Nicole Buttigieg – Page 68 – One News

Nicole Buttigieg

Notifiki

Deputat tal-PN irid lil Cutajar jieħu s-siġġu ta’ Stellini

 

Id-Deputat Nazzjonalista Għawdxi Fredrick Azzopardi irid lill-kandidat Għawdex Kevin Cutajar jieħu s-siġġu parlamentari ta’ David Stellini.

Kevin Cutajar, ikkontesta l-elezzjoni ġenerali fuq it-tlettax-il distrett u flimkien mal-kordinatur politiku Jean Pierre Debono wera l-interess tiegħu f’dan is-siġġu.

Wara l-allegat tbgħabgħis fl-elezzjoni tal-ezekuttiv minn Jean Pierre Debono, fl-elezzjoni bejn Cutajar u Jean Pierre Debono, Debono kien kostrett ma jaċċettax is-siġġu li rebaħ b’zewġ voti.

Wara din id-deċiżjoni, Cutajar kiteb lis-Segretarju Ġenerali tal-Partit Nazzjonalista Clyde Puli u talbu jinformah kif se jmexxi l-partit issa li l-uniku persuna li għadha bl-interess li jimla’ s-siġġu parlamentari huwa hu.

Mistoqsi minn ONE NEWS dwar it-talb li għamel lil Puli, Cutajar li qal li qed jistenna risposta, ma kkummentax.

Min-naħa tiegħu, id-deputat Nazzjonalista Fredrick Azzopardi qal li s-siġġu ta’ Stellini għandu jieħdu Kevin Cutajar.

Il-viċi kap Nazzjonalista David Agius qal li se jitkellem fil-Partit Nazzjonalista.

Intant sorsi fil-Partit Nazzjonalista qalu li t-tmexxija Nazzjonalista qed tkompli ttawwal il-proċess biex tlaqqa’ mill-ġdid l-eżekuttiv tal-partit Nazzjonalista biex tiddeċiedi min għandu jieħu s-siġġu ta’ Stellini.

L-istess sostna li l-fazzjoni tal-Kap Adrian Delia ma tridx lil Cutajar fis-siġġu parlamentari ta’ Stellini minħabba li hu meqjus persuna oħra qrib il-fazzjoni tal-ex kap Nazzonalista Simon Busuttil.

 

Deputat tal-PN jgħid li Delia jrid gwerra kontrihom

Il-Kap tal-Partit Nazzjonalista Adria Delia għamel ġennata meta ddikjara gwerra kontra għadd ta’ deputati fil-grupp parlamentari Nazzjonalista.

Hekk iddikjara Deputat Nazzjonalista bil-kundizzjoni li jibqa’ anonimu ma’ The Times of Malta fil-ħarġa tal-Erbgħa.

Dan id-deputat nazzjonalista irreaġixxa għal intervista li kellu l-kap nazzjonalista Adrian Delia fuq Times Talk fejn attakka għadd ta’ deputati Nazzjonalisti li kienu involuti fix-shadow cabinet tal-ex kap Nazzjonalista Simon Busuttil.

“A coach needs to actually first choose the players he wants to be with. It’s very difficult for a coach to work with a team he already found there.”

Deputat Nazzjonalista ieħor li tkellem ma’ The Times qal li b’dikjarazzjonijiet bħal dawn Adrian Delia, bla ma jaf, żvela l-istrateġija tiegħu li jeħles minn numru ta’ deputati Nazzjonalisti. Waqt li staqsa r-raġunament dwar dan il-kumment, qal li ebda mexxej ma’ jitkellem b’dan il-mod li jifred flok jgħaqqad.

Intant it-Times irrappurtat ukoll li l-Grupp parlamentari Nazzjonalista ilu xahrejn ma jitlaqa’, u fil-kriżi li jinsab fiha l-Partit Nazzjonalista, id-deputati Nazzjonalisti għadhom bla data ta’ meta se jiltaqgħu bħal grupp parlamentari.

Sorsi fil-grupp parlamentari Nazzjonalista li tkellmu mat-Times of Malta, qalu li l-aħħar laqgħa tal-grupp parlamentari saret fil-ħmistax ta’ April, ftit ġimgħat biss qabel bdiet il-kampanja elettorali.

