Stefan Bajada

Notifiki

BIL-FILMAT: Persuna tittieħed l-isptar wara ħabta bejn mutur u karozza fil-mina ta’ Ħal Kirkop

One.com.mt huwa infurmat li persuna ttieħdet l-Isptar Mater Dei għall-kura wara li kienet involuta f’ħabta bejn karozza u mutur fil-mina ta’ Ħal Kirkop.

Il-każ seħħ ftit qabel nofsinhar.

Nifhmu li fuq il-post immedjatmanet waslet ambulanza b’tim mediku li tat l-ewwel għajnuna lill-vittma.

Bħalissa waħda mill-karreġjati ta’ taħt il-mina hija magħluqa għat-traffiku.

Aktar dettalji fil-ħin li ġej.

Jitħabbar investiment ta’ €10 miljun fiż-żona industrijali ta’ Bulebel

B’investiment massiċċ ta’ aktar minn €10 miljun fiż-żona industrijali ta’ Bulebel, se jinħolqu madwar mitt impjieg ġdid.

 Dan tħabbar propju f’konferenza tal-aħbarijiet bit-tema ‘Insaħħu lill-Ħaddiem”, mill-Ministru għall-Ekonomija u l-Industrija Silvio Schembri.

Dan l-investiment, li tħabbar propju fl-istess sena meta ż-żona industrijali li hija kbira daqs sittin grawnd tal-futbol qed tfakkar il-ħamsin sena anniversarju mindu twaqqfet, se jara l-bini ta’ ħames fabbriki ġodda u l-estensjoni ta’ fabbrika eżistenti, b’investiment ta’madwar ħames miljun ewro.

Aqra aktar

€320,000 għar-riġenerazzjoni ta’ dar mitluqa fis-Siġġiewi biex tgħin tfal bl-awtiżmu

B’investiment ta’ tliet mija u għoxrin elf ewro se tiġi rriġenerata dar mitluqa fis-Siġġiewi sabiex fiha tilqa’ tfal b’diżabilità bejn il-ħames snin u l-erbatax-il sena, b’mod partikolari dawk li għandhom l-awtiżmu.

Dan tħabbar f’konferenza tal-aħbarijiet bit-tema Insaħħu lill-Ħaddiem, fejn fiha ġie spjegat li din id-dar, li se titmexxa mill-Aġenzija Sapport, se toffri spazju lil dawn it-tfal sabiex jintegraw ma’ tfal oħra u jsegwu programmi skont il-bżonnijiet u x-xewqat tagħhom.Aqra aktar

Il-Knisja f’Malta se jkollha erba’ saċerdoti ġodda

Il-Knisja f’Malta se jkollha erba’ saċerdoti ġodda.

Fi stqarrija l-Kurja Maltija qalet li s-Sibt li ġej se jkun hemm l-ordinazzjoni presbiterali mill-Arċisqof Charles Jude Scicluna fid-9:30 a.m fil-Bażilika Minuri ta’ Kristu Re, Raħal il-Ġdid.

L-erba’ djakni li ser jiġu ordnati saċerdoti huma:

Roderick Baldacchino mill-Parroċċa ta’ Santa Katarina, iż-Żejtun, Joshua Cortis mill-Parroċċa ta’ San Gejtanu, il-Ħamrun, Jean-Claude Schembri mill-Parroċċa ta’ Santa Katarina, iż-Żejtun u Mark Scicluna tal-Ordni tal-Aħwa Minuri Kapuċċini.

Ll-istqarrija żiedet tgħid li l-komunità tas-Seminarju u l-Ordni tal-Aħwa Minuri Kapuċċini qed jistiednu lill-Insara biex jingħaqdu magħhom f’mument ta’ talb għal vokazzjonijiet li se jixxandar fuq
il-paġna ta’ Facebook ‘Seminary Vocations Centre’ nhar il-Ħamis, 6 ta’ Mejju fis-7:30p.m.

Il-velja se ssir quddiem il-Knisja ta’ Santa Liberata (tal-Kapuċċini),il-Kalkara, u se titmexxa mill-Isqof Awżiljarju Joseph Galea-Curmi.

Send this to a friend