Internazzjonali – Page 481 – One News

Notifiki

Mijiet ta’ djar evakwati wara nirien kbar fi New Zealand

Mijiet ta’ djar fil-belt ta’ Christchurch fi New Zealand ġew evakwati wara li nirien kbar ħakmu l-periferiji tal-belt u qed jinfirxu b’ritmu mgħaġġel.

Fil-belt ġie ddikjarat stat t’emerġenza, u numru ta’ distretti fil-viċin qed jagħtu l-għajnuna tagħhom billi bgħatu numru ta’ pumpiera li qed jgħinu jikkontrollaw in-nirien.

Aqra aktar

Mewta makabra – ħanxar għonqu stess

Traġedja makabra u mdemmija seħħet fin-nofsinhar ta’ Londra. Raġel li jożbor u jieħu ħsieb is-siġar inqatel bil-magna li kien qed juża…kienet mewta mill-aktar imdemmija, hekk kif spiċċa ħanxar għonqu.

Persuni li kellhom ix-xorti ħażina jaraw dak li ġara għall-ħabta tal-ħdax ta’ filgħodu qalu li kienet xena makabra mmens dik li miet ir-raġel li għandu bejn 30 u 40 sena.  Issa qed jinvestigaw l-awtoritajiet li jieħdu ħsieb is-saħħa u s-sigurtà fuq il-post tax-xogħol.

Aqra aktar

Inqatlu waqt li kienu qed ixandru ‘live’ fuq ir-radju

Tliet irġiel kienu arrestati wara li żewġ ġurnalisti nqatlu waqt li kienu qed ixandru b’mod dirett fuq ir-radju.

Il-każ seħħ fid-Repubblika Dominikana, u wieħed mill-ġurnalisti kien qed jiffilmja x-xandira fuq Facebook Live meta nqatel.

Fil-filmat jidher ix-xandira mwaqqfa ħesrem u mara twerżaq li kienu sparati tiri. Il-vittmi kieu Luis Manuel Medina u Leo Martinez.

Hawn jidher wieħed minnhom jitkellem waqt li nqatel sieħbu, lejn l-aħħar tal-filmat.

Aqra aktar

Eks striker ta’ Sunderland jgħidulu li xagħaru “MHUX ETIKU”

L-eks striker ta’ Sunderland Asamoah Gyan huwa wieħed minn grupp ta’ 40 player li qalulhom li għandhom ‘xagħar mhux etiku’. Dan skont il-linji gwida tal-assoċjazzjoni tal-football tal-Emirati Għarab Magħquda.

Il-player ta’ 31 sena mill-Ghana jinsab misluf lit-team Al Ahli.

Din mhix l-ewwel darba li ġrat xi ħaġa hekk. Fl-2012, il-goalkeeper tal-Għarabja Sawdija Waleed Abdullah kellu jirranġa xagħru għax ma kienx ‘Iżlamiku’. Kien ir-referee li qallu jirranġah qabel lagħab għall-Al Shabab. L-isti mohawk totalment mhux aċċettat minn din il-kultura.

Meta l-bullying ikun estrem

Il-familja ta’ tfajjel fl-Ingilterra ippubblikat ritratti xokkanti ta’ binhom ta’ 15-il sena.

It-tifel kien nieżel minn karozza tal-linja, fi triqtu lejn id-dar mill-iskola, meta safa attakkat, bir-riżultat ikun wiċċ minfuh u kollu demm. Ħabiba tal-familja użat Facebook biex ippubblikat ir-ritratti u talbet għall-għajnuna, bil-kliem: ‘Please, if anyone saw anything please tell the police.’  u ‘I’m sharing this with his mum’s permission.’

Il-Pulizija wkoll qed tappella biex min għandu informazzjoni dwar l-attakk li seħħ fid-dawl tax-xemx f’South Wales, jitkellem. Ġuvni ta’ 17-il sena kien arrestat b’rabta ma’ dan il-każ estrem ta’ bullying.

Aqra aktar

Qattiela LOL!

Stampi tas-CCTV juru mara suspettata li hija dik li qatlet lil Kim Jong-nam f’ajruport fil-Malażja.

Hu maħsub li kien ħuh, id-ditattur Kim Jong-un, li bagħat lil din il-mara biex toqtlu. L-ironija hi li fuq il-flokk kellha l-ittri LOL – li jfissru ‘laugh out loud’. Abbli m’hi kumbinazzjoni xejn però, għax Kim Jong-nam darba qal li t-tmexxija ta’ ħuh hija farsa.

Ta’ 46 sena, Kim Jong-nam kien maqtul minn żewġ nisa li żammewlu maktur bil-velenu ma’ wiċċu.

Tifel ta’ 10 snin imut wara li waqgħat biċċa għamara fuqu f’Topshop

Tifel ta’ għaxar snin inqatel wara li waqgħat biċċa għamara tal-vetrina fuqu f’ħanut tal-ħwejjeġ.

Il-każ seħħ fl-Ingilterra u l-vittma huwa Kaden Reddick ta’ għaxar snin. Huwa kien fil-ħanut Topshop flimkien ma zitu, meta sofra ġrieħi li ħallewh mejjet. Dan il-ħanut jinsab fl-Oracle Shopping Centre ta’ Reading. Kien qed igawdi l-ewwel jum tal-btajjel ‘half-term’, u spiċċa tilef ħajtu.

Aqra aktar

Maqtul ħu Kim-Jong-un permezz ta’ biċċa ċaruta fl-ajruport

Ħu l-mexxej tal-Korea ta’ Fuq Kim Jong-un, li jismau Kim Jong-nam, inqatel f’attakk fil-kapitali tal-Malażja, Kuala Lumpur. Il-Pulizija tal-Malażja qalet li kien qed jistenna fl-ajruport għal titjijra lejn Macau lbieraħ, meta mara għattietlu wiċċu permezz ta’ biċċa drapp, u ħarqitlu għajnejh. Huwa kien qed juża passaport b’isem falz.

Kim Jong-nam, li jiġi ħu Kim-Jong-un biss minn naħa tal-missier, kien ħarab mill-Korea ta’ fuq wara li ma kienx ikkonsidrat biex imexxi l-pajjiż. Hu mifhum li d-drapp li użat il-mara qattiela kellha xi forma ta’ likwidu fiha.

Timmaġinak tirkeb drone biex tivvjaġġa?

Drone li jġorr in-nies se jkun qed jibda “jopera b’mod regolari” f’Dubai minn Lulju li ġej, dan tħabbar mill-Kap tal-Aġenzija tat-Toroq u t-Trasport ta’ Dubai waqt l-World Government Summit.

Il-mudell Ċiniż bl-isem ta’ eHang 184 kien diġà għamel titjiriet bħala prova, fejn jiflaħ iġorr persuna waħda b’madwar 100kg bħala piż għal titjira ta’ 30 minuta.

Aqra aktar

Send this to a friend