Raġel ta’ 42 sena minn San Pawl il-Baħar tilef ħajtu f’Kemmuna wara li sab ruħu f’diffikultà waqt li kien qed jgħum fil-limiti tal-għerien ta’ Santa Marija f’Kemmuna.Aqra aktar
Tifla ta’ 8 snin b’diversi midalji fl-arti performattiva
Jancer Galea tifla ta’ 8 snin rebħet midalja tal-Bronż fil-kant u rebħet midalji tad-deheb kemm fiż-żfin u anke fl-imudellar. Dan waqt li kienet qed tieħu sehem bħala solista fl-24 edizzjoni tal-Kampjonat Dinjiji tal-Arti Performattiva.Aqra aktar
Xahar ħabs għal żewġ żgħażagħ Tuneżini
Żewg żgħażagħ Tuneżini ta’ sbatax u ħmistax-il sena, li jgħixu l-Fgura, intbagħtu tletin ġurnata ħabs, wara li ppruvaw jitilqu minn Malta b’passaporti foloz.Aqra aktar
AĠĠORNAT: Ħu Saviour Gaffarena fost 2 persuni arrestati fuq pussess ta’ arma tan-nar
Ħu Saviour Gaffarena li nqatel l-Erbgħa filgħaxija fil-limiti tal-Imqabba hu wieħed minn 2 persuni li ġew arrestati u li tressqu l-Qorti b’pussess ta’ arma tan-nar bla liċenzja.Aqra aktar
Jason Azzopardi jaħlef li qatt ma ltaqa’ ma’ Yorgen Fenech
Wara li Jason Azzopardi ħalef li f’ħajtu qatt ma ltaqa’ ma’ Yorgen Fenech u qal li hu lil Fenech jiġġielidlu l-Qorti u mhux bil-paroli, ħareġ ritratt ta’ Jason Azzopardi ma’ Yorgen Fenech. Aqra aktar
Mrs Siġġiewi tiġi nkurunata bħala Mrs Malta 2020
Geraldine Ellul Magri, li hija omm ta’ tlett itfal mis-Siġġiewi rebħet l-unur ta’ Mrs Malta 2020 ilbieraħ filgħaxija.Aqra aktar
Kmieni dalgħodu faqqsu 62 fekruna fir-Ramla l-Ħamra
L-għaqda Nature Trust ħabbret li sas-6:45 tal-Ħadd filgħodu faqqsu mas-62 fekruna li għadda fir-Ramla l-Ħamra. Huma bdew ifaqqsu għall-ħabta tas-1:50 ta’ filgħodu.Aqra aktar
Isofru ġrieħi gravi wara li waqa’ parti mis-saqaf ta’ kamra f’dar fl-Isla
Raġel ta’ disgħa u ħamsin sena u mara ta’ erbgħa u ħamsin sena mill-Isla qed jingħataw il-kura l-isptar għall-ġrievi gravi li sofrew waqt li kienu fir-residenza tagħhom fl-Isla.Aqra aktar
Il-MAM tissospendi l-azzjonijiet industrijali
L-Assoċjazzjoni Medika Maltija, il-MAM, qalet li ser tkun qed tissospendi sa l-Erbgħa li ġej l-azzjonijiet industrijali li kienu ser jolqtu l-pazjenti.
Il-MAM qalet dan fi stqarrija wara li kellha laqgħa mal-Ministru tas-Saħħa Chris Fearne.
L-Assoċjazzjoni Medika kienet ordnat li mit-Tnejn li ġej l-appuntamenti fl-outpatiens ta’ Mater Dei jiġu posposti u t-tobba ġew imħeġġa ma jmorrux iċ-ċentri tas-saħħa.
Dan minkejja li s-Supretendent tas-Saħħa Pubblika, il-Professur Charmaine Gauci, ħabbret standards għall-attivitajiet fejn jinġabru n-nies u qalet li l-kundizzjoni medika ta’ dawk infettati bil-virus hija waħda tajba.
AĠĠORNAT: Il-maġġoranza tal-kunsilliera Nazzjonalisti jagħżlu elezzjoni għal Kap tal-PN
20:50 – ONE News jinsab infurmat li apparti l-Kap Nazzjonalista, se jkunu qed jitkellem esponent mill-fazzjoni ta’ Simon Busuttil.
20:37 – Fi ftit tal-minuti oħra, il-Kap tal-PN Adrian Delia se jkun qed jindirizza konferenza tal-aħbarijiet.
