Samuel Lucas – Page 18 – One News

Samuel Lucas

Notifiki

BIL-FILMAT: 17-il ajruport li tista’ ttir lejhom minn Malta mill-1 ta’ Lulju

6 linji tal-ajru differenti ser ikunu qed joffru titjiriet diretti lejn 17-il ajruport f’disa’ pajjiżi u reġjuni, inklużi Sqallija, il-Ġermanja, l-Isvizzera u l-Lussemburgu, għall-perjodu bejn Lulju u Ottubru.

Ħabbar dan l-ajruport internazzjonali ta’ Malta fi stqarrija hekk kif spjega li bħalissa t-tim tal-iżvilupp tat-Traffiku flimkien mal-Awtorità Maltija għat-Turiżmu qegħdin jaħdmu mill-qrib mal-linji tal-ajru sħab tal-ajruport sabiex jerġgħu jibdew jibnu l-konnettività ta’ Malta, hekk kif ir-restrizzjonijiet fuq l-ivjaġġjar qed jiġu llaxkati.

Aqra aktar

Jiddaħħlu l-immigranti abbord il-Captain Morgan wara kommossjoni li pperikolat ħajjet l-ekwipaġġ

Il-Gvern Malti ħabbar li ddeċieda li jdaħħal f’Malta lill-immigranti li għal dawn l-aħħar 40 jum kienu qed jinżammu barra t-territorju Malti. Din id-deċiżjoni ttieħdet wara li s-sitwazzjoni fuq dawn il-vapuri saret diffiċli ħafna u qamet kommossjoni.

Fi stqarrija il-Gvern sostna li mhux lest li jipperikola ħajjet l-ekwipaġġ u l-persuni nkluż Maltin li qed jaħdmu ma’ dawn l-immigranti minħabba n-nuqqas t’azzjoni u solidarjetà tal-Membri Stati l-oħra sabiex dawn l-immigranti jitqassmu f’pajjiżi differenti tal-Unjoni Ewropea.

Aqra aktar

Kollaborazzjoni bejn il-Kummissjoni Ewropeja u Earth Garden twassal għal proġett ġdid

Aħbar ferm tajba għall eluf ta’ segwaċi ta’ dan il-festival popolari hekk kif proġett ġdid, Video Garden, jitnieda fuq is-sit ta’ Earth Garden fil-5 ta’ Ġunju grazzi għal kollaborazzjoni mal-Kummisjoni Ewropeja.

Ix-xahar ta’ Ġunju għal ħafna Maltin li jħobbu l-mużika jfisser ħaġa waħda biss – EarthGarden Festival. Erbat’ijiem li joffru l-aqwa mużiċisti, baned, DJs u artisti Maltin, flimkien ma’ artisti ta fama internazzjonali; esperjenza maġika ta’ kampeġġ unika f’Malta; food court fejn isibu kull tip ta’ ikel immaġinabli; workshops dwar saħħa naturali; suq artiġjanali; sitt palkijiet iddedikati għal kull ġeneru ta’ mużika; esperjenza ambjentali mill-aqwa, u ħafna aktar.

Ma hi sorpriża għal ħadd meta ngħidu li, qabel ma faqqa’ COVID-19, l-edizzjoni ta’ din is-sena tal-festival wiegħed line-up tal-ġenn, iżda sfortunatament, il-festival kellu jiġi pospost bħal ħafna attivitajiet oħra.

Aqra aktar

BIL-FILMAT: F’jum wieħed jidħlu 1,650 applikazzjoni għal Skolasajf

F’jum wieħed daħlu xejn inqas minn 1,650 applikazzjoni għal Skolasajf.

Biex issa t-total t’applikazzjonijiet għal Skolasajf laħħaq is-6650 applikazzjoni.

Din is-sena Skolasajf ser tkun qed tibda fl-ewwel ta’ Lulju jiġifieri ħmistax qabel is-soltu.

Iċ-chairperson tal-Fondazzjoni għas-Servizzi Edukattivi li tieħu ħsieb il-programm ta’ Skolasajf qalet li għandek ċentri ta’ Skolasajf li diġà mtlew.

Aqra aktar

Send this to a friend