Għalkemm uffiċjali Franċiżi ddikjaraw li l-kamp t’immigranti f’Calais huwa vojt, jidher li l-hekk imsejħa “ġungla” għadha miżgħuda b’mijiet ta’ immigranti.
Dan skont ġurnalisti u nies li jinsabu fuq il-post.
Intqal ukoll li matul il-lejl li għadda, mal-mitt tifel u tifla tħallew waħedhom mingħajr post fejn jorqdu.
Lawrence Attard huwa Malti li fil-ħin tat-terremot fl-Italja lbieraħ kien jinsab Ruma. Permezz tas-sit soċjai Facebook huwa qal li ħass it-terremot sew, bil-bini “jiċċaċlaq” għal xi mumenti.
Fil-ħin li kiteb, it-terremot kien għadu kemm seħħ, bl-ewwel ħsieb tiegħu tkun it-tama li ma kienx hemm persuni mejta. B’xorti tajba l-awtoritajiet Taljani kkonfermaw li ma kienx hemm telf ta’ ħajja, madanakollu l-biża’ tibqa’ reali ħafna, speċjalment wara li mietu mijjiet f’Awwissu li għadda.
Heritage Malta se tfakkar tradizzjonijiet popolari tal-mewt tal-erwieħ u l-ħajja wara l-mewt permezz tal-Għid tal-Erwieħ. Din l-attività tinkludi ikla tradizzjonali u tematika fil-Palazz tal-Inkwiżitur. Fl-isfond ta’ rappreżentazzjoni teatrali tal-biki tan-newwieħa l-ikla hija tradizzjonalment magħrufa bħala dik tal-ħanżira tal-erwieħ. Isimha oriġina minn drawwa lokali f’din l-okkażjoni fejn il-Maltin kienu jħallu ħanżir jiġri fit-toroq b’qanpiena mdendla ma’ għonqu u wara li jismen jinqatel u jissajjar u jitqassam lill-fqar.
Il-majjal il-forn huwa l-platt ewlieni ta’ din l-ikla tematika li se jissajjar fl-attivitá li se ssir fil-Palazz tal-Inkwiżitur. Ġeneralment l-ikla tibda bil-maħluta li hija xarba li tissimbolizza t-taħlit ta’ ħlewwa u qrusa fil-ħajja tagħna. Se jkun hemm ukoll ħobż mixwi bit-tewm u tursin magħruf bħala l-ftieti tal-għaża, il-kawlata kif ukoll il-ħelu sinonimu ma’ din l-okkażjoni magħruf bħala l-għadam tal-mejtin.
Theżżiżiet li kejlu 5.4 u 5.9 fuq l-iskala Richter laqtu l-Italja ċentrali lbieraħ filgħaxija. B’xorti tajba ma kienux theżżiżiet fondi, u kejlu disa’ u tmin kilometri taħt l-art.
It-tieni terremot ikkawża aktar paniku fost il-popolazzjoni taż-żoni milquta, anke minħabba li diġa’ kellhom biża’ wara t-terremot fatali tal-24 t’Awwissu.
Minkejja li ma miet ħadd, indarab raġel f’Visso wara li waqa’ saqaf, filwaqt li tmienja oħra sofrew minn tbenġil ġewwa Fabriano.
L-Awtoritajiet tas-Saħħa u t-tmexxija ta’ Monte Carmeli tneħħew minn kull responsabilità ta’ suwiċidju ta’ pażjent li seħħ lura fl-1989.
Aqra aktar
Raġel Sirjan waqa’ għoli ta’ madwar erba’ sulari għal ġo xaft, waqt li kien qed jaħdem f’sit ta’ kostruzzjoni. Il-ħaddiem ġie ċċertifikat mejjet fuq il-post.
Aqra aktar
Il-Qorti tal-Appell qablet mad-deċiżjoni tal-Qorti Inferjuri li ma sabitx tlett kuntratturi ħatja li remew skart tal-kostruzzjoni fil-baħar, għaliex ma kinitx ippreżentata biżżejjed evidenza tipprova dan.
Aqra aktar
Minn statistika uffiċjali tal-Eurostat dwar il-karatteristiċi demografiċi tan-negozji fl-Unjoni Ewropea, irriżulta li Malta fl-2014 kellha l-ogħla rata ta’ persentaġġ ta’ kumpaniji klassifikati bħala ‘High–growth enterprise’. Il-Eurostat tagħti din il-klassifikazzjoni lil dawk il-kumpaniji li jkunu jħaddmu mill-anqas 10 persuni, u li jkunu żiedu l-ammont ta’ impjegati mill-anqas b’10% fuq perjodu ta’ 3 snin.
Aqra aktar
Bulgara ta’ 26 sena mressqa l-Qorti akkużata b’serqa u kompliċitá f’serqa oħra, inżammet fil-kustodja tal-Pulizija, minkejja li wieġbet mhux ħatja, wara li l-Maġistrat Francesco Depasquale rrifjuta t-talba għall-ħelsien mill-arrest.
Aqra aktar
Send this to a friend