Coronavirus – Page 106 – One News

Notifiki

Il-Prim Ministru Kanadiż Trudeau fi kwarantina volontarja wara li martu qed tistenna t-test għall-Coronavirus

Il-Prim Ministru Kanadiż Justin Tradeau qiegħed fi kwarantina volontarja, hekk kif martu qed tistenna r-riżultat għat-test tal-Coronavirus. Mart il-Prim Ministru Kanadiż Sophie Grégoire Trudeau ma bdietx tħossha sew u għamlet test għal dan il-virus.

Il-Prim Ministru Kanadiż ħassar il-laqgħat kollha li kellu bejn illum u għada.

Il-MPE tal-Partit Laburista b’appell lill-President tal-Kunsill Ewropew għal azzjoni kkoordinata kontra l-impatt tal-Coronavirus

‘Hemm bżonn ta’ appoġġ u azzjoni kkoordinata fuq livell baġitarju b’risposta għal din il-kriżi,’ qalu Membri tal-Parlament Ewropew lill-President tal-Kunsill Charles Michel.

Il-Kap tad-delegazzjoni Maltija tal-S&D Miriam Dalli u l-Membru Parlamentari Ewropew Josianne Cutajar, membru tal-kumitat tal-industrija tal-PE, iffirmaw ittra mibgħuta lill-President tal-Kunsill Ewropew Charles Michel. Fl-ittra jħeġġu lill-Unjoni Ewropea biex tadotta azzjoni kkoordinata b’urġenza. Dan fid-dawl tal-impatt ekonomiku u soċjali tal-Coronavirus.

L-ittra, mibgħuta fuq l-inizjattiva tal-Grupp tas-Soċjalisti u d-Demokratiċi, kienet iffirmata mill-MEPs tal-PPE, il-Ħodor, il-GUE u r-Renew. L-Ewroparlamentari qalu li l-Ewropa tista’ diġà tinnota l-konsegwenzi ekonomiċi u ta’ saħħa tal-epidemija. Dawn il-konsegwenzi huma enfasizzati minn għexieren ta’ snin ta’ nuqqas ta’ investiment fl-infrastruttura pubblika.

“F’din il-kriżi tas-saħħa hemm ir-responsabbiltà li naġixxu. Kważi m’hemm l-ebda flessibilità għall-politika monetarja fl-Ewropa u, fi kwalunkwe każ, ma nistgħux nistennew li l-Bank Ċentrali Ewropew jaġixxi waħdu. Irridu nintervjenu bl-għodda tagħna stess biex nillimitaw l-effett ta’ din il-kriżi fuq il-popolazzjoni,” qalu l-Ewroparlamentari.

Il-MPE qed jitolbu investiment b’saħħtu fl-infrastrutturi pubbliċi. Żiedu jgħidu li “l-politika fiskali tista’ tgħin lill-banek u s-swieq, iżda wkoll lill-vittmi li għaddejjin minn xokk fuq saħħithom u fuq l-aspett ekonomiku f’ħajjithom.”

“Qed nitolbu lilek u l-istituzzjoni tiegħek biex, fuq livell baġitarju, tappoġġja azzjoni immedjata u kkoordinata b’risposta għal din il-kriżi. Ir-risposta tinsab fir-reviżjoni tal-Patt ta’ Stabbiltà u Tkabbir,” ikkonkludew il-MPE.

Mhux se tingħata bqija fuq tal-linja minħabba l-Coronavirus

Ix-xuffiera ta’ tal-linja mhux se jkunu qed jagħtu bqija lill-passiġġiera li jagħmlu użu minn dan is-servizz. Fi stqarrija, il-Malta Public Transport appellat sabiex dawk li jitilgħu tal-linja u se jixtru biljett, għandhom jippreżentaw il-flus eżatti, sabiex ma jkunx hemm kuntatt bejn il-passiġġiera u x-xufier.

Din il-miżura mhux se tkun qed tolqot lil dawk li jagħmlu użu minn Tallinja Card.

Il-plejer ta’ Juventus Daniele Rugani jirriżulta fil-pożittiv għall-Coronavirus filwaqt Cristiano Ronaldo jinsab fi kwarantina

Il-plejer ta’ Juventus Daniele Rugani li għandu 25 sena rriżulta fil-pożittiv għall-Coronavirus, filwaqt li Cristiano Ronaldo qed jinżamm fi kwaratina f’Madeira fil-Portugall minħabba li Rugani kien rriżulta li għandu l-Coronavirus. Dan wara li rritorna lura f’pajjiżu. Aqra aktar

Send this to a friend