Mil-jum tat-Tnejn reġgħu bdew jingħataw is-servizzi lill-anzjani fil-komunità, fosthom dawk tal-HomeHelp u tal-Comm Care, bi protokolli ġodda biex l-anzjani u l-ħaddiema tas-saħħa jkunu lkoll protetti.Aqra aktar
BIL-FILMAT: Produzzjoni dwar in-normalità ġdida li qed ngħixu ser tixxandar għada
Minħabba li llum minn ħin għall-ħin il-Prim Ministru Robert Abela mistenni jindirizza konferenza tal-aħbarijiet dwar iżjed tnaqqis fil-miżuri, il-produzzjoni ta’ ONE News dwar in-normalità ġdida li qed ngħixu, li kellha tixxandar illejla fis-18.30 ser tkun qed tixxandar għada fl-istess ħin fuq il-paġna ta’ Facebook One.com.mt.Aqra aktar
ARA: Ħidma imprezzabbli mill-Air Malta biex ġeru wasal għand familja li mtliet bil-ferħ
Ġeru li kellu jiġi minn Spanja f’Marzu, issa jinsab fi ħdan familja wara ħidma imprezzabbli mill-ħaddiema tal-Air Malta u tal-Ministeru għall-Affarijiet Barranin u dawk Ewropej. Il-ġeru kellu jiġi minn Barċellona f’Marzu wara li fil-bidu tas-sena tħalla jikber ftit sakemm ikun jista’ jivvjaġġa fuq ajruplan.Aqra aktar
Il-Coronavirus qed jitlef is-saħħa – tabib jitkellem mar-RAI
Il-Coronavirus qed jiddgħajjef u qed jikkawża inqas imwiet u ħsara f’saħħet il-bniedem. Sostna dan tabib Taljan b’esperjenza kbira.
Alberto Zangrillo mill-isptar San Raffaele f’Milan qal li l-virus naqqas mis-saħħa tiegħu u klinikament fl-Italja l-virus ma jeżistiex iżjed. L-aġenzija t’aħbarijiet internazzjonali Reuters irrappurtat il-kliem li qal dan it-tabib mal-istazzjon RAI.
Meta mqabbla ma’ testijiet li saru xahar u xahrejn ilu, it-tabib qal li t-testijiet li saru għall-Covid-19 fl-aħħar għaxar t’ijiem urew il-virus fi kwantitajiet żgħar ħafna. It-tabib qal li kien hemm min allarma bit-tieni mewġa iżda r-realtà hi li rridu nibqgħu mexjin ‘il quddiem.
Miegħu qabel il-Kap tad-Dipartiment tal-infezzjonijiet tal-isptar San Martino f’Genoa. Matteo Bassetti qal li s-saħħa li kellu l-virus xahrejn ilu mhiex l-istess saħħa li għandu l-virus illum.
Saħaq li l-mard li qed jikkawża dan il-virus illum huwa differenti. Mal-aġenzija tal-aħbarijiet Taljana, ANSA, huwa wkoll irrimarka li l-virus iddgħajjef.
Pajjiżna se jkollu titjiriet għal 19-il pajjiż
Pajjiżna mistenni jiftaħ it-titjiriet minn u lejn 19-il pajjiż.
Dan tħabbar mill-Ministru għat-Turiżmu Julia Farrugia Portelli, il-Ħadd filgħaxija waqt programm fuq ix-xandir tal-istat.
Farrugia Portelli aċċennat li l-ajruport se jkun qed jinfetaħ fl-1 ta’ Lulju wara li l-Gvern tkellem mal-awtoritajiet tas-saħħa.
Qalet li dawn il-pajjiżi, li imbagħad jistgħu jiżdiedu, se jitħabbru fis-sigħat li ġejjin.
Spjegat li qed isir diversi xogħol anki fuq livell diplomatiku wara li qabel il-Gvern kien qed iħares lejn dawk imsejħa bħala “safe corridors” u li issa minn dakinhar, il-lista tal-pajjiżi żdiedet.
Waqt il-programm Insights, il-Ministru għat-Turiżmu qalet li fl-ajruport se jkunu qed jittieħdu l-prekawzjonijiet kemm fis-sala tat-tluq u anki tal-wasliet, fosthom fejn iċ-check-ins isiru b’mod virtwali, tinżamm id-distanza soċjali eżatt qabel tirkeb l-ajruplan u anki titieħed it-temperatura qabel ittir u anki mal-wasla.
Spjegat ukoll li fuq l-ajruplan se jintlibsu l-maskri.
Mistoqsija jekk hux se tinżamm kwarantina għal kull min jiġi f’Malta, il-Ministru Farrugia Portelli kienet ċara u qalet li dan ma jagħmilx sens għaliex stajna nħallu l-ajruport magħluq.
Fiequ 9 persuni oħra u l-ebda każ ġdid ta’ Coronavirus
9 persuni oħra fiequ mill-Coronavirus f’pajjiżna. It-total ta’ nies imfejqa tela’ għal 534.
Fl-aħħar sigħat saru 987 test, fejn ma feġġ ebda każ pożittiv għal dan il-virus.
Il-każijiet attivi bħalissa huma 75.
Mindu bdiet din il-pandemija b’kollox saru 69,025 test.
Budget multi-miljunarju li jippremja l-bżulija fit-8 ta’ Ġunju
Waqt intervista fuq l-istazzjon ONE, il-Prim Ministru Robert Abela ħabbar li nhar it-Tnejn 8 ta’ Ġunju se jitħabbar budget multi-muljinarju li se jippremja lil dawk li lesti jinvestu.
“Mhux se jkun budget li jinċentiva l-għażż, imma li jippremja l-bżulija”, qal il-Prim Ministru Robert Abela.
L-ajruport u l-portijiet se jiftħu nhar l-Erbgħa l-1 ta’ Lulju
Il-Prim Ministru ħabbar ukoll li nhar l-Erbgħa l-ewwel ta’ Lulju se jiftaħ l-ajruport u l-portijiet.Aqra aktar
Mill-Ġimgħa 5 ta’ Ġunju se jiftħu aktar stabbilimenti
Għada t-Tnejn l-ewwel ta’ Ġunju, se jitħabbar tnaqqis ta’ aktar miżuri li se jiġu rilaxxati b’effett mill-Ġimgħa ħamsa ta’ Ġunju, li se jaraw bosta stabbilimenti u entitajiet li sa issa kienu magħluqin – bħall-Qorti u gyms – jiftħu.Aqra aktar
Anzjana ta’ 111-il sena tfieq mill-Coronavirus
Fiċ-Ċili, Juana Zúñiga ta’ 111-il sena fieqet mill-Coronavirus. Hija saret waħda mill-akbar persuni li fieqet minn dan il-virus.Aqra aktar