Leanne Abela Grech – Page 68 – One News

Leanne Abela Grech

Notifiki

Cirqu du Soleil għall-ewwel darba f’Malta f’Novembru li ġej

Il-kalendarju tal-avvenimenti f’Malta se jkompli jissaħħaħ permezz ta’ produzzjoni teatrali b’fama internazzjonali Cirque du Soleil, li flimkien mal-Awtorità Maltija għat-Turiżmu ffirmaw ftehim għal tliet snin. Hekk issa l-Maltin ukoll se jkollhom l-opportunità jaraw produzzjoni maħduma esklussivament għall-pajjiżna.

Il-produzzjoni ta’ 60 minuta, Vitori, li se titratta storja b’tema taċ-ċess, se tibda fis-27 ta’ Novembru u tibqa sejra sal-20 ta’ Diċembru. Bi 28 preżentazzjonijiet mit-Tlieta sal-Ġimgħa u żewġ preżentazzjonijiet is-Sibt u l-Ħadd. Se jieħdu sehem 25 akrobat u żeffien li se joffru produzzjoni teatrali artistika li uħud minnhom kienu parti mil-preżentazzjoni li saru fl-Oscars u s-Superbowl fl-Amerika.

Il-Ministru għat-Turiżmu, Konrad Mizzi, semma kif l-isem prestiġjużi li jġibu magħhom Cirque du Soleil se jattira turisti ta’ kwalità f’pajjiżna fi żminijiet li ssoltu t-turiżmu ikun ftit aktar kwiet mhux xhur l-oħra tas-sena.

Sid ta’ kumpanija jgħid li Malta se tkun pajjiż mill-aqwa għal-logħob diġitali

Il-Kap Eżekuttiv tal-kumpanija tal-logħob digitali Exient Dave Hawkns, li ilha topera f’Malta għal dawn l-aħħar ħames snin qal li huwa ottimist li jara lil Malta tkompli ssaħħaħ il-pożizzjoni tagħha fil-qasam tal-logħob diġitali.

Is-Sur Hawkins qal dan waqt żjara li s-Segretarju Parlamentari Silvio Schembri għame lill-ħaddiema bħala parti miċ-ċelebrazzjonijiet ta’ Jum il-Ħaddiem.

“Malta can really take the video games sector in the right way. The initiatives that we are starting to hear about are really exciting and if those follow through, I think Malta is going to be an amazing place to develop games”

Is-Segretarju Parlamentari qal li f’Malta hