Trischia Falzon

Notifiki

AĠĠORNAT: Jattakkaw uffiċjalment lil Felix Busuttil

Il-Prim Minsitru taħt it-tinda f’Ħal Għargħur wera solidarjetà sħiħa mal-artist Felix Busuttil fejn qallu li huma l-eluf il-persuni li jissapportjawh.

Muscat qal li hi xi ħaġa tal-mistħija li jkollok sit uffiċjali ta’ partit politiku li jattakka persuna dan kollu għax wera l-appoġġ tiegħu lejn moviment.

Sostna li din hi turija kif ħarġet l-omofobija, m’għottija b’affarijiet oħra. Muscat qal li dawn huma waqtiet fejn il-poplu wera li espressjonijiet ta’ mibgħeda ma jaqbilx magħhom.

Aktar Qabel: Il-Partit Nazzjonalista, jew kif qed isejjaħ lilu nnifsu dan l-aħħar Forza Nazzjonali, ħareġ jattakka uffiċjalment lill-artist Felix Busuttil fuq Facebook.

Filfatt fuq il-paġna uffiċjali tal-Forza Nazzjonali fuq Facebook, ħarġu jattakkaw qatta bla ħabel lill-artist li l-Ħadd filgħaxija waqt it-tieni Mass Meeting ta’ din il-kampanja elettorali fin-Naxxar, tkellem b’emozzjoni dwar kif bid-dritt tal-unjoni ċivili li daħħal Joseph Muscat, ħajtu ngħatat valur u dinjità.

Donnu dan ma niżlilhomx, hekk kif it-Tnejn filgħodu allegaw li tkellem waqt il-Mass Meeting għax jaħdem fil-Kunsill Malti għall-Arti u jifforma parti mill-bord taċ-Ċentru tal-Mediterran għall-Konferenzi. Agħar minn hekk, ħeġġew lin-nies ixerrdu dan l-attakk.

Dlonk irreaġixxa Felix innifsu, li fuq Facebook wieġeb kif din mhi xejn għajr gidba li mhux biss tinsultah iżda tweġġgħu għaliex kull m’għamel il-Ħadd huwa li tkellem mill-qalb u qal il-verità f’pajjiż demokratiku, kif wara kollox għandu kull dritt jagħmel.

Qal ukoll li din hija turija ċara ta’ kemm wieħed jaqa’ fil-baxx sempliċiment għax ikollu ideoloġiji differenti.

Għalkemm stqarr li dan isaħħaħ biss dak li jemmen fih b’qawwa kbira. U staqsa għaliex din il-mibegħda kollha.

Din ir-reazzjoni kienet tal-Forza Nazzjonali biss, għaliex mumenti wara d-diskors tiegħu kienu diversi l-kmamar tal-aħbarijiet f’pajjiżna li rrappurtaw bi prominenza dwar dak li tkellem dwaru Felix.

Bħall-MaltaToday, li filwaqt li ddeskriviet diskorsu bħala wieħed “powerful”, innotat l-appell biex wieħed ma jibżax jappoġġja dak li jemmen fih, anki jekk jaf li hemm min ma jaqbilx.

L-Independent innotaw li Felix tkellem dwar kif il-moviment immexxi minn Joseph Muscat huwa riflessjoni ta’ trasparenza, u li l-Mexxej Laburista żamm kelmtu miegħu.

Filwaqt li t-Times of Malta kitbu kif għall-artist u żeffien, dan huwa l-aqwa żmien ta’ ħajtu.

“Joseph Muscat żamm kelmtu miegħu. Dan hu l-mument ta’ prova, t’onestà, ta’ mħabba li tirbaħ fuq kollox għax dan huwa l-aħjar żmien ta’ ħajti.” 

Pajjiżna jgawdi minn qbil ta’ VGH

Vitals Global Healthcare, li se tinvesti fi skola medika u bini ta’ sptar ġdid f’Għawdex, issieħbet mal-kumpanija ta’ fama internazzjonali Medical Center Orthotic and Prosthetic.

Kumpanija li toffri servizzi prostetiċi fi Sptar f’Washington fl-Istati Uniti, magħrufa l-aktar għas-soljev li toffri lil amputees li jfittxu li jimmassimizzaw il-potenzjal tagħhom u jnaqqsu kemm jista’ jkun kumplikazzjonijiet li jistgħu jinqalgħu meta jilbsu partijiet tal-ġisem artifiċjali.

Aqra aktar

“Il-Baġit li ġej se jkun wieħed qisu ta’ qabel l-elezzjoni” – Joseph Muscat

Milqugħ minn folla numeruża għatxana għal diskors ieħor pożittiv b’viżjoni għal pajjiżna għas-snin li ġejjin, il-Prim Ministru Joseph Muscat indirizza attività politika fix-Xewkija Għawdex.

Wieħed u għoxrin jum bogħod mill-ġurnata tal-elezzjoni, il-Prim Ministru fakkar fl-għażla li qed jaffaċċja l-poplu Malti u Għawdxi : jekk niqfux nofs triq jew inkomplux mexjin ’il quddiem f’din il-ħolma Maltija.

B’entużjażmu u enerġija għal li ġej, Joseph Muscat qal li jekk jerġa’ jingħata l-fiduċja, “anki l-baġit li ġej ikun wieħed qisu ta’ qabel l-elezzjoni avolja jkun wieħed ta’ wara l-elezzjoni ġenerali, għaliex għandna l-kredibbiltà. Għandna pjan. Nafu fejn sejrin. Nafu li l-proposti tagħna jistgħu jitwettqu.”

Aqra aktar

Skola mudell tal-proposti tal-Partit Laburista

Il-viżjoni tal-Partit Laburista fis-settur edukattiv speċjalment fejn jidħlu l-iskejjel, kienet riflessa fi żjara li l-Ministru Evarist Bartolo u s-Segretarju Parlamentari Ian Borg għamlu fil-Kulleġġ San Nikola Skola Sekondarja Ħad-Dingli.

Skola li bħala parti minn investiment ta’ €55 miljun għal bini ta’ skejjel ġodda u rinovar f’dawk eżistenti, din is-sena skolastika bdiet tilqa’ 320 student u studenta ta’ bejn it-tlettax u s-sittax –il sena.

Kull klassi hija mgħammra b’interactive flat panels, kompjuters moderni, b’arja kkundizzjonata u b’riżorsi relatati mas-suġġetti differenti biex ikunu użati waqt il-lezzjoni.

Aqra aktar

Bdew jiżżarmaw it-tankijiet ta’ fuel f’Birżebbuġa

Bdew ix-xogħlijiet fuq l-ewwel fażi ta’ żarmar biex is-sit tat-tankijiet tal-fuel tal-31 ta’ Marzu f’Birżebbuġa titnaddaf darba għal dejjem. Dan is-sit, li ilu jopera mill-1920, kien jipprovdi l-petrol, dijsil u jet fuel għal pajjiżna; u matul is-snin inbnew ħafna djar madwaru u fil-viċinanzi għaldaqstnant żdied id-detriment għar-residenti u dawk li jgħixu fil-madwar.

Aqra aktar

Kollox fil-ħin fil-Kappara; żewġ karreġġjati miftuħa f’Settembru

Ix-xogħlijiet fuq il-Junction tal-Kappara qegħdin on-track, tant li sal-aħħar ta’ Settembru se jkun qed jitlesta l-proġett fejn se jerġgħu jinfetħu ż-żewġ karreġġjati.

Żmien meta t-traffiku jkun fl-aqwa tiegħu hekk kif it-tfal jerġgħu jirritornaw lura fuq il-bankijiet tal-iskejjel wara l-vaganzi tas-Sajf.

Ħabbar dan il-Prim Ministru Joseph Muscat waqt żjara fuq il-post.

Żjara li matulha l-Prim Ministru żar il-fażijiet differenti tal-proġett u staqsa mistoqsijiet lill-Periti responsabbli minnu.

Aqra aktar

Il-Maltin fil-Kickboxing b’opportunitajiet barra minn xtutna

Anki jekk mhuwhiex sport li jingħata pubbliċità daqs dixxiplini sportivi oħra bħall-futbol, il-kickboxing qed jikber ferm f’pajjiżna, u l-opportunitajiet – anki barra minn xtutna – ma jonqsux.

Tkellimna mal-kowċ tal-kickboxing Alan Borg, li ilu jippratika dan l-isport sa mill-2001, u wasal Malta ftit tal-jiem ilu minn esperjenza ta’ taħriġ fir-Repubblika Ċeka.

Esperjenza li hija biss ħolqa minn katina t’opportunitajiet barra minn xtutna, hekk kif fix-xhur li ġejjin grupp ta’ Maltin se jerħula lejn Bristol biex f’Settembru jirrapreżentaw lil pajjiżna fil-WUMA World Championship.

Aqra aktar

Martin Scicluna dwar Busuttil; irresponsabbli u f’relazzjoni bla “dinjità” ma’ DCG

“Irresponsabbli”. Hija din il-kelma li uża l-opinjonista Martin Scicluna biex iddeskriva l-karattru tal-Kap tal-Oppożizzjoni Simon Busuttil, li f’artiklu dettaljat fit-Times of Malta, analizza s-sitwazzjoni politika attwali ta’ pajjiżna.

Scicluna nnota r-rabta bejn Daphne Caruana Galizia u Simon Busuttil u ddeskriva din ir-relazzjoni bħala mhux l-iktar waħda dinjituża għall-Kap tal-Oppożizzjoni.

“The Caruana Galizia tail is wagging the Busuttil dog – not the most dignified or inspiring position for the Opposition leader to find himself in”.

Aqra aktar

Mijiet ta’ sportivi jiċċelebraw l-ewwel ta’ Mejju

L-ewwel ta’ Mejju ma jiċċelebrawhx il-ħaddiema biss, iżda anki mijiet ta’ sportivi, li f’xemx taqli l-ankri nġabru fil-Pixxina Nazzjonali f’Tal-Qroqq biex jieħdu sehem f’xi waħda mid-diversi attivitajiet li hemm għaddejjin matul il-jum.

Dan biex bil-għan li aktar nies ikunu konxji kemm l-attività fiżika tiġġieled l-obeżità, fil-Pixxina Nazzjonali f’Tal-Qroqq ittellgħet it-tielet edizzjoni tal-Open Day organizzata minn Sport Malta.

Aqra aktar

Send this to a friend