Skond l-istatut tal-Partit Nazzjonalista, il-Grupp Parlamentari jrid jiltaqa’ minn tal-inqas darba f’xahar jew  fuq talba tal-kap. L-istatut jgħid ukoll li l-grupp parlamentari jista’ jitlaqqa jekk issir talbu minn terz tad-deputati.

Mat-times il-whip tal-Grupp Parlamentari Nazzjonalista Robert Cutajar ma riedx jikkummenta.

It-Times qalet li minkejja li Adrian Delia ilu fit-tmexxija sa minn Settembru ta’ sentejn ilu, għadu ma rebaħx il-fiduċja tad-deputati tiegħu li privatament lissnu t-tħassib tagħhom dwar il-karattru dubjuż ta’ Delia li għadu qed jiffaċċja allegazzjonjiet gravi ta’ ħasil ta’ flus li ġejjin mill-prostituzzjoni.

B’reazzjoni, Delia u dawk ta’ madwaru akkużaw lill-fazzjoni ta’ Simon Busuttil bi bsaten fir-roti u li baqgħu ma jridux jilqgħu r-rieda demokratika tal-maġġoranza assoluta tat-tesserata tal-partit Nazzjonalista.

 

 

Debono jippublika l-paga tiegħu biex jagħlaq ħalq Arrigo

Il-kordinatur politiku tal-Partit Nazzjonalista Jean Pierre Debono li jinsab f’nofs kontroversja dwar allegazzjonijiet li tbagħbis f’elezzjoni interna oħra fil-Partit Nazzjonalista, kien imġiegħel jippubblika s-salarju li jdaħħal mill-Partit Nazzjonalista.

Fuq Facebook, Jean Pierre Debono qal li fl-aħħar tax-xahar li għadda huwa daħħal f’idu fix-xahar elfejn, mitejn tmienja u tlettin ewro.

Ammont li skont sorsi fil-Partit Nazzjonalista ma jitwemminx. Fost dawk li ma jemmnux lil Debono hemm il-Viċi Kap Nazzjonalista Robert Arrigo li b’kitbietu ta x’jifehm li jaqla’ ħafna iktar minn hekk. Nifhmu li fl-irwol tiegħu ta’ Viċi Kap Nazzjonalista għall-affarijiet tal-Partit, Robert Arrigo jaf sew kif qed jintefqu l-flus fil-Partit Nazzjonalista.

Fil-fatt fil-laqgħa tal-Eżekuttiv tas-Sibt kien hemm battibekk jaħraq bejn Arrigo u l-koppja Debono.

Quddiem il-membri kollha tal-eżekuttiv, Robert Arrigo qal lil Jean Pierre Debono, “Missek tistħi, iż-żieda li tlabt ma ħadtix?”.

Dan b’referenza għall-paga tajba li Debono qed jitħallas wara li ċeda s-siġġu lil Delia.

Kien hawn li mart Debono u deputat parlamentari Kristy Debono qamet taqbeż għal żewġha iżda Arrigo f’dadigħa liema bħala bilkemm ta ċans tiftaħ ħalqha u qalilha, “You shut up!”

Il-ġlied kompla fuq Facebook, b’Robert Arrigo jgħid li Debono huwa bniedem ħażin li qed jaqla’ pagi kbar ħafna mill-Partit.

B’botta diretta lejn Jean Pierre Debono Arrigo għalaq billi talab għar-riżenja ta’ dak li ddeskriva bħala “xitan”. Saħansitra, Robert Arrigo qabbel lil Jean Pierre Debono u lil martu Kristy Debono ma’ lpup.

Biex jipprova jagħlaq ħalq Arrigo, Debono xerred fuq facebook is-salarju li għandu mill-Partit Nazzjonalista.

B’reazzjoni għall-kritika li dabbar minn bosta partitarji Nazzjonalisti, reġgħet ħarġet taqbeż għalih martu Kirsty Debono.

Fuq Facebook, kitbet li hemm ħafna allegazzjonijiet dwar l-paga li jaqla’ zewġha minn nies fil-Partit Nazzjonalista li għandhom skopijiet ulterjuri.

Delia ma jridx jitlob vot ta’ fiduċja fit-tmexxija tiegħu

Il-Kap Nazzjonalista Adrian Delia tenna li ma jridx jitlob vot ta’ fiduċja fit-tmexxija tiegħu.

