One News – Page 2662 – One News

One News

Notifiki

TLIET MISTOQSIJIET : bihom jiftaħ ir-risposta tiegħu l-Prim Ministru

Il-Prim Minsitru Joseph Muscat qal li hemm tliet mistoqsijiet li kull min qed isegwi diskors illejla jrid jagħti tweġiba għalihom

1.Malta llum sejra aħjar minn li kienet sejra tlett snin u nofs ilu?

2.Int u l-familja tiegħek sejrin aħjar minn li kontu tlett snin u nofs ilu?

3.Int u l-familja se tmorru saħansitra aħjar fis-sena u nofs u aktar li ġejjin?

Aqra aktar

Malta bl-ikbar surplus fiskali madwar l-Unjoni Ewropea

Bi stqarrija dwar id-defiċit fiskali aġġustat għall-effetti staġjonali, il-Eurostat ikkonfermat it-tisħiħ fil-qagħda tal-finanzi pubbliċi f’pajjiżna.

Skont l-aġenzija Ewropea tal-Istatistika, Malta rreġistrat għat-tieni kwart konsekuttiv surplus fil-kontijiet pubbliċi. Dan ifisser li d-dħul kien akbar mill-ħruġ għal sitt xhur wara xulxin. Fl-ewwel kwart kien hemm surplus ta’ 2.3% tal-ġid nazzjonali, filwaqt li fit-tieni kwart is-surplus tela’ għal 3.1%.
Aqra aktar

Tibda tinġabar l-informazzjoni dwar il-mina ta’ bejn Malta u Għawdex

Dalgħodu, l-Universita’ ta’ Malta bdiet bl-ewwel investigazzjoni sismika kkummissjonata minn Transport Malta, fil-fliegu bejn Malta u Għawdex.  L-investigazzjoni hija parti minn studji biex jiġi ddeterminat jekk il-mina bejn il-gżejjer tistax issir.  L-investigazzjonijiet ser jgħinu biex jiġi stabbilit il-mudell ġeoloġiku taż-żona li fuqu ser ikun ibbażat id-disinn tal-mina.
Aqra aktar

TWISSIJA mill-Awtorità tas-Servizzi Finanzjarji

L-Awtorità għas-Servizzi Finanzjarji ta’ Malta (MFSA) avżat lill-pubbliku dwar entità li qed topera taħt l-isem Provident Capital Management, u li għandha preżenza fuq l-Internet u li jidher li qed toffri servizzi ta’ investiment u/jew servizzi finanzjarji oħra lil konsumaturi Maltin.

L-MFSA twissi lill-pubbliku, f’Malta u barra minn Malta, li l-entità msemmija hawn fuq MHIX kumpanija reġistrata f’Malta u LANQAS m’hi entità liċenzjata jew awtorizzata b’xi mod ieħor mill-MFSA bix tipprovdi xi tip ta’ servizz finanzjarju.

Aqra aktar

Forti Sant’Anġlu jiftaħ għall-pubbliku mill-ewwel ta’ Novembru

Forti Sant’Anġlu se jiftaħ kuljum għall-pubbliku ġenerali mill-ewwel ta’ Novembru. Fil-forti saru xogħlijiet ewlenin u partijiet sostanzjali ġew restawrati biex issa jinsabu lura għall-glorja preċedenti tagħhom.

Apparti milli jżur l-forti, il-pubbliku se jkollu opportunità jara veduti spettakolari tal-Port il-Kbir u tal-Belt Valletta.

Il-proġett ta’ restawr ta’ € 14,500,000 kien inawgurat fl-2015. Tul is-sena li għaddiet saru numru ta’ avvenimenti organizzati, inklużi laqgħat għall-mexxejja tal-istati tal-Commonwealth u tal-gvernijiet matul CHOGM.

F’post dominanti fil-ponta tal-Birgu, Forti Sant’Anġlu dejjem kienet ta’ importanza kbira minħabba l-pożizzjoni strateġika tagħha. Minħabba l-irwol li kellha matul l-istorja Maltija, Forti Sant’Anġlu twiegħed esperjenza ġenwina u memorabbli.

