Trischia Falzon

Notifiki

Min kien jieħu d-droga qabel il-pandemija baqa’ jeħodha mid-dar u jixtriha online – studju dwar l-użu tad-droga fl-2020

Min kien jagħmel użu mid-droga qabel il-pandemija, xorta baqa’ jeħodha mid-dar anki meta bdiet l-imxija f’pajjiżna u ħafna bdew jixtru s-sustanzi minn fuq l-internet biex tasal bil-posta.

Dan ħareġ minn studju li sar dwar l-impatt tal-pandemija fuq il-provvista u s-servizzi tad-droga f’pajjiżna, li ġie ppubblikat il-Ġimgħa filgħodu flimkien mar-rapport nazzjonali tad-droga għas-snin 2018 u 2019, u sommarju fuq il-problemi primarji.Aqra aktar

Strateġija fost l-adoloxxenti kontra l-użu tad-droga li se teduka dwar sinjali li juru l-vizzju

Qegħdin hawn biex ngħinuk u mhux biex niġġudikawk.

Din hija t-tema ta’ strateġija fost l-adoloxxenti kontra l-użu tad-droga, li għandha l-għan li tqajjem għarfien dwar ir-realtà li teżisti tal-abbuż tas-sustanzi u twitti t-triq biex ħadd ma jaqta’ qalbu u jfittex l-għajnuna.

Iż-żgħażagħ huma fiċ-ċentru tal-kampanja, għaliex ħafna drabi jduru għall-vizzji biex jaħarbu minn ċertu realtajiet li jkunu qed iħabbtu wiċċhom magħhom.Aqra aktar

BIL-FILMAT: Il-PM jagħti serħan il-moħħ dwar il-Covid Wage Supplement lil hinn minn Marzu

Aktar tard din il-ġimgħa il-Gvern se jħabbar kif lil hinn minn Marzu se tibqa’ tingħata l-għajnuna fil-ħlas tal-pagi minħabba l-pandemija magħrufa bħala l-Covid Wage Supplement.

Il-Prim Ministru Robert Abela sostna dan għall-mistoqsijiet ta’ ONE News fi tmiem laqgħa tal-Kabinett fil-bini tal-General Workers’ Union.

Il-Prim Ministru saħaq li jinsab f’qagħda li jagħti serħan il-moħħ lil dawk dipendenti fuq il-Covid Wage Supplement li mhux se jneħħi l-għajnuna f’mument li huwa meħtieġ.

Spjega kif il-Gvern se jkun qed iħabbar kif se jkun qed jagħti l-Covid Wage Supplement, li fil-budget li kien tħabbar f’Ottubru li għadda din l-għajnuna kienet ġiet estiża sa Marzu.

Fil-bidu ta’ din is-sena kien tħabbar kif mill-miżura tal-Covid Wage Supplement jistgħu jgawdu n-negozji u l-ħaddiema.

Fil-fatt dawk li meta mqabbel ma’ bejn Marzu u Ottubru tal-2019 kellhom nuqqas fil-bejgħ ta’ 55% jew aktar se jibqgħu jieħdu l-Wage Supplement kollu.

Madankollu dawk li raw persentaġġ inqas ta’ bejgħ se kienu suġġetti għal inqas ammont mogħti lilhom fil-Covid Wage Supplement.

BIL-FILMAT: Bejn l-2011 u l-2020 seħħew 58 omiċidju f’pajjiżna li minnhom 40 ġew solvuti

Bejn l-elfejn u ħdax u l-elfejn u għoxrin, seħħew tmienja u ħamsin każ ta’ omiċidju f’pajjiżna, li tmintax minnhom għadhom mhux solvuti.

Minkejja li jgħaddu s-snin, il-Pulizija qatt ma torqod fuq dawn il-każijiet, u l-iżviluppi fl-aħħar jiem b’rabta mal-omiċidji tal-Avukat Carmel Chircop fl-elfejn u ħmistax u Daphne Caruana Galizia fl-elfejn u sbatax huma xhieda ta’ kemm l-investigazzjonijiet tal-Pulizija ma jaqtgħu xejn.

L-Ispettur Kurt Zahra, mill-Iskwadra tal-Omiċidji, spjega li għall-Pulizija, każ mhux solvut ifisser li ħadd ma jkun tressaq il-Qorti.

Aqra aktar

Send this to a friend