Samuel Lucas – Page 13 – One News

Samuel Lucas

Notifiki

Comodini tiddeskrivi lil Delia bħala captain b’siequ fil-ġibs

“Ma nistgħux immorru għal logħba futbol bil-captain b’saqajh fil-ġibs”.

Din kienet id-dikjarazzjoni tad-deputat Nazzjonalista Therese Comodini Cachia li trid tkun hi Kap tal-Oppożizzjoni flok Adrian Delia.

Fi programm fuq FLiving, Comodini Cachia stqarret li meta captain ta’ tim tal-futbol iweġġa’ jagħti l-faxxa tal-captain lil xi ħaddieħor.

“Aħna ma nixtiequx lill-Partit Nazzjonalista imur jilgħab logħba futbol bil-captain li għandu saqajh fil-ġibs. Kulħadd min jara logħba futbol jaf li captain li jkun imweġġa’, il-captain jagħti l-faxxa tiegħu lil xi ħadd ieħor. Ma tistax tilgħab logħba futbol bil-kaptan fil-grawnd jiġri b’saqajh fil-ġibs” qalet Comodini Cachia.

Madankollu kien biss ftit tal-ħin wara li Comodini Cachia sabet kappell jiġiha minn telespettatur. “Ma nistax naqbel, il-kaptan b’saqajh miksura jista’ jilgħab però ma jistax jilgħab bil-players mixtrijin jew inkella bil-players jilgħabu kontra l-Kap.” qal lil Comodini Cachia

Dan it-telespettatur ma kienx waħdu urtat lejn id-deputat li tinsab fuq quddiem biex tieħu post Delia.

Affaċjata b’dawn id-dikjarazzjonijiet Comodini Cachia rribattiet li l-ebda deputat ma jrid ineħħi l-vot tat-tesserati filwaqt li mhux minnu li hemm il-fazzjonijiet fid-Dar Ċentrali.

Saħansitra kompliet tattakka l-Kap għall-azzjonijiet dixxplinarji li ser jitieħdu mill-Partit Nazzjonalista fil-konfront tal-Moviment Żgħażagħ Partit Nazzjonalista.

“Jien għaliha ġenn li titkellem kontra ż-żgħażagħ tal-Partit Nazzjonalista.” tenniet Comodini Cachia

Comodini Cachia ħaditha wkoll kontra dawk li fl-aħħar ġimgħat infexxew f’tgħajjir fil-konfront tagħha u ta’ dawk li sfiduċjaw lill-Kap.

“Aħna għaddejna ħmistax bħala deputati min jgħajjarna l-iżjed bir-razza u r-radika kollha. Sa kummenti li jien għandi mmur Testaferrata Street.”

“sfortunatament tgħajjir li ma sarx biss u minn nies li lanqas biss għandhom tessera. Sfortunatament sar minn nies li ejja ngħidu suppost jafu aħjar għax għandhom ċertu pożizzjoni il-Partit.

Madankollu telespettatriċi oħra dlonk reġgħet irribattiet għal dawn il-kummenti minn Comodini Cachia.Aqra aktar

Ara kif se jitqassmu l-flus li ħadet Malta mill-Unjoni Ewropea

Il-pakkett ta’ fondi Ewropej li jlaħħaq €2.25 biljun jinqasam f’€1.923 biljun li jagħmlu parti mill-budget Ewropew għas-seba’ snin li ġejjin u €327 miljun bħala għotjiet mill-fond irkupru mill-pandemija.

B’hekk il-Gvern Malti rnexxielu jikseb id-doppju li nkiseb minn Gvern Nazzjonalista fi Frar tal-2013 għall-budget Ewropew 2014-2020.

Meta wieħed iqabbel il-budget Ewropew mingħajr il-pjan ta’ rkupru, hawn hekk ukoll il-Gvern kiseb għal pajjiżna €795 miljun aktar minn dak li pajjiżna ġab seba’ snin ilu.

Il-fondi li rċeviet Malta ser ikunu qed jitqassmu hekk.

Aqra aktar

Send this to a friend