Fis-sit hemm ċentru ta’ interpretazzjoni li jippreżenta informazzjoni dwar il-forti u l-istorja tagħha.

Malta s-sitt pajjiż fl-UE b’leġiżlazzjoni kontra t-tipjip fil-karozzi bit-tfal

Malta se tkun is-sitt pajjiż fl-Unjoni Ewropea li se ddaħal liġi li tiprojbixxi t-tipjip fil-karozza fil-preżenza tat-tfal. Dan qalu l-Ministru għas-Saħħa, Chris Fearne, waqt konferenza tal-aħbarijiet li matulha tnediet il-kampanja ‘You smoke… they smoke’.

Il-Ministru Fearne qal li kulħadd jirrikonoxxi kemm it-tipjip jagħmel ħsara mhux biss lil dawk li jpejpu, iżda anke lil dawk ta’ madwarhom. “It-tfal li jkollhom l-organi tagħhom bħal pulmun żgħar, it-tipjip passiv jagħmel aktar ħsara. F’postijiet żgħar magħluqa bħalma hi karozza, il-ħsara mit-tipjip passiv hija agħar,” qal Fearne.

Aqra aktar

Minn nhar il-Ġimgħa, lestu l-kowtijiet!

Fil-lejl bejn il-Ħamis 27 t’Ottubru u l-Ġimgħa 28 t’Ottubru, it-temperaturi se jinżlu drastikament.

Skont l-Uffiċju Meterjoloġiku fi ħdan l-Arjuport Internazzjonali ta’ Malta, l-inqas temperatura se tinżel 16-il grad celcius nhar il-Ġimgħa, u  nhar il-Ħadd tkompli tinżel għal 15-il grad.

Il-kesħa mit-Tramuntana tal-Ewropa mistennija tilaħaq lil Malta u b’hekk iġġib it-tmiem għas-sħana tas-sajf 2016, li s’issa kienet għadha magħna.

Aqra aktar

100,000 persuna żżur iċ-Ċentru tal-Viżitaturi taċ-Ċittadella

Fl-ewwel tliet xhur u nofs mill-inawgurazzjoni taċ-Ċentru tal-Viżitaturi taċ-Ċittadella mill-Prim Ministru nhar it-30 ta’ Ġunju 2016, 100,000 persuna żaret dan iċ-ċentru u  sar wieħed mill-attrazzjonijiet prinċipali f’Għawdex.

Iċ-Ċentru għall-Viżitaturi jinsab qabel id-daħla taċ-Ċittadella f’żewġ ġibjuni tal-ilma mibnija lejn nofs is-seklu 19 f’parti mill-foss taċ-Ċittadella. Iċ-ċentru għall-viżitaturi huwa mgħammar b’teknoloġija awdjo-viżiva u jipprovdi faċilitajiet biex il-viżitaturi jsiru jafu dwar diversi aspetti tal-istorja taċ-Ċittadella.
Aqra aktar

L-għada tat-traġedja

L-għada tat-traġedja li ħalliet ħames Franċiżi mejta f’pajjiżna, it-triq fil-limiti ta’ Ħal Kirkop tinsab magħluqa u l-post huwa sorveljat.

L-ajruplan li ġġarraf għall-ħabta tas-07:20 tal-bieraħ huwa rreġistrat l-Istati Uniti u mikri lill-kumpanija fil-Lussemburgu.

Kien parti minn operazzjoni Franċiża li ilha għaddejja għal dawn l-aħħar ħames xhur bil-għan li tinvestiga rotot ta’ traffikar illegali, primarjament traffikar tal-bnedmin u tad-droga.

It-titjira kienet irreġistrata mal-Malta Air Traffic Services bħala waħda lokali u kellha tkun lura Malta fi ftit sigħat mingħajr ma tinżel f’pajjiżi oħra. Jidher ma kien hemm ebda splużjoni qabel l-ajruplan waqa’.

Aqra aktar

Send this to a friend