Wara l-ikbar telfa elettorali li ġarrab il-Partit Nazzjonalista fl-elezzjonijiet tal-Parlament Ewropew u l-kunsilli lokali, Adrian Delia qal li ma jridx jitlob vot ta’ fiduċja fit-tmexxija tiegħu.

Kien l-eks Prim Ministru u Kap Nazzjonalista Lawrence Gonzi li qal li Delia għandu jieħu t-tmexxija għall-test. Iżda Delia ma jridx jaf u fuq Times Talk ikkonferma li hemm sezzjoni fil-partit li ma tridx taċċetta l-pożizzjoni tiegħu fit-tmexxija tal-partit.

“There’s a section of the party and the electorate which remains reluctant to accept my position in the party. By going for an actual vote of confidence today what do you achieve?”

Adrian Delia reġa’ ħareġ jattakka lid-deputati tal-fazzjoni tal-eks Kap Nazzjonalista Simon Busuttil fosthom Simon Busuttil innifsu, Jason Azzopardi, Karol Aquilina, Chris Said, Beppe Fenech Adami, Therese Comodini Cachia u Claudette Buttigieg.

B’analoġija ma’ team tal-football, Delia qal li mhux kuntent bid-deputati li sab meta laħaq kap u ma jistax jaħdem magħhom.

“A coach needs to actually first choose the players he wants to be with. It’s very difficult for a coach to work with a team he already found there.”

Huwa kompla jattakka l-fazzjoni ta’ Busuttil, u qal li huwa ffrustrat b’dawn id-duputati.

Fl-elezzjonijiet tal-25 ta’ Mejju, Adrian Delia wassal lill-Partit Nazzjonalista għall-ikbar telfiet elettorali.

Quddiem dawn ir-riżultati, il-messaġġ ta’ Delia lin-Nazzjonalisti kien li issa huwa zmien il-Partit Laburista li jirbaħ.

Labour is winning, not Pn its losing. Its time of labour.

 

 

Therese Comodini Cachia attakata min-nies ta’ Delia

Id-deputat nazzjonalista Therese Comodini Cachia qiegħda tiġi attakkatta minn partitarji nazzjonalisti tal-fazzjoni tal-Kap Nazzjonalista Adrian Delia.

Fuq Facebook, Comodini Cachia kitbet li huwa inaċċettabbli li taħt it-tmexxija ta’ Adrian Delia, tkissru l-kredenzjali u r-reputazzjoni tal-Partit. “Aħna nqumu għall-onestà, għad-dinjità u l-ġustizzja u mhux għad-dubji” qalet Comodini Cachia.

Dan qalitu b’rabta mal-aħħar żviluppi fil-Partit Nazzjonalista wara li Jean Pierre Debono allegatament bagħbas il-lista tal-eżekuttiv sabiex jieħu s-siġġu parlamentari ta’ Stellini.

Din id-dikjarazzjoni pubblika ta’ Comodini Cachia ġiet milqugħa mid-Deputati Karol Aquilina u Jason Azzoppardi li t-tnejn ħallewlha like fuq kitbitha.

Iżda Therese Comodini Cachia rċiviet għadd ta’ messaġġi u insulti minn partitarji nazzjonalisti li jappoġġjaw lil Delia.

Partitarju nazzjonalista qal lil Therese Comodini Cachia sabiex iddabbar rasha mill-Partit Nazzjonalista.

“Issa għax qed issibu forza li trid tqaċċatkom mill-għeruq qed tirvillaw. Ma tistawx tniżżluha li n-Nazzjonalisti stess ma jridukhomx aktar. Qiskhom ġurdien maqbud f’kantuniera. Istħu ħassartuh partit. Il-Partit mhux ta’ pseudo Nazzjonalisti. Inthom eletisti li taraw lil kulħadd dubbien. Pero l-poplu tagħkom tweġiba u beżaqkom minn ħaqlu.

Partitarju Nazzjonalista ieħor qalilha – “Jekk mhux qed iġġibu rispett lill-partit, tal-inqas ġibu rispett lin-nies li ivvutawlkom biex int u l-oħrajn tmorru timlew butkom bil-flus fl-Ewropa. Warrbu u ħallu lil min irid vera ġid lill-PN. Dejjaqtuna misskom tistħu.”

