Budget 2021 – Page 3 – One News

Notifiki

BIL-FILMAT: Għal Bernard Grech dan kien budget ta’ riċiklaġġ

F’konferenza tal-aħbarijiet wara li l-Gvern ressaq il-budget, il-Kap tal-Oppożizzjoni Bernard Grech sejjaħ il-budget li fih il-Gvern reġa’ ta l-vouchers tal-mitt ewro, ta żieda oħra fil-pensjonijiet u fiċ-children’s allowance u ta ġurnata oħra leave lill-ħaddiema, bħala wieħed ta’ riċiklaġġ.Aqra aktar

‘Bis-suppliment li se jagħti l-Gvern nistgħu inżommu l-ħaddiema fix-xogħol’- l-MHRA

L-Assoċjazzjoni Maltija għall-Lukandiera u r-Ristoranti, l-MHRA, qalet li is-suppliment li l-Gvern qed jagħti lill-kumpaniji għall-ħlas tal-pagi se jgħin biex bosta ħaddiema fis-settur turistiku jżommu xogħolhom.

Dan kien is-sentiment li bih il-President tal-MHRA Tony Zahra rreaġixxa għad-diskors tal-budget 2021. Aqra aktar

L-istabbilimenti tal-ikel jgħidu li l-vouchers tal-Gvern ħallew impatt tremend fuq xogħolhom

L-Assoċjazzjoni tal-istabbilimenti tal-ikel u x-xorb laqgħet b’sodisfazzjoni il-fatt li l-gvern se jerġa’ jqassam sett vouchers ta’ mitt ewro li jistgħu jissarfu f’bosta stabbilimenti.Aqra aktar

BIL-FILMAT: ‘Pożittiva’- l-ewwel reazzjoni tal-Kamra tal-Kummerċ għall-Budget 2021

Il-President tal-Kamra tal-Kummerċ Maltija, il-Perit David Xuereb, qal li l-ewwel reazzjoni tal-Kamra għall-budget tas-sena d-dieħla hija waħda pożittiva ferm.

Huwa spjega ma’ ONE News li ħafna mill-miżuri kienu wkoll parti minn proposti tal-Kamra stess, u nnota b’sodisfazzon ukoll li fejn jidħol il-ħlas tal-pagi tal-Gvern, se jsiru aġġustamenti biex ikun jista’ jkejjel min verament għandu bżonn din it-tip ta’ għajnuna.

Gvern b’konsistenza fl-ippjanar tal-bini tal-iskejjel li baqa’ għaddej sena wara sena – l-MUT

Fl-ewwerl reazzjoni tiegħu għall-miżuri li tħabbru fil-budget għas-sena d-dieħla, il-President tal-MUT Marco Bonnici laqa’ l-mod kif fil-budget kien hemm enfasi fuq l-effett tal-pandemija fuq l-edukazzjoni u l-miżuri li se jkompli jittieħdu.

Faħħar ukoll l-għajnuna li ser tingħata lit-tfal bħal dik ta’ Autism Unit fil-klassijiet.

Semma l-konsistenza fl-ippjanar, fosthom fil-bini tal-iskejjel li baqa’ għaddej sena wara sena u issa wkoll qed naraw bini ta’ skejjel oħra. B’Bonnici jiddeskriviha bħala xi ħaġa essenzjali.

BIL-FILMAT: “Nilqgħu b’sodisfazzjon li l-Gvern laqa’ l-proposti li tfasslu bi ħsieb” – Marthese Portelli

Id-Direttur Ġenerali tal-Assoċjazzjoni tal-Iżviluppaturi Maltin Marthese Portelli laqgħet dan il-Budget li għadu kif tħabbar mill-Ministru għall-Finanzi Edward Scicluna. F’kummenti ma’ ONE News Portelli saħqet li l-proposti li tħabbru fil-Budget ħasbu wkoll fil-familji u ż-żgħażagħ.Aqra aktar

BIL-FILMAT: “Salvajna ħafna impjiegi u anki negozji” – Paul Abela, Chamber of SMEs

Wara s-suċċess tat-tqassim tal-ewwel sett ta’ vouchers aktar kmieni din is-sena, is-Sur Paul Abela, President tal-Kamra tan-Negozji Żgħar u Medji laqa’ li l-Gvern se jerġa’ jqassam il-vouchers lill-persuni kollha ‘l fuq minn sittax-il sena.Aqra aktar

BIL-FILMAT: “Il-Gvern qed jistieden l-investitur privat biex flimkien ikollna tkabbir”- Il-GWU

Bi skemi bħall-firxa aktar wiesgħa tal-In-work benefit, il-Gvern qed juri li huwa lest li jinvesti f’kuntest ta’ pandemija, u qed jistieden lill-investitur privat biex flimkien ikollna tkabbir.Aqra aktar

Send this to a friend