Coronavirus – Page 89 – One News

Notifiki

It-tribunali lokali temporanjament magħluqa bħala mezz ta’ prekawzjoni kontra t-tixrid tal-Coronavirus

Wara diskussjonijiet bejn il-Ministru għall-Intern, Sigurta Nazzjonali u l-Infurzar tal-Liġi Byron Camilleri u l-Ministru għall-Ġustizzja, l-Ugwaljanza u l-Governanza Edward Zammit Lewis, ġie deċiż li jingħalqu it-tribunali lokali kollha b’effett immedjat sakemm joħroġ avviż ieħor.

Il-kawżi pendenti se jkunu differiti għal ġranet oħra, li se jkunu kkomunikati fi żmien li ġej.

Din id-deċiżjoni, bħad-deċiżjonijiet l-oħra li l-Gvern qed jieħu f’dan il-perjodu, qed tittieħed bħala mezz ta’ prekawzjoni biex kemm il-ħaddiema tat-tribunali lokali kif ukoll il-klijenti jkunu protetti mit-tixrid tal-Coronavirus.

Il-futbol fl-Ingilterra sospiż minħabba l-Coronavirus

Il-futbol fl-Ingilterra ġie sospiż sat-3 ta’ April.

Din is-sospenzjoni se tolqot il-kampjonat Premier Inġliż, it-tliet diviżjonijiet ta’ taħt il-Kampjonat Premier kif ukoll l-ogħla żewġ diviżjonijiet tal-futbol tan-nisa.

Ma’ dawn tħassru wkoll il-logħbiet friendly li kellu jilgħab it-tim internazzjonali Ingliż, kontra l-Italja u d-Danimark fis-27 u l-31 ta’ Marzu rispettivament.

Din issegwi d-deċizjoni tal-UEFA li tipposponi ċ-Champions League u l-Europa League.

Posposti l-logħob taċ-Champions League u Europa League li kellhom jintlagħbu l-ġimgħa d-dieħla

Il-plejers ta’ Real Madrid fi kwarantina wara li plejer tat-tim tal-basketball tal-istess klabb irriżulta pożittiv għall-Coronavirus

Il-plejers tal-klabb ta’ Real Madrid se jkunu qed jinżammu fi kwarantina wara li plejer tat-tim tal-basketball tat-tim Spanjol irriżulta pożittiv għall-Coronavirus.

Dan ifisser li l-logħba taċ-Champions League ta’ nhar it-Tlieta bejn Real Madrid u Manchester City ġiet posposta.

L-Air Malta b’titjiriet lejn Pariġi, Zurich u Frankfurt sabiex jinġiebu lura l-Maltin maqbuda f’dawn il-pajjiżi minħabba l-Coronavirus

Nhar is-Sibt il-linja nazzjonali tal-ajru l-Air Malta se tkun qed tagħmel vjaġġi minn Pariġi, Zurich u Frankfurt sabiex iġib lura lil dawk il-Maltin li qegħdin maqbudin f’dawn il-pajjiżi.

Dawn it-titjiriet qed isiru wara li l-Gvern Malti ħabbar li mhux se jsiru aktar titjiriet lejn l-Italja, l-Iżviżżera, Franza u Spanja.

It-titjiriet tas-Sibt huma dawn:

Pariġi (Charles De Gaulle)

  • KM7478 se titlaq minn Malta fis-6:15 ta’ filgħodu u tasal Pariġi fid-9:10 ta’ filgħodu
  • KM7479 se titlaq minn Pariġi fl-10:20 ta’ filgħodu u tasal Malta fis-1:05 ta’ wara nofsinhar

Zurich

  • KM7490 se titlaq minn Malta fis-2:25 ta’ wara nofsinhar u tasal Zurich fil-4:50 ta’ wara nofsinhar
  • KM7491 se titlaq minn Zurich fis-5:40 ta’ wara nofsinhar u tasal Malta fit-8 ta’ filgħaxija

Frankfurt

  • KM7328 se titlaq minn Malta fl-4:25 ta’ wara nofsinhar u tasal Frankfurt fis-7:10 ta’ filgħaxija
  • KM7329 se titlaq minn Frankfurt fit-8:10 ta’ filgħaxija u tasal Malta fil-10:40 ta’ filgħaxija

Fl-istqarrija l-linja tal-ajru nazzjonali qalet li kull Malti affettwat minn dan, għandu jċempel fuq +35622042200 jew b’email [email protected].

Send this to a friend