Partitarju ieħor mill-fazzjoni ta’ Adrian Delia, appoġġja lil delia u qalilha “Għandek raġun għax ma ħelisx minnek l-ewwel waħda u l-kumplament ta’ sħabek. Istħi.”

Partitarja oħra, li appoġġjat lil Frank Psaila fl-elezzjonijiet tal-Parlament  Ewropew, kitbet lil Comodini Cachia u qaltilha “Qabżet li ttajjar in-nar għall-partit. Għall- facebook biss tajba int u għall-vot. Il-bqija ma tarak imkien.

Wara baraxx ta’ kritika fil-konfront tagħha, Comodini Cachia kitbet li qiegħda tiġi attakkatta.

Qalet li jekk l-uniku tweġiba li għandhom xi jgħidu l-partitarji Nazzjonalista hija dik li jattakkawha, mela vera każ ta’ battalja mitlufa għall-Partit Nazzjonalista. Qalet li dawn għandhom jaħdmu biex iqajmu lill-partit nazzjonalsita fuq saqajh u mhux logħba ta’ nuqqas ta’ rispett lejn xulxin.

B’reazzjoni, partitarju Nazzjonalista weġibha li f’dan il-każ għandha taħdem fil-partit u mhux tisparixxi mix-xena politika kif għamlet u issa ħarġet mill-qoxra biex tkebbes in-nirien.

 

 

 

 

 

 

Delia mhux konvint li Cutajar ħaqqu s-siġġu parlamentari

Il-Kap Nazzjonalista Adrian Delia mhux konvint li l-kandidat Għawdxi Kevin Cutajar ħaqqu jieħu s-siġġu parlamentari ta’ David Stellini.

Wara akkużi ta’ irregolaritajiet fil-votazzjoni tas-Sibt għas-siġġu ta’ Stellini, it-Tnejn filgħodu l-kordinatur politiku tal-Partit Nazzjonalista Jean Pierre Debono bagħat ittra lill-Kap Nazzjonalista Adrian Delia jgħarrfu li ma kienx se jaċċetta s-siġġu parlamentari.

Madankollu, sorsi qrib il-Partit Nazzjonalista qalu li Delia mhux konvint li jrid jagħti s-siġġu parlamentari  lil Kevin Cutajar.

Fil-fatt Adrian Delia talab parir kostituzzjonali biex ikun stabbilit jekk is-siġġu jridx jimtela’ bilfors minn kandidat Għawdxi.

Iżda Kevin Cutajar, sostna li jrid is-siġġu parlamentari ta’ David Stellini.

Fil-fatt huwa kiteb lis-segretarju ġenerali Clyde Puli sabiex jistaqsi kif se jibqa’ għax huwa l-unika persuna li għandu interess fis-siġġu parlamentari. (Clyde Puli / Kevin Cutajar)

Fuq Facebook, Kevin Cutajar kiteb : “Wara d-deċiżjoni tal-bieraħ ta’ Jean Pierre Debono li jirtira l-interess tiegħu li jimla s-siġġu Parlamentari li David Stellini ċeda fuq Għawdex, jiena ktibt lis-Segretarju Ġenerali tal-Partit nazzjonalista biex nitolbu jinfurmani kif ser imexxi l-Partit issa li l-unika Persuna li għadha bl-interess li nimla s-Siġġu Parlamentari imsemmi hi jien. Qed nistenna risposta.”

Kevin Cutajar ġie imbutatt u użat b’saħħa mill-fazzjoni tal-eks Kap Kazzjonalista Simon Busuttil u mid-deputat Nazzjonalista Chris Said sabiex ikun hu li jieħu s-siġġu parlamentari ta’ Stellini.

Manuvra li ħolqot inkwiet ġdid fil-Partit Nazzjonalista tant li l-firda bejn iż-żewġ fazzjonijiet laħqet livelli li fi kliem in-Nazzjonalisti stess il-partit mess il-qiegħ.

