Il-Qorti Federali tal-Appelli rrifjutat it-talba tal-amministrazzjoni ta’ Trump biex immedjatament terġa ddaħħal fis-seħħ il-projbizzjoni fuq l-ivvjaġġar li kienet imblukkata minn imħallef federali.
Il-projbizzjoni kienet fil-konfornt ta’ seba pajjiżi li huma fil-maġġoranza tagħhom Musulmani.
Tfajla li tagħmel it-tpinġija daħlet f’kontroversja wara li pinġiet erba’ tattoos fuq il-qattus tagħha.
Aleksandr, sid il-qattus tat-tip Sphinx minn Yekatrinburg fir-Russja, iddeċieda li jagħtih il-loppju biex ma jħoss xejn waqt il-proċedura u qal lil din l-artista biex tagħmillu erba’ tpinġijiet.
Tifla ta’ 12-il sena ġiet stuprata minn ħabib tal-familja qabel ma qatilha billi waddabha ħajja minn 330 pied għoli.
Is-suspettat, Evgeny Bukharin ta’ 40 sena mir-Russja, offra li jrikkeb lit-tifla fuq mutur li jsuq fil-borra waqt li kienet qed tistenna tal-linja biex iżżur lil oħtha.
Aqra aktar
Il-baruni tad-drogi Messikan, Joaquin “El Chapo” Guzman ilmenta fil-qorti dwar il-kundizzjonijiet ta’ kustodja fil-ħabs tal-Istati Uniti.
Guzman qed jinżamm taħt sigurtà massima fil-ħabs fi New York wara li x-xahar li għadda kien estradit. Huwa ħarab darbtejn mill-ħabs fil-Messiku, darba f’basket tal-ħwejjeġ u riċentament permezz ta’ mina fiċ-ċella tiegħu.
Fil-Qorti, huwa wieġeb li ma kienx ħati għat-tmexxija tal-akbar organizzazzjoni tat-traffikar tad-drogi fid-dinja għal karriera twila ta’ snin. Jekk jinsab ħati, huwa jaffaċċja ħajja fil-ħabs.
L-awtoritajiet Franċiżi qalu li jemmnu li r-raġel li ried iwettaq attakk fil-mużew Louvre fil-kapitali Franċiża Pariġi huwa Eġizzjan ta’ 29 sena.
Dan aktarx vjaġġa lejn Pariġi minn Dubai b’visa turistika x-xahar li għadda. Il-Pulizija issa qed tipprova tifhem jekk kienx qed jaġixxi waħdu, jew kienx parti minn grupp u kien qed jieħu l-ordnijiet minn xi ħadd ieħor.
B’machette f’idu, huwa ndarab serjament wara li qala tiri minn suldati Franċiżi li pprovaw iwaqqfuh milli jwettaq l-attakk li kellu f’moħħu fil-mużew tal-arti. Fir-ritratt jidher mal-art wara li twaqqaf mill-Pulizija.
Justin Bieber, l-artist famuż mondjali, irritorna lura fuq Instagram wara li lura f’Awwissu kien neħħa l-profil tiegħu kawża ta’ bullying li beda jsir fil-kummenti fuq l-eks għarusa, Sofia Richie.
Fost il-persuni li bdew jikkummentaw kummenti mhux xierqa fuq ir-ritratti tiegħu f’Awwissu kien hemm ukoll l-eks għarusa tiegħu Selena Gomez, fejn f’kumment minnhom allegat li hu kien biddilha ma’ mara oħra.
Football Leaks huma meqjusa l-ekwivalenti ta’ Wiki Leaks fid-dinja sportiva. L-eks captain tat-tim Ingliż David Beckham laqqatha meta ħarġu serje ta’ emails li allegatament juru li uża x-xogħol tiegħu ta’ karità bħala parti minn kampanja biex jinħatar kavallier.
Rappreżentanti ta’ Beckham ċaħdu dan kollu, u qalu li l-emails ippublikati kienu misruqa u mbgħabsa. Fihom Beckham allegatament isejjaħ bi kliem dispreġjattiv lill-kumitat li jagħti l-unuri, talli għadu m’għamlux Sir David. Hemm ukoll allgeazzjonijiet li Beckham, ambaxxatur tal-Unicef, talab lil din l-organizazzjoni £6,685 għal titjijra business class biex jattendi avveniment fl-Ażja, anke jekk l-isponsors tiegħu provdewlu jet privat.
Football Leaks qalu wkoll li Beckham irreaġixxa b’rabja meta l-konsulent tiegħu Simon Oliveira ssuġġerixxa li jagħti donazzjoni ta’ miljun dollaru b’ikla tal-Unicef f’Shanghai, għax qal li ma jixtieqx juża mill-flus personali tiegħu.
Imħallef Amerikan f’Seattle ħareġ waqfien temporanju għad-deċiżjoni tal-Prisedent Donald Trump li ma tħallix vjaġġar minn seba’ pajjiżi Musulmlani.
L-Imħallef James Robart iddeċieda kontra l-auvkati tal-Gvern, li qed jinsistu li stati Amerikani m’għandhomx id-dritt jopponu l-ordni eżekuttiva ta’ Trump.
Intant id-deċiżjoni ħolqot protesti u taħwid fl-ajruport Amerikani. Madwar 60,000 visa ttieħdet lura minn meta Trump ħabbar id-deċiżjoni. Iżda uffiċjali mill-White House iddeskrivew id-direttiva ta’ Trump bħala legali u f’lokha.
Carer inqabdet fuq filmat, meħud minn kamera li kienet moħbija, issabbat ras anzjana waqt li kienet qed tbiddlilha l-ħwejjeġ.
L-anzjana, li għandha 77 sena u għandha d-dimenzja, tgħix f’dar tal-anzjani u minħabba l-kundizzjoni li għandha ma tistax tfendi għal rasha b’hekk ikollha tiddependi fuq l-għajnuna tal-carers.
Send this to a friend