20:17 – Riżultat Uffiċjali: Votazzjoni għal Kap – 839 vot; Konferma għal Kap – 659 vot; Invalidi – 11-il vot
20:12 – Minn informazzjoni li kiseb ONE News, madwar 55% tal-kunsilliera Nazzjonalista għażlu elezzjoni oħra għal Kap tal-Partit Nazzjonalista. L-istess sorsi qalulna li d-differenza taf tkun ta’ madwar 170 vot bejn l-għażla tal-fazzjoni ta’ Simon Busuttil u dik ta’ Adrian Delia.
20:01 – Id-Deputat Nazzjonalista Jason Azzopardi fuq il-profile tiegħu fuq Facebook irringrazzja lill-kunsilliera tal-Kunsill Ġenerali hekk kif mill-ewwel indikazzjonijiet qed juru li l-maġġoranza tal-kunsilliera vvutaw favur elezzjoni oħra għal Kap Nazzjonalista.
19:54 – Jintemm il-proċess tas-sorting, bil-voti kollha ġew imqasmin fil-garzelli rispettivi.
19:49 – Isegwu l-għadd tal-voti hemm rappreżentanti miż-żewġ fazzjonijiet li tul dawn l-aħħar tliet snin qasmu l-PN.
19:44 – L-ewwel indikazzjonijiet komplew jikkonfermaw il-qasma fil-Partit Nazzjonalista, hekk kif il-voti lejn Konferma tal-Kap jew Elezzjoni għal Kap Nazzjonalista Ġdid huma viċin ħafna.
19:36 – Jibdew jingħaddu l-voti.
19:28 – Jasal fid-Dar Ċentrali, il-Viċi Kap tal-Partit Nazzjonalista Robert Arrigo, bil-preżenza tal-partitarji Nazzjonalisti tibda tiżdied.
19:18 – Bħalissa għaddejja r-rikonċiljazzjoni tal-voti u mistenni li fi ftit minuti l-voti jinqelbu wiċċhom ‘il fuq u jibdew jintefgħu fil-garżelli.
18:52 – Il-voti jibdew jinqelbu wiċċhom ‘l isfel. Tikber l-istennija u fid-Dar Ċentrali tinħass tensjoni kbira bejn esponenti taż-żewġ fazzjonijiet fil-PN.
18:48 – Tispikka l-preżenza tal-pulizija barra d-Dar Ċentrali.
18:38 – Jidħlu l-ewwel kaxxi bil-voti tal-Kunsilliera u nfetħu s-siġilli tal-kaxxi tal-voti. Nistmaw li daqs siegħa oħra jkun magħruf ir-riżultat.
18:22 – Il-Partit Nazzjonalista qal li minn 1,630 kunsillier eleġibbli biex jivvutaw, ivvutaw 1,509 kunsillier – madwar 93% tal-votanti eleġibbli.
18:21- Bħalissa l-Kap tal-Kummissjoni Elettorali Nazzjonalista Dr. Peter Fenech beda’ jagħti struzzjonijiet lil min se jgħodd il-voti. Intant il-midja li nġabret barra d-Dar Ċentrali biex tara l-eżitu ta’ dan il-vot iddaħħlet ġewwa fejn il-ġurnalisti qegħdin isegwu xandira tal-istazzjon Nazzjonalista. Bħalissa l-istazzjon Nazzjonalista qed jiddiskuti l-funzjoni tal-Eżekuttiv u l-Kunsill Ġenerali, bi ftit li xejn filmati ta’ x’qed jiġri waqt l-għadd tal-voti.
18:15 – Għal darba oħra l-jum tas-Sibt kien wieħed kkaratrizzat minn diversi botti jaħarqu fejn il-fazzjonijiet tal-Partit Nazzjonalista. Permezz ta’ stqarrija, Louis Galea tenna li l-Partit Nazzjonalista għandu jniedi proċess ta’ mexxej ġdid. Fl-istess waqt André Grech li huma membru tal-Eżekuttiv leali lejn Adrian Delia fuqir-radju tal-Knisja qal li Delia qatt ma kien tħalla jaħdem u kien hemm min oppona t-tmexxija tiegħu qabel biss daħal fil-Parlament.
18:00 – Fis-sitta ta’ filgħaxija għalqet il-votazzjoni tal-Kunsill Ġenerali tal-Partit Nazzjonalista. F’din il-votazzjoni l-Kunsilliera vvutaw fuq żewġ mistoqsijiet waħda għall-konferma tal-Kap mit-tesserati u oħra biex issir elezzjoni sabiex il-PN jaħtar Kap.