bil-frażi ta’ Star Wars may the force be with you, faċilment tinbidel f’ may the fourth be with you. Minħabba f’hekk ir-raba’ jum ta’ Mejju sar magħruf bħala Star Wars Day.

Jum li fih ammiraturi ta’ Star Wars jiċċelebraw is-sensiela Star Wars. Din is-sena ngħaqdu fiċ-ċelebrazzjonijiet il-President Amerikan Barack Obama u martu Michelle, li flimkien ma’ żewġ Stormtroopers u r-robot R2-D2, żifnu mad-diska Uptown Funk.

Aqra aktar

Allarm qawwi fil-Kanada

Iddikjarat stat ta’ emerġenza fil-provinċja Alberta l-Kanada. Nirien wasslu biex 88,000 persuna kellhom jitilqu minn djarhom. Uffiċjali qed iwissu li n-nirien, li bdew fis-salvaġġ, jaf jeqirdu ħafna mill-Belt, u l-ġlieda kontra l-fjammi f’dawn is-siegħat hija kruċjali.

Aqra aktar

Lejn il-bidla fir-regoli ta’ Dublin

Il-Kummissjoni Ewropea preżentat proposti għar-riforma tas-Sistema Ewropea Komuni tal-Ażil billi tinħoloq sistema aktar ġusta, aktar effiċjenti u aktar sostenibbli għat-tqassim tal-applikazzjonijiet għall-ażil fost l-Istati Membri.

Il-prinċipju bażiku se jibqa’ l-istess – dawk li qed ifittxu ażil għandhom, sakemm ma jkollhomx qraba xi mkien ieħor, japplikaw għall-ażil fl-ewwel pajjiż fejn jidħlu. Imma mekkaniżmu ġdid għal tqassim ġust għandu l-għan li jiżgura li l-ebda Stat Membru jitħalla bi pressjoni sproporzjonata fuq is-sistema tiegħu ta’ ażil.

Aqra aktar

Send this to a friend