L-Eżekuttiv tall-MFA ddeċieda li l-kampjonat Premier jiġi terminat.
Dan wara li avviż legali dwar l-għeluq tal-faċilitajiet sportive minħabba l-imxija għadu fis-seħħ.
Mijiet jitgħallmu dwar il-ħajja fis-selvaġġ f’Malta permezz ta’ żjarat virtwali fin-natura
Fl-aħħar ġimgħat u xhur l-istudenti esperjenzaw il-ħajja fis-selvaġġ f’Malta mill-kumdità ta’ djarhom bis-saħħa ta’ numru ta’ żjarat edukattivi virtwali finnatura u lezzjonijiet online.
Qalet dan il-Birdlife Malta fejn spjegat kif bi żjarat virtwali fin-natura li qed jiġu pprovduti permezz ta’ videos edukattivi rrekordjati minn qabel li jiggwidaw lill-istudenti kif josservaw in-natura lokali u jwieġbu domandi relatati mal-kurrikulu tagħhom.
Raġel mill-Gżira arrestat b’rabta ma’ allegat ħruq ta’ dar
Raġel ta’ erbgħa u erbgħin sena mill-Gżira ġie arrestat b’rabta ma’ attentat ta’ ħruq ta’ bieb ta’ dar f’Ħal Luqa.
Il-Każ seħħ fid-dsatax ta’ Diċembru tas-sena l-oħra fis-sigħat bikrin ta’ filgħodu fi Triq il-Wilġa.
Żewġ persuni oħra fiequ mill-Coronavirus u ħames każijiet ġodda
Fl-aħħar 24 siegħa żewġ persuni fiequ mill-Covid-19 f’Malta, biex issa t-total ta’ każijiet imfejqa jgħodd l-456. Dawn għandhom bejn l-10 u d-19-il sena, u bejn l-40 u d-49 sena. Is-Supretendent tas-Saħħa Pubblika, il-Professur Charmaine Gauci, spjegat li minn 1,017-il test li saru, ħames persuni rriżultaw fil-pożittiv. It-total ta’ każijiet pożittivi f’Malta issa jlaħħaq l-558, u l-każijiet l-attivi bħalissa huma 96. B’kollox f’Malta saru 51,677 test. Aqra aktar
Stennija għad-deċiżjoni tal-MFA dwar il-kampjonat tal-futbol
Illum fis-2pm mistenni jiltaqa’ l-eżekuttiv tal-Assoċjazzjoni Maltija tal-Futbol, l-MFA biex tiddeċiedi dwar il-futur tal-kampjonat Malti 2019-2020.
Fost il-klabbs tal-kampjonat Premier teżisti stennija dwar id-deċiżjoni wara li l-kampjonat kien waqaf ħesrem minħabba l-imxija tal-Coronavirus.
Preżentament, Floriana jinsabu fil-quċċata tal-klassifika u kienu resqin li jieħdu kampjonat ieħor wara nuqqas ta’ 27 sena.
Warajhom hemm ir-rivali Valletta, li jinsabu tliet punti taħt Floriana.
Il-President taċ-ċampjins renjanti Victor Scricha kien saħaq li l-MFA għandha tannulla l-kampjonat u fil-kompetizzjonijiet Ewropej jilagħbu t-timijiet li s-sena l-oħra ġew ma’ ta’ fuq.
Hu mifhum li l-MFA preżentat protokolli mediċi dwar kif jista’ xorta jintlagħab il-logħob tal-futbol u dan konformi ma’ dak li qed isir barra minn pajjiżna.
Sa bħal-lum ġimgħa, l-MFA trid tinforma lil UEFA bid-deċiżjoni tagħha li mistennija tittieħed wara diskussjonijiet mal-awtoritajiet tas-saħħa.
Lejn l-aħħar tax-xahar li għadda l-eżekuttiv tal-MFA kien iddeċieda li l-kampjonat Premier u l-FA Trophy mhux se jieqfu għalissa minħabba l-imxija tal-Coronavirus.
Fl-istess waqt l-eżekuttiv waqqaf il-kumplament tal-kampjonati tal-ewwel, it-tieni u t-tielet diviżjoni.
L-istess deċiżjoni applikat wkoll għall-futbol f’Għawdex, dak tan-nisa, tal-Youth League u tal-Futsal.
Pilota tmut wara li l-ajruplan iġġarraf f’dar waqt wirja ajrubatika fl-ajru fil-Kanada
Minn tal-inqas persuna hija mejta wara li ajruplan Kanadiż waqa’ waqt wirja ajrubatika fl-ajru.
Il-midja internazzjonali qed tħabbar li membru ieħor li kien fuq l-ajrupan weġġa’ gravi wara li l-ajruplan iġġarraf f’residenza fil-Kanada.
Il-wirja akrobatika ttellgħet apposta sabiex tferraħ lin-nies f’dawn iż-żminijiet ta’ pandemija.
Xhieda qalu li l-ajruplan spiċċa vamp nar fit-tlugħ tiegħu u f’ħakka t’għajn waqa’.
Fi tweet ir-Royal Canadia Air Force ħabbret il-mewt traġika tal-Kaptan.
L-Italja u Spanja jibdew jillaxkaw il-miżuri tal-lockdown
Mil-lum Spanja u l-Italja huma fost numru ta’ pajjiżi Ewropej li ser ikunu qed jillaxkaw il-miżuri ta’ lockdown.
Ristoranti u hairdressers fl-Italja ser ikunu qed jinfetħu wara aktar minn xahrejn ta’ lockdown totali madwar il-pajjiż.
Segwi b’mod dirett il-quddiesa fuq ONE
Għall-ħabta tat-8:00 ta’ filgħodu, l-istazzjon ONE b’mod dirett se jkun qed ixandar il-quddiesa li qed isir kuljum, mit-Tnejn sal-Ħadd. Aqra aktar
Il-ħolma li tieħu sehem fl-Olimpjadi jkollha tistenna ftit
Ilha taħdem għal dan il-mument 14-il sena. Fl-2016 ma kkwalifikatx iżda fl-2020 stinkat biex tipparteċipa fl-Olimpjadi ta’ Tokjo. Ħidma li waqfet ħesrem minħabba l-pandemija u l-Olimpjadi ġew posposti. Aqra aktar
Il-Ministeru għall-Ġustizzja jinnota xi skorettezzi f’rappurtaġġ tat-Times
Il-Ministeru għall-Ġustizzja, l-Ugwaljanza u l-Governanza jagħmel riferenza għal dak ippubblikat illum f’The Sunday Times of Malta, intitolat ‘Malta delays the start of EU office to fight corruption’, u jirrileva li dan ir-rapport fih diversi skorettezzi. Dawn huma dawn li ġejjin; Aqra aktar