In-negozjatur ewlieni għal Brexit f’isem l-Unjoni Ewropea, Michel Barnier ittestja pożittiv għall-Coronavirus.
Il-polikant Franċiż ta’ 69 sena ħabbar dan permezz ta’ messaġġ fuq Twitter, fejn qal li jinsab fi stat ta’ saħħa tajba u qed isegwi l-linji gwida tal-awtoritajiet tas-saħħa.
L-imxija tal-Coronavirus waslet ukoll biex tħassar in-negozjati bejn ir-Renju Unit u l-Unjoni Ewropea għall-futur tal-kummerċ bejn iż-żewġ partijiet.
Fir-Renju Unit, mill-Ġimgħa se jingħalqu l-iskejjel u l-istituzzjonijiet edukattivi għal żmien indefinit minħabba l-imxija tal-Coronavirus.
Dan tħabbar mill-Prim Ministru Ingliż Boris Johnson, fejn qal li l-eżamijiet f’Ingilterra u Wales mhux se jsiru; filwaqt li d-deċizzjoni dwar l-eżamijiet fl-Iskożja u l-Irlanda ta’ Fuq se tittieħed aktar tard.
Fir-Renju Unit, l-każi ta’ mwiet minħabba l-Coronavirus laħqu l-104.
Fl-Italja, f’temp ta’ erbgħa u għoxrin siegħa, l-imwiet b’kawża tal-Coronavirus telgħu għal 475. Dan ifisser li b’kollox in-numru tal-imwiet telgħa għal kważi 3,000.
B’hekk b’kollox hemm total ta’ aktar minn 35,700 każ ta’ Coronavirus f’dan il-pajjiż, b’4,000 jfiequ minn dan il-virus.
L-Italja kien l-aktar wieħed li ġie affettwat minn dan il-virus wara ċ-Ċina, il-post minn fejn beda dan il-virus.
L-eks plejer ta’ Manchester United Gary Neville ħabbar li ż-żewġ lukandi li għandu bi sħab ma’ Ryan Giggs se jkunu offruti lill-istaff mediku li bħalissa qed jiġġieled qattiegħ l-imxija tal-Coronavirus.
Fuq Twitter, Neville ħabbar li mill-Ġimgħa s-sodod kollha fil-lukandi tagħhom se jingħataw lill-istaff mediku. Dan bil-għan sabiex dawk li qed jiġu f’kuntatt kontinwu ma’ persuni infettati mill-Coronavirus ma jkollhomx għalfejn imorru lura lejn djarhom bil-possibilità li jinfettaw lill-qraba tagħhom.
Għall-ewwel darba minn Diċembru, iċ-Ċina ma rrapurtat l-ebda każ ġdid ta’ Coronavirus trażmess lokalment.
Madankollu kienu kkonfermati 34 każ impurtat ta’ persuni infettati bil-Covid-19.
Intant, l-Awstralja hija mistennija tibda twaqqaf persuni li ma joqgħodux fil-pajjiż milli jidħlu.
Dan tħabbar mill-Prim Ministru Awstraljan Scott Morrison li spjega kif din l-ordni ser tidħol fis-seħħ nhar il-Ġimgħa fil-disa’ ta’ filgħaxija, ħin lokali.
In-numru ta’ każijiet ikkonfermati ta’ Coronavirus madwar id-dinja qabeż il-mitejn elf. Minnhom, 8,000 kienu fatali. Aqra aktar
Il-Plejer Franċiż ta’ Juventus Blaise Matuidi, li għandu 32 sena rriżulta fil-pożittiv għall-Coronavirus. Aqra aktar
Hashem Abedi nstab ħati li qatel 22 persuna f’Manchester Arena. Abedi nstab ħati li hu għen lil ħuh biex jippjana dan l-attakk li anke darab kważi 1,000 persuna oħra. L-aħwa ħadmu flimkien biex iwettqu dan l-attakk wara kunċert tal-kantanta Ariana Grande f’Mejju tal-2017. Aqra aktar
Il-UEFA pposponiet il-Euro għas-sajf tal-2021 minħabba l-imxija tal-Coronavirus. Dan ħabbritu l-assoċjazzjoni tal-futbol Norveġiża. Aqra aktar
Il-Kummissjoni Ewropea qed tippjana biex tipprojbixxi l-ivjaġġar mhux essenzzjali fiż-żona Schengen u dan wara li aktar pajjiżi qed jagħlqu l-fruntieri bil-għan li jillimitaw it-tixrid tal-Coronavirus. Din il-miżura tibqa’ fis-seħħ għat-30 jum li ġej. Aqra aktar
Send this to a friend