Żewġ votanti tal-fazzjoni ta’ Busuttil jiftħu każ il-Qorti kontra l-PN

Il-fazzjoni tal-eks kap Simon Busuttil qabdet żewġ votanti Għawdxin sabiex jippreżentaw protest ġudizzjarju fil-konfront tas-Segretarju Ġenerali tal-Partit Nazzjonalista Clyde Puli sabiex iwaqqfu lil Jean Pierre Debono milli jieħu s-siġġu parlamentari ta’ David Stellini li ġie elett minn Għawdex. Fil-protest ġudizzjarju huma rrimarkaw li Jean Pierre Debono seraq dan is-siġġu lil Għawdxin b’qerq.

sostnew li l-ħadd filgħaxija ġie allegat lil Jean Pierre Debono bagħbas il-lista tal-eżekuttiv tal-Partit Nazzjonalista u daħħal fiha lil David Stellini u lit-tezorier tal-Partit Nazzjonalista David Camilleri sabiex ikunu jistgħu jivvutawlu biex jieħu siġġu ta’ stellini. Filfatt Jean Pierre Debono ħa s-siġġu bi zbrixx b’zewġ voti. Huwa ġab 42 vot u Kevin Cutajar ġab erbgħin vot.

Deputati qrib Simon Busuttil jiktbu li qed jitilfu l-paċenzja

Id-deputat Nazzjonalista Therese Comodini Cachia qiegħda titlef il-pacenzja. Fuq facebook Comodini Cachia kitbet li Inaċċettabbli li tkissru l-kredenzjali u r-reputazzjoni tal-Partit. “Aħna nqumu għall-onestà, dinjità u ġustizzja mhux dubji” qalet Comodini Cachia. Dan qalitu b’rabta mal-aħħar żviluppi li Jean Pierre Debono allegatament bagħbas il-lista tal-eżekuttiv sabiex bi żbrixx ħa siġġu parlamentari ta’ Stellini.

Din id-dikjarazzjoni pubblika ta’ Comodini Cachia ġiet milqugħa mid-Deputati Karol Aquilina u Jason Azzoppardi li t-tnejn ħallew like fuq il-kitba tad-Deputata Nazzonalista.

Ma’ Therese Comodini Cachia ingħaqdet id-deputat nazzjonalista Claudette Buttigiet li ukoll kitbet li qiegħda titlef il-paċenzja. Iz-zejjed huwa zejjed. M’hemmx iktar gideb u aġir dubjuz. Aħna jistħoqilna aħjar. Il-Partit Nazzjonalista jistħoqlu aħjar.

.

 

Jakkużaw lil Debono li bagħbas il-lista tal-eżekuttiv biex jirbaħ is-siġġu ta’ Stellini

Id-deputat Nazzjonalista Jason Azzopardi akkuża lil Jean Pierre Debono li bagħbas il-lista tal-membri tal-eżekuttiv tal-Partit Nazzjonalista biex jieħu s-siġġu parlamentari ta’ David Stellini.

Sorsi qrib il-Partit Nazzjonalista qalu ma’ ONE NEWS li l-lista ġiet imbagħbsa ftit tal-ħin qabel ma’ l-Partit Nazzjonalista sejjaħ laqgħa tal-Eżekuttiv għas-Sibt sabiex jiddeċiedu dwar is-siġġu ta’ Stellini.

One News għandu f’idejh ritratt tas-sistema tal-Partit Nazzjonalista li turi li Jean Pierre Debono daħħal lil David Stellini u lit-teżorier tal-Partit Nazzjonalista David Camilleri f’din il-lista l-Ħamis fl-10:22 ta’ filgħodu.

Malli għamel din il-manuvra l-Partit Nazzjonalista sejjaħ laqgħa tal-eżekuttiv sabiex il-membri jivvutaw għal Debono jew għall-kandidat Nazzjonalista Kevin Cutajar.

Jean Pierre Debono kiseb 42 vot, żewġ voti aktar minn Kevin Cutajr li kiseb 40 vot.

B’reazzjoni għal din il-lista, id-deputat Nazzjonalista Jason Azzopardi kiteb fuq Facebook li din hija l-prova li l-lista ta’ dawk biex jivvutaw ilbieraħ fl-Ezekuttiv għamilha Jean Pierre Debono.

“Daħqu b’Eżekuttiv. Taw vot lil min ma kellux jedd. Riedu jisirqu siġġu ta’ Kevin Cutajar bi FRODI. Dawn mhux Nazzjonalisti. Għajb. Għandkom il-wiċċ tgħidu li ħadd mhu ikbar mill-Partit? Għandkom il-wicc titkellmu fuq l-establishment? BARRA #dawnmhuxnazzjonalisti “, temm jikeb Azzopardi li lbieraħ Delia stqarr li se jibda jinjorah. 

Send this to a friend