One News – Page 2656 – One News

One News

Notifiki

Aktar maltemp u xita !

Xita, sajjetti, ragħad u beraq – matul il-lejl ta’ bejn il-Ħamis u l-Ġimgħa kellna temp Xitwi. It-temp dalgħodu kien ukoll imsaħħab u b’ħalbiet tax-xita filwaqt li t-temperatura niżlet għal 23°C. Il-maltemp se jkompli jippersisti – Huwa mbassar li matul il-ġurnata tas-Sibt se jkollna temp bix-xita filwaqt li l-maltemp huwa mbassar ukoll għat-Tnejn u t-Tlieta. Wieħed jista’ jinnota li t-temperatura se tibqa’ relativament baxxa.
Aqra aktar

Jieħdu l-fuel ‘l barra mill-Afrika ta’ Fuq

Grupp ta’ bastimenti tal-gwerra Russi, inkluż l-unika wieħed li jġorr l-ajruplani,  huma irrapportati li ħadu l-fuel fil-baħar ‘l barra mill-Afrika ta’ Fuq, fi triqithom lejn is-Sirja.

Il-BBC jirrapporta dalgħodu li xi wħud mill-bastimenti li kellhom jidħlu f’port Spanjol kellhom operazzjoni abortita wara li alleati tan-NATO esprimew tħassib.

Nato jinsabu mħassba li l-ajruplani abbord se jintużaw għall-attakki fuq nies ċivili fil-belt Sirjana Aleppo.

Il-President Vladimir Putin aċċenna wkoll li l-bumbardament mill-ajru fuq il-Lvant ta’ Aleppo, miżmuma  minn ribelli, se jerga’ jibda.

Aqra aktar

It-tfal ta’ San Ġorġ Preca Blata l-Bajda jirnexxilhom jisponsorjaw 13-il kelb

Ottubru huwa x-xahar li fih jiġu organizzati ħafna attivitajiet biex titrawwem kuxjenza favur l-annimali u d-drittijiet tagħhom.

Ilbieraħ filgħodu fl-iskola medja San Ġorġ Preca fil-Blata l-Bajda waslet fi tmiemha l Animal Awareness Week.

Matul din il-ġimgħa ittellgħet il-kompetizzjoni fotografika Selfie with my Pet, li l-għan tagħha kien li wieħed juri r-relazzjoni sabiħa li tista, tinbena bejn l-bniedem u l-annimali.

Aqra aktar

Min taħseb li se tkun Miss Malta?

L-iktar konkors tas-sbuħija li jmur lura fis-snin huwa Miss Malta, imwaqqaf  53 sena ilu. Minn dak inhar hawn baqa’ jsir kull sena.

Din is-sena b’kollox intgħażlu 29 tfajla ta’ bejn is-17 u s-26 sena.  Dan sar waqt provi apposta li saru f’Ġunju li għadda fejn b’kollox applikaw 51 tfajla.

Aqra aktar

Imgiddeb hu stess imma jibqa’ jsejjaħ lill-Prim Ministru GIDDIEB

F’risposta lejn il-filmati ċarissimi li ppubika l-Partit Laburista l-bieraħ, u li żgur wieħed ma jistax imerihom, il-Membru Ewro Parlamentari David Casa baqa’ jinsisti li hija gidba li  Joseph Muscat kien strumentali biex is-soċjalisti appoġjaw in-nomina ta’ Tonio Borg bħala Kummissarju Ewropew.

“Hija gidba. Mhux vera. Ivvotaw kontra n-nomina ta’ Tonio Borg” qal Casa, filwaqt li mingħajr loġika sfida kull loġika, u kliem Simon Busuttil, u Tonio Borg stess.

Kif jixhed dan il-filmat.

Aqra aktar

“Malta mhix se tkun parteċipi fl-oxxenitajiet li qed isiru f’Aleppo”

Il-Prim Ministru Joseph Muscat mistenni jżur ir-Russja fil-ġejjieni qrib.

