One News – Page 23 – One News

One News

Notifiki

BIL-FILMAT: Jinżammu arrestati ż-żewġ qassisin akkużati b’allegat stupru fuq tifel

Dun Ġużepp Sultana ta’ 84 sena u Dun Ġuzepp Cini ta’ 71 sena, it-tnejn mix-Xagħra Għawdex, baqgħu jinżammu arrestati wara li tressqu l-Qorti ta’ Għawdex akkużati b’abbuż u stupru fuq abbati minorenni.Aqra aktar

Żagħżugħ ta’ 21 sena jinsab fil-periklu tal-mewt wara li waqa’ diversi sulari minn fuq is-swar tal-Imdina

Żagħżugħ ta’ 21 sena li jgħix ir-Rabat jinsab fil-periklu tal-mewt wara li waqa’ diversi sulari minn fuq is-swar tal-Imdina. Jidher li l-inċident seħħ it-Tlieta għall-ħabta tas-7:00pm, meta l-Pulizija sabet lill-vittma mixħut għal tulu fl-art fi Triq l-Għarreqin, jitlob għall-għajnuna u b’xi ġrieħi.Aqra aktar

ESKLUSSIVA: Allegat każ ta’ stupru fuq abbati minn żewġ qassisin f’Għawdex

Żewġ membri tal-kleru minn Għawdex qed ikunu investigati b’rabta ma’ każ ta’ stupru fuq abbati.

Għalkemm jidher li l-investigazzjonijiet tal-pulizija fil-konfront taż-żewġ qassisin intensifikaw fl-aħħar jiem, ONE NEWS huwa nfurmat li dan il-każ mhuwiex wieħed riċenti. Fil-fatt, is-sorsi tagħna fil-Kurja tal-Isqof ikkonfermaw li kien hemm allegazzjonijiet fuq episodji li jmorru lura diversi snin.

Minkejja dan minn tagħrif miksub minn imkejje viċin l-investigazzjonijiet tal-pulizija jirriżulta li l-każ huwa wieħed li għadu jista’ jitressaq quddiem il-ġustizzja u l-pulizija qed taħdem biex ikollha każ b’saħħtu biżżejjed bit-tama li tressaq liż-żewġ qassisin il-Qorti fil-jiem li ġejjin.

Jirriżulta li ż-żewġ qassisin iġibu l-istess isem, għalkemm kunjom differenti u meta jitressqu mistennija jiffaċjaw iktar minn akkuża waħda.

Din mhux l-ewwel darba li f’Għawdex tfaċċaw każi ta’ abbuż minn membri ta’ ordnijiet reliġjużi. Fl-imgħoddi każi simili kien jinvolvu kemm qassisin u sorijiet.

AĠĠORNAT

Intant, ftit tal-minuti wara li One News ippublika din l-istorja, stqarrija tal-Pulizija kkonfermat dan u qalet li ż-żewġ persuni kienu arrestati lbieraħ u matul il-ġurnata tal-lum kienu nterrogati fit-tul fil-Kwartieri Ġenerali tal-Pulizija, il-Floriana.

Il-każ beda jiġi investigat mill-Pulizija wara rapport li sar lis-Safeguarding Commission fi ħdan il-Kurja.

Iż-żewġ membri tal-kleru se jkunu qegħdin jitressqu l-Qorti t’Għawdex għada fit-tmienja u nofs ta’ filgħodu, quddiem il-Maġistrat Dr Monica Vella.

Raġel jindarab gravi wara li ntlaqat minn karozza f’Birkirkara

Raġel ta’ 36 sena mill-Mali ndarab gravi wara li ntlaqat minn karozza f’Birkirkara

Il-każ seħħ għall-ħabta tat-tmienja u nofs fi Triq Fleur De Lys.

Il-Pulizija marret minnufih fuq il-post u minn stħarriġ preliminari li sar, irriżulta li r-raġel safa’ milqut minn vettura ta’ tip Mazda Demio misjuqa minn tfajla ta’ 21 sena li tgħix Ħaż Żebbuġ.

Aktar tard ir-raġel ġie ċċertifikat li weġġa’ gravi.

L-investigazzjonijiet dwar dan l-inċident għadhom għaddejjin.

Send this to a friend