One News – Page 2664 – One News

One News

Notifiki

Għexieren mejta wara attakk f’akkademja tal-Pulizija fil-Pakistan

Minn tal-inqas 58 gwardjan inqatlu fil-Pakistan wara li tliet militanti armati b’bombi attakkaw akkademja tal-Pulizija fil-belt ta’ Quetta.

Kien biss wara operazzjoni ta’ salvataġġ li damet għaddejja sigħat, li l-irġiel li wettqu l-attakk inqatlu. Dan wara li żammew numru t’ostaġġi.

Ħadd għadu ma refa r-responsabbiltà għal dan l-attakk, għalkemm attakki simili fil-belt inkwistjoni twettqu minn separatisti u militanti Iżlamiċi.

 

 

GĦAXRA ARRESTATI

Wara diversi jiem ta’ osservazzjoni bejn ilbieraħ u illum membri mill-Iskawdra ta’ Kontra id-Droga arrestat għaxar persuni – tliet nisa u seba’ irġiel li l-eta’ tagħhom tvarja bejn it-18 u l-35 sena.

Minn tfitxijiet li saru ġew elevati iktar minn 200 gramma raża tal-kannabis, madwar 100 gramma ħaxixa, madwar 70 pillola allegtament ecstasy, iktar minn 30 gramma kokaina u madwar € 2000 fi flus kontanti kif ukoll affarijiet oħra użati fit-traffikar tal-istess sustanzi illegali bħal imwieżen elettroniċi

Aqra aktar

“Huwa post sodisfaċenti” – Tenishia

Ftit tal-jiem ilu ħarġet l-aħbar li Tenishia ma kklassifikax mal-ewwel mitt DJ fil-lista popolari madwar id-dinja DJ Mag Top 100.

Fil-fatt, Tenishia ġie fil-110 post.

F’kummenti ma’ One News, Joven Grech sostna li meta wieħed iqies li din kienet sena li fiha Tenishia rat bidu ġdid filwaqt li ma kienx hemm diski ġodda, il-post miksub huwa pjuttost sodisfaċenti.

Aqra aktar

Imutu n-nies fuq rikba f’park ta’ divertiment fl-Awstralja

Minn tal-inqas erba’ persuni tilfu ħajjithom fl-Awstralja wara inċident fuq waħda mir-rikbiet fil-park tad-divertiment Dreamworld fil-Gold Coast. Il-Pulizija ta’ Queensland iddeskriva l-inċident fil-park bħala wieħed kritiku. Dreamworld huwa l-ikbar park tad-divertiment fl-Awstralja, b’aktar minn ħamsin attrazzjoni għall-familja kollha. Fi stqarrija li ħarġet ftit tal-ħin ilu mill-amministrazzjoni tal-istess park, kienu kkonfermati tlett’imwiet.

AĠĠORNATA: Iben Yana Mintoff prova jwaqqaf lir-Rumen

STQARRIJA TAL-PULIZIJA

Ilbieraħ filgħaxija għall-ħabta tal-22:10, il-Pulizija ġiet infurmata li żewġ persuni feruti kien marru ġewwa ċ-Ċentru tas-Saħħa ta’ Raħal Ġdid.

Il-Pulizija marret minnufih fiċ-Ċentru tas-Saħħa msemmi u minn stħarriġ preliminari rriżulta li mara ta’ 65 sena u binha – raġel ta’ 32 sena, t-tnejn residenti Ħal Tarxien, kienu qegħdin isofru minn ġrieħi li allegatament ġew ikkawżati permezz ta’ arma li taqta’ u bil-ponta.

Minn iktar investigazzjonijiet li saru jidher li waqt li ż-żewġ persuni kienu ġewwa r-residenza tagħhom f’Ħal Tarxien, qam argument bejn il-mara ta’ 65 sena u raġel ieħor li huwa Rumen ta’ 39 sena li wkoll jgħix fl-istess residenza.

Jidher li r-raġel ta’ 39 sena allegatament aggredixxa lill-mara permezz ta’ arma li taqta’ u bil-ponta.  Ir-raġel ta’ 32 sena pprova jwaqqaf l-aggressur iżda hu wkoll safa’ ferut.

