Internazzjonali – Page 368 – One News

Notifiki

Terremot jheżżeż lill-Messiku

Terremot b’qawwa ta’ 7.2 fuq l-iskala Richter, heżżeż lil-Lbiċ tal-Messiku.

L-epiċentru kien fl-istat t’Oaxaca; mat-350 kilometru bogħod mill-kapitali tal-pajjiż Mexico City.

B’xorti tajba ħadd ma miet minħabba t-terremot, għalkem kienu rrappurtati ħsarat f’numru ta’ binjiet.

Kawża tat-terremot iġġarraf ħelikopter li kellu abbord lill-Ministru tal-Intern u l-Gvernatur t’Oaxaca. L-inċident ħalla żewġ persuni mejta għalkemm il-Ministru u l-Gvernatur ma ġarrbux ġrieħi serji.

L-awtoritajiet ħarġu twissija ta’ terremot f’erba’ stati, u qalu li ma jidhirx li hemm riskju ta’ tsunami.

Pressjoni biex jirriżenja d-Direttur tal-FBI

Qed tiżdied il-pressjoni fuq l-FBI wara li din falliet milli tieħu azzjoni dwar ħjiel li kellha qabel seħħ l-attakk fl-iskola fi Florida.

Il-Gvernatur ta’ Florida Rick Scott qal li d-direttur tal-aġenzija għandu jirriżenja, filwaqt li l-Avukat Ġenerali Jeff Sessions ordna li ssir investigazzjoni biex tara x’wassal għan-nuqqas t’azzjoni min-naħa tal-FBI.

Flimkien ma’ dawn ingħaqdu wħud mill-qraba tal-vittmi, li kkundannaw lill-aġenzija Amerikana.

Nikolas Cruz, ta’ 19-il sena, ammetta li wettaq l-attakk fl-iskola u qed ikun akkużat bi sbatax-il att t’akkuża.

Dan kien l-aktar attakk imdemmi li seħħ fi skola Amerikana mill-2012 ’l hawn.

Aġġornat: Koppja Maltija titlef ħajjitha waqt btala fl-Awstralja

Koppja Maltija li toqgħod Birżebbuġa mietet f’inċident tat-traffiku waqt li kienet għal vaganza fl-Awstralja f’ħabta frontali ma’ trakk. Il-persuni huma Doreen Pulis ta’ 58 sena u r-raġel tagħha Lorry Pulis ta’ 57 sena,

Huma tilfu ħajjithom f’Sydney waqt li kienu btala għand ħu Doreen nfisha, li wkoll miet fl-inċident.

L-inċident sfortunat seħħ bejn karozza misjuqa minn ħu Doreen u trakk.

Ġew imsejħa 11-il ambulanza fuq il-post inkluż żewġ helikopters.

Jidher li kien hemm żewġ passiġġieri ohra fil-karozza: mara ta’ 54 sena liema mara damet maqbuda fil-karozza għal 20 minuta u ġiet meħlusa mill-paramediċi fejn jidher li kellha ġrieħi gravi fix-xewka tad-dahar u ksur f’sidirha. Kien hemm ukoll ragel ta’ 76 sena li ttiehed fl-isptar Liverpool f’Sydney, wara li huwa suspettat li sofra minn diversi ksur. Il-kundizzjoni ta’ dawn iż-żewġ persuni, madanakollu jidher li hija waħda stabbli.

Ix-xufier tat-trakk li għandu 59 sena ttiehed l-isptar ta’ Campbelltown għat-testijiet meħtiega.

 

Bil-Filmat: Serqa tmur ħażin

Serqa marret ħażin f’ Shangai fic-Cina fejn żewġ ħallelin pruvaw jisirqu minn ħanut billi jkissru l-faċċata tiegħu.

Mill-filmat jidher li din marret ħazin, meta wieħed mill-ħallelin tefa’ l-ġebla lil sieħbu meta ma kkalkulax il-ħin sakemm għadda minn quddiem il-viżta tiegħu, bil-konsegwenza li spiċċa fl-art.

Bil-Filmati: Jekk timpressjona ruħek tarax dan il-filmat…Sparaturi fi Florida

Dan huwa l-mument li fih instemghu l-isparaturi. Student saħansitra tefa’ filmat fuq instagram.

Inħoloq profil fuq instagram saħansitra biex juri r-realtà li spiss qed tirrepeti ruħha.

Is-Senatur Chris Murphy kellu kliem iebes għal mod kif fl-Istati Uniti biss jiġru dawn l-affarijiet ġo skejjel. Talab li tittieħed azzjoni mmedjata biex ma jerġax jiġri l-istess.

This epidemic action happens only in the United States

Qatel 17-il persuna u ħarab mal-istudenti stess

Nikolas Cruz ta’ 19-il sena ġie arrestat siegħa wara mill-pulizija,li wettaq att makabru u qatel 17-il persuna.

L-għalliema kienu mwissija li ż-żagħżugħ ma kienx permessibbli li jġorr baskett wara daharu.

Hemm bosta persuni midruba. L-investigazzjonijiet għadhom għaddejjin.

Jidher li l-kwistjoni li ġiegħlet lil Nikolas jitkeċċa mill-iskola, ftit qabel, qamet minħabba argumenti bejn Cruz innifsu u l-ġuvni l-ġdid tal-ex-tfajla tiegħu.

Jidher li Cruz ħarab fil-ġenn u l-paniku li nħoloq mill-istudenti, biex ma jagħtix fil-għajn iżda nqabad siegħa wara.

Ara: http://www.one.com.mt/news/2018/02/14/bhalissa-20-midruba-f-sparatura-fi-skola-f-florida/

BĦALISSA: 20 Midruba f’ sparatura fi skola f’ Florida

Minn tal-anqas 20 ruħ sfaw midruba f’ sparatura li seħħet ftit tal-ħin ilu fi skola fl-stat ta’ Florida fl-Amerka.

Hu mifhum li fuq il-post tal-attakk hemm diversi timijiet tal-SWAT Amerikana li qed tinterċetta lill-agressur li jidher li għadu ġo l-iskola.

Xi studenti li ħelsuha ħafif ddeskrivew is-sitwazzjoni bħala waħda ta’ paniku kbir u qalu li hekk kif ġew nfurmati li kien hemm persuna qed tispara fl-skola, nħoloq ġenn kbir għax l-istudenti bdew jipruvaw jaħarbu l-barra.

Aktar dettalji hekk kif jasluna …

Send this to a friend