Dan ħabbru l-Ministru għall-Affarijiet Barranin George Vella fil-Parlament ilbieraħ filgħaxija meta jkien qed jagħlaq id-dibattitut dwar il-voti tal-ministeru tiegħu.

Il-Ministru ikkonferma  li l-flotta Russa mhux se tingħata fuel f’Malta. Huwa kien qed iwieġeb lill-kelliem tal-Oppożizzjoni Tonio Fdenech li staqsa jekk kienx minnu li l-permess kien ingħata u mbagħad ġie irtirat.

Aqra aktar

Il-PN se jmur għall-elezzjoni b’Salvu Mallia

Waqt laqgħa tal-Kumitat Eżekuttiv tal-Partit Nazzjonalista llejla, Salvu Mallia ġie approvat bħala kandidat għall-elezzjoni ġenerali li jmiss.

Għadu kemm tħabbar li Salvu Mallia ġie approvat biex jikkontesta t-tieni u t-tnax-il distretti elettorali.

 

Meta l-klieb ta’ kontra d-droga tal-ħabs spiċċaw pets tal-ħabsin….

Il-Ministru għall-Intern Carmelo Abela qal li l-akbar problema li għandu l-Partit Nazzjonalista hija dik ta’ kredibilità u din hija akbar fejn tidħol il-ġlieda kontra d-droga fil-ħabs.

Huwa kien qed jirreaġixxi għal diskors li għamel id-deputat kap tal-partit, Beppe Fenech Adami li fih m’għamilx proposta waħda dwar il-forzi dixxiplinati Maltin. Il-Ministru qal li fi żmien l-amministrazzjoni l-oħra l-klieb li kien hemm il-ħabs biex jaraw li ma tidħolx droga spiċċaw pets tal-ħabsin.

Il-Ministru qal li l-faċilità korrettiva ta’ Kordin għandha tikontribwixxi biex dawk fiha jiġu rijabilitati u meta joħorġu jikkontribwixx lis-soċjetà. Il-gvern huewa kommess li jkompli jtejjeb l-istruttura tal-faċilità b’investiment, management u amministrazzjoni.

Aqra aktar

Kors ġdid għall-volontiera fl-isports

Il-volontarjat huwa wieħed mit-temi prinċipali tal-Presidenza Maltija tal-Unjoni Ewropea, u propju SportMalta ħasset li għandha torbot din it-tema mal-isport. Kien dan li wasal biex ikun varat kors ġdid għall-volontiera fl-isport, kors li se jwassal għal ċertifikazzjoni formali għal dawk kollha li se jattendu.

 Il-kors ġie imfassal minn SportMalta flimkien mal-MCAST fejn kull min jispiċċa l-kors b’suċċess se jingħata MCAST Level 2 Award in Sport Volunteering.

Aqra aktar

David Casa “GIDDIEB BIL-PROVI”

Fil-filmat qasir li tista’ ssegwi hawn u li rrefera għalih il-partit Laburista fi stqarrija, tista’ ssegwi lill-eks Kummissarju Ewropew Tonio Borg u lill-eks MEP Simon Busttil jirringrazzjaw lill-Partit Laburista u lil Joseph Muscat, dak iż-żmien kap tal-Oppożizzjoni, tal-koperazzjoni tagħhom biex Tonio Borg kien elett Kummissarju fl-2012.

Ta’ interess partikolari huwa kliem Busuttil, meta għid li l-għaqda nazzjonali rebħet fuq kollox, u li s-sitt MEPs ħadmu favur Tonio Borg, u għamlu dak li setgħu biex intlaqgħat in-nomina tiegħu.

Tonio Borg personalment irringrazzja lil Joseph Muscat “li għen ħafna biex inkiseb dan ir-riżultat”.

“David Casa għandu jaħsibha darbtejn dwar dak li huwa idokumentat, għaliex issa ħareġ ta’ giddieb” temm jgħid il-Partit Laburista.

Aqra aktar

Send this to a friend