One News – Page 27 – One News

One News

Notifiki

Keith Schembri rilaxxat mid-Depot u jinsab fuq il-police bail

Fl-aħħar ħinijiet Keith Schembri ġie rilaxxat mid-Depot tal-Furjana wara li kmieni dalgħodu ġie arrestat mill-Pulizija.

Filmat ta’ TVM wera lil Schembri joħroġ mid-Depot flimkien mal-Avukati tiegħu Edward Gatt u Mark Vassallo.

Ġie rappurtat li Schembri ngħata l-police bail. Nifhmu wkoll li ġara l-istess ma’ Brian Tonna.

Fil-jum tat-Tnejn il-Qorti ordnat l-iffriżar tal-assi ta’ Schembri u Tonna fost oħrajn. Dan wara li ġiet konkluża inkjesta dwar allegat tixħim fil-programm ta’ ċittadinanza b’investiment.

Mara bi ġrieħi gravi wara li waqgħet minn gallarija ta’ lukanda

Mara ta’ 23 sena mix-Xgħajra, qed issofri minn ġrieħi gravi wara li waqgħet minn għoli f’San Ġiljan. L-inċident seħħ għall-ħabta tan-12:30hrs, bil-Pulizija kienu infurmati li hemm bżonn l-assistenza tagħhom fi Triq id-Dragunara, f’San Ġiljan. Il-Pulizija tad-Distrett ta’ San Ġiljan marret minnufih fuq il-post u minn stħarriġ li sar, irriżulta li l-mara sofriet xi ġrieħi wara li waqgħet minn gallarija ta’ lukanda, madwar sular u nofs għoli.

Fuq il-post issejjaħ tim mediku li ta l-ewwel għajnuna u ambulanza li ħadet lill-vittma l-Isptar Mater Dei għall-kura meħtieġa. Hemmhekk, hi ġiet iċċertifikata li qed issofri minn ġrieħi gravi.

L-investigazzjonijiet tal-Pulizija dwar dan l-inċident għadhom għaddejjin.

Multa ta’ aktar minn €30,000 u sentenza sospiża wara li ħabat f’ristorant waqt li kien fis-sakra

Turist Ingliż wieġeb ħati li saq karozza tal-kiri waqt li kien fis-sakra u ħabat ġo tinda ta’ ristorant u weġġa’ ħafif tliet persuni f’Tas-Sliema. Ir-raġel ta’ 43 sena ammetta l-akkużi miġjuba kontrih u ngħata sitt xhur ħabs sospiżi għal sentejn. Huwa ġie ordnat ukoll biex iħallas €33,960 f’danni li kkawża lir-ristorant.

Ir-raġel ġie wkoll skwalifikat milli jsuq għal perjodu ta’ sena.

Ritratt: LovinMalta

Ħsarat estensivi fuq il-cables tal-GO; Servizzi affetwati f’diversi lokalitajiet

Il-kumpanija ta’ telekomunikazzjoni GO ħabbret li minħabba ħsarat estensivi kkawżati minn terzi fuq cables taħt l-art is-servizzi  kollha ta’ GO fiż-Żejtun, iż-Żurrieq, Ħal Għaxaq, L-Imqabba, il-Qrendi, Ħal Safi, Ħal Kirkop u l-inħawi ta’ madwar kapaċi jkunu effettwati minn dawn il-ħsarat.

Kif saru magħrufa dawn il-ħsarat, GO bagħtet tim tekniku fuq il-post sabiex jara l-ħsarat kollha x’jinvolvu u jibdew it-tiswijiet b’mod immedjat. Għalissa għadu mhux ċar kemm se jdum ix-xogħol ta’ tiswija. Fi stqarrija GO qalet li l-klijenti huma mħeġġa jirreferu għall-paġna ta’ Facebook ta’ GO fejn se jkunu qed jittellgħu iżjed aġġornamenti.

Ifiqu 34 persuna oħra mill-Covid-19 u feġġew 38 każ

Fl-aħħar erbgħa u għoxrin siegħa fiequ erbgħa u tletin persuna oħra mill-coronavirus filwaqt li feġġew tmienja u tletin każ minn fost elfejn erba’ mija u disgħa testijiet.

Dan ifisser li tmienja u disgħin punt ħamsa fil-mija tat-testijiet li saru ġew negattivi, filwaqt li perċentwal u nofs biss irriżultaw fil-pożittiv.

Aqra aktar

Keith Schembri arrestat wara li ġew iffriżati l-assi tiegħu

Keith Schembri qed jinżamm arrestat fid-Depot tal-Furjana.

ONE News jinsab infurmat li Keith Schembri ġie arrestat mir-residenza tiegħu għal ħabta tas-siegħa ta’ filgħodu, ta’ bejn il-lejl tat-Tnejn u t-Tlieta.

Matul il-ġurnata ġew mitkellma numru ta’ persuni fosthom Brian Tonna minn Nexia BT.

L-investigazzjonijiet qed jitmexxew mill-pulizija tat-taqsima għar-reati ekonomiċi.

Aqra aktar

Mart Bernard Grech tirriżulta pożittiv għall-COVID-19

Il-kandidat għall-elezzjoni ta’ Kap tal-Partit Nazzjonalista Bernard Grech jinsab fi kwarantina wara li martu ttestjat pożittiv għall-COVID-19 wara li kienet f’kuntatt f’gym, ma’ persuna li rriżultat fil-pożitiv għall-virus. Dan kkonfermah Grech stess fuq il-profil tiegħu fuq facebook.

Grech spjega wkoll li għalkemm huwa ma kellux kuntatt ma’ martu u minkejja li hu m’għandux sintomi, l-preżenza fiżika tiegħu f’din it-taqtigħa għall-Kap qiegħda tiġi sospiża. Grech spjega wkoll li minn meta saret taf bil-kuntatt, martu iżolat ruħha u għamlet żewġ swab tests u rriżultat fil-pożittiv fit-tieni test.

Il-Qorti tordna l-iffriżar tal-assi ta’ Schembri u Tonna

L-Imħallef Edwina Grima ordnat li jiġu ffriżati l-assi ta’ Keith Schembri u martu, u Brian Tonna minn Nexia BT fost oħrajn.

Dan wara li l-Avukat Ġenerali preżentat talba sabiex jiġu ffriżati l-assi.

Dan l-iżvilupp seħħ wara li ntemmet l-inkjesta Maġisterjali li kienet qed tinvestiga l-akkużi ta’ tixħim fil-konfront ta’ Schembri u Tonna mill-programm ta’ ċittadinanza b’investiment.

Send this to a friend