One News

Notifiki

Ma kellux bażi biex jinvestiga direct order biex tinkera l-lukanda

Il-Kummissarju għall-Istandards fil-Ħajja Pubblika George Hyzler kkonkluda li ma kellux bażi sabiex jinvestiga l-użu ta’ direct order biex tinkera l-lukanda, b’mod partikolari meta wieħed iqis li direct orders huma permissibbli f’ċerti ċirkostanzi, u l-pajjiż kien f’sitwazzjoni ta’ emerġenza ta’ saħħa pubblika.Aqra aktar

€200,000 f’fondi għar-riċerka mill-MCST għall-produzzjoni ta’ apparat biex itejjeb is-sikurezza u l-effiċjenza

Bl-għajnuna ta’ €200,000 f’fondi mill-Kunsill Malti għax-Xjenza u t-Teknoloġija (MCST), kollaborazzjoni mmexxija mill-Istitut għat-Teknoloġiji Ajruspazjali u d-Dipartiment tal-Inġinerija tal-Komunikazzjoni u tal-Kompjuter fl-Università ta’ Malta, u l-imsieħba industrijali QuAero, rat l-iżvilupp ta’ apparat li permezz tiegħu jiġu adottati tekniki awtomatiċi moderni biex tiġi analizzata d-data tat-titjiriet.

Aqra aktar

Franza ddaħħal is-sistema ta’ ċertifikat tal-vaċċin fuq livell lokali

Fid-dawl ta’ żieda fil-każijiet pożittivi, Franza introduċiet ċertifikat tal-vaċċin li jista’ jintuża fuq livell lokali.

Mil-lum, il-poplu Franċiż irid ikollu prova li huwa mlaqqam kompletament jew test negattiv tal-Coronavirus biex jidħol f’diversi mużewijiet u ċ-ċinema.

Il-Parlament mistenni wkoll jiddibatti biex l-istess miżura tibda tgħodd għall-kafiteriji, ristoranti u anke stabbilimenti tax-xiri.

Dan kollu tħabbar ukoll l-għada li Franza rreġostrat tmintax-il elf każ ġdid ta’ Covid-19.

Aktar kmieni dan ix-xahar il-President Franċiż kien ħabbra li l-ħaddiema kollha tas-saħħa jridu jitlaqqmu bilfors, ħaġa li wasslet ukoll għal protesti minn bosta.

AĠĠORNAT: Ġlieda kbira fi stabbiliment fi Qui-Si-Sana – raġel l-isptar u bosta mitkellma mill-Pulizija

Tard it-Tlieta filgħaxija l-Pulizija ġiet mitluba biex tassisti ħalli twaqqaf ġlieda kbira fi stabbiliment f’Tas-Sliema.

Il-każ seħħ għall-ħabta tal-11:20 tat-Tlieta filgħaxija fix-xatt ta’ Qui-Si-Sana.

Immedjatament fuq il-post waslu Pulizija tad-Distrett u segwewhom dawk tar-Rapid Intervention Unit.

Ritratti li waslu għand one.com.mt juru numru kbir t’uffiċjali tal-Pulizija fuq il-post sabiex jferrxu n-nies.

Intalbet ukoll l-assistenza ta’ tim mediku li ta l-ewwel għajnuna lil Kolombjan ta’ 32 sena mis-Swieqi, filwaqt li ambulanza ħaditu l-Isptar Mater Dei għal aktar kura.

Minn informazzjoni li ksibna jidher li fl-argumenti setgħu intużaw xi fliexken tal-ħġieġ u skieken.

Intant, kelliem għall-pulizija kkonferma magħna li bħalissa bosta persuni qed jiġu mitkellma.

L-argument milli jidher qam wara li s-sidien tal-istabbiliment tfew il-mużika.

Send this to a friend