One News – Page 3183 – One News

One News

Notifiki

Roħs ieħor fil-gass – l-irħas f’ħames snin

Minn nhar it-Tnejn il-Maltin se jibdew igawdu mill-irħas prezz tal-gass fl-aħħar ħames snin. Dan meta jerġa’ jidħol fis-seħħ roħs ieħor li se jara ċilindru tal-gass jinżel għal €14.50 minn €15.

Fi stqarrija tal-Gvern intqal li dan ir-roħs se jibqa’ stabbli fuq medda ta’ diversi xhur bħala parti mill-politika ta’ stabbilità fuq il-prezzijiet tal-gass mill-Gvern.

Aqra aktar

Jitnieda charter bid-drittijiet u l-obbligi għall-ħaddiema u min iħaddem

Fl-okkażżjoni ta’ Jum il-Ħaddiem, il-Ministru għad-Djalogu Soċjali Helena Dalli nediet charter bil-kundizzjonijiet bażiċi li se jibda jitqassam fid-djar kollha f’Malta u Għawdex.

Dan iċ-charter fih numru tad-drittijiet u obbligi għall-ħaddiema u min iħaddem.

L-għan ta’ dan ic-charter huwa biex aktar ħaddiema u minn iħaddem biex jżied l-għarfien dwar dak li hemm stipulat fil-liġi tad-drittijiet.

Il-Ministru Helena Dalli qalet li permezz ta’ dan iċ-charter, il-Gvern wettaq wegħda elettorali filwaqt li tkellmet dwar l-impenn ta’ dan il-Gvern biex jaħdem aktar favur il-liġi tal-ħaddiema u kontra l-prekarjat.

Il-Ħalliel tal-Mejtin

Ktieb bin-novelli u l-biografija ta’ Nikol Biancardi, wieħed mill-pijunieri tal-Partit Laburista ġie ippreżentat lill-Prim Ministru Joseph Muscat f’Kastilja. 
Il-ktieb Il-Ħalliel tal-Mejtin ġie ippreżentat minn Donna Lynn Calleja li ġabret in-novelli kollha ta’ Biancardi u kitbet il-bijografija tiegħu.

Aqra aktar

Il-Ministru George Vella f’Baku għal żjara uffiċjali

Il-Ministru għall-Affarijiet Barranin George Vella jinsab f’Baku għal żjara uffiċjali. Hemm qed jipparteċipa f’diskussjonijiet mal-Prim Ministru tal-pajjiż, il-Kap tal-Istat u l-Ministru għall-Affarijiet Barranin.

Qed jiddiskutu forst oħrajn l-intensifikazzjoni tar-relazzjonijiet bejn Malta u l-Azerbaijan.

Aqra aktar

Evarist Bartolo mhux se jikkontesta għall-kariga ta’ Deputat Mexxej tal-Partit Laburista

Fuq is-sit soċjali tiegħu, il-Ministru għall-Edukazzjoni u x-Xogħol, Evarist Bartolo qal li mhux se jkun qed jikkontesta għall-elezzjoni ta’ Deputat Mexxej tal-Partit Laburista.

“Nemmen li l-aħjar mod kif naħdem għall-ideal tal-ġustizzja soċjali, tal-inklużjoni, tal-progress ekonomiku u tad-drittijiet huwa li nkompli nservi mill-aħjar li nista’ fix-xogħol u responsabilitajiet li għandi bħalissa,” qal il-Ministru Bartolo.

Cristiano Ronaldo … titkellem għalih ommu

Dolores Aveiro, omm Cristiano Ronaldo, temmet spekulazzjonijiet dwar il-futur ta’ binha b’The Sun tirrapporta li qalet li jinsab kuntent mal-klabb ta’ Real Madrid u li jixtieq itemm il-karriera tiegħu fil-kapitali Spanjola.

Għal iżjed minn darba kien qiegħed jiġi rrappurtat li l-istilla ta’ 31 sena kien se jerġa’ jissieħeb ma’ Manchester United. F’rapporti oħrajn intqal li d-diriġenti ta’ Ronaldo kienu għaddejjin b’diskussjonijiet mal-Paris Saint Germain u l-MLS.

Aqra aktar

Investiment ta’ €5,000,000 mill-Magro Brothers

Investiment ta’ €5,000,000 mill-Kumpanija Magro Brothers Group tħabbar waqt żjara li l-Ministru għal Għawdex Anton Refalo għamel lil din il-kumpanija.  Din is-sena Magro Brothers ser ikunu qed jiċċelebraw il-mitt sena mit-twaqqif tagħhom.

Anniversarju li jirrappreżenta pass importanti għall-ekonomija Għawdxija, għall-agrikoltura nazzjonali u setturi kummerċjali. Il-kumpanija għadha impriża ewlenija fl-industrija tal-agrikoltura Maltija u fil-promozzjoni ta’ prodotti lokali fis-swieq barranin.

Aqra aktar

L-Alitalia tnaqqas it-telf bi €381miljun

L-Alitalia, is-sieħeb strateġiku magħżul biex tinnegozja miegħu l-Air Malta, ħabbret ir-riżultati finanzjarji għas-sena li għaddiet u kkonfermat li tinsab fit-triq it-tajba biex is-sena d-dieħla tagħmel il-qligħ. Fil-fatt is-sena li għaddiet naqset it-telf bi €381 miljun. Konferma ta’ kemm is-sħubija strateġika mal-Etihad qed tbiddel is-sitwazzjoni tal-Alitalia.

Aqra aktar

Ministri ġodda jieħdu l-ġurament tal-ħatra

Wara r-reshuffle mħabbra nhar il-Ħamis mill-Prim Ministru Joseph Muscat, fil-Palazz tal-President il-Ġimgħa ħadu l-ġurament tal-ħatra tliet Ministri ġodda.

Il-Ministru Jose’ Herrera se jkun responsabbli mill-Ambjent, l-Iżvilupp Sostenibbli u t-Tibdil fil-Klima. Il-Ministru Għas-Saħħa huwa Chris Fearne, wara li serva bħala Segretarju Parlamentari. Il-Ministru Għat-Tkabbir Ekonomiku, Kompetittivita’, is-Settur Marittimu u s-Servizzi huwa Emanuel Mallia, li rritorna fil-Kabinett wara li fil-bidu tal-leġizlatura serva bħala Ministru Għall-Intern u s-Sigurta’ Nazzjonali.

Aqra aktar

Eżerċizzji għal għarrieda fl-Ajruport Internazzjonali ta’ Malta

L-Ajruport Internazzjonali ta’ Malta ntgħażel mill-Kummissjoni Ewropea sabiex jipparteċipa fi Proġett Pilota għall-iskrinjar ta’ Likwidi, Aerosols u Ġels (LAGs).

Eżerċizzji bħala parti minn dan il-proġett pilota ser isiru għal għarrieda tul Mejju u Ġunju 2016. Passiġġieri xorta għandhom isegwu l-proċeduri standard ta’ sigurtà f’kull ħin.

Permezz ta’ dan il-proġett, l-Ajruport Internazzjonali ta’ Malta qed jikkontribwixxi lejn it-titjib tal-esperjenza talpassiġġieri li jkunu qed jivvjaġġaw fl-Unjoni Ewropea.

Aqra aktar

Send this to a friend