Sussegwentement iż-żewġ vittmi ttieħdu ġewwa ċ-Ċentru tas-Saħħa sabiex jiġu kkurati u iktar tard ġew riferuti l-Isptar Mater Dei.

Meta l-Pulizija rrikorriet fuq il-post tal-inċident sabet li fl-istess residenza kien hemm xi nirien u għalhekk il-membri mid-Dipartiment tal-Protezzjoni Ċivili ssejħu fuq il-post sabiex jikkontrollaw in-nar. Waqt li l-Pulizija kienet qiegħda fuq il-post sabet li l-allegat aggressur kien mistoħbi fuq siġra li hemm vicin id-dar u li hu wkoll kien qiegħed isofri minn xi ġrieħi u kellu xi dmija.

Fuq il-post issejħet ambulanza li ħadet lir-raġel l-Isptar Mater Dei fejn ġie ċċertifikat li qiegħed isofri minn ġrieħi gravi.  Filwaqt li kemm il-mara kif ukoll ir-ragel ta’ 32 sena sofrew ġriehi ħfief.

Bil-każ ġiet infurmata l-Maġistrat tal-Għassa Dr M Farrugia LL.D li ħatret diversi esperti sabiex jassistuha fl-inkjesta li ġiet appuntata. L-investigazzjonijiet tal-Pulizija għadhom għaddejjin.

Aqra aktar

Simon Busuttil jikkonferma li jrid ireġġa’ l-arloġġ lura

Bid-diskors negattiv u distruttiv li għamel illejla fil-Parlament, Simon Busuttil ikkonferma li m’għandu ebda viżjoni għall-futur.

Fi stqarrija l-Partit Laburista spjega li trid tkun insensittiv biex issejjaħ dan il-budget bħala kosmetiku meta jwassal tant ġid lil kulħadd, l-aktar lil min huwa l-aktar vulnerabbli fis-soċjeta. Għall-Kap tal-Oppożizzjoni, fost oħrajn, huwa kosmetiku li tagħti €500 fis-sena lil kull familja b’żewġ itfal fejn il-missier jaħdem bil-minimum wage u li tagħmel ġustizzja lil mijiet ta’ carers li issa se jikkwalifikaw għal €140 fil-ġimgħa.

Għal Simon Busuttil, huwa kosmetiku li tneħħi l-piż tat-taxxa fuq l-ewwel €13,000 pensjoni u li teħles lil 22,000 pensjonant sa €585 f’taxxa u li tagħti benefiċċju daqs il-minimum wage lil min għandu diżabilità severa.

Il-Partit Laburista qal kif il-Kap tal-Oppożizzjoni għandu problema bażika – nuqqas ta’ kredibilità. Meta kien Viċi Kap tal-partit fil-Gvern, kuljum, żewġ persuni aktar spiċċaw jirreġistraw. Dawk f’severe material deprivation żdiedu b’10,000. Dr Busuttil kiteb żewġ manifesti elettorali u mkien ma semma żieda fil-pensjonijiet. Bih fit-tmexxija kien ikompli jżid id-dejn nazzjonali b’€100 miljun fix-xahar, kien jerġa jgħolli d-dawl u l-ilma, l-Enemalta kienet tibqa’ mdejna u l-powerstations kienu jkomplu jaħdmu bil-heavy fuel oil.

Flok li jkompli jiddefendi lil Beppe Fenech Adami, Simon Busuttil jagħmel tajjeb li jifhem il-proġetti li qed jagħmlu lil Malta suċċess, għax ma kull jum li jgħaddi qed jikkonferma kemm huwa maqtugħ min-nies.

Grazzi għall-għażla għaqlija tal-eluf kbar li ma semgħux minn Simon Busuttil fl-2013 u għażlu bidla fid-direzzjoni, illum nistgħu nwettqu pakkett soċjali ta’ għexieren ta’ miljuni għal dawk l-aktar fil-bżonn. Busuttil irid sempliċiment ireġġa l-arloġġ lura.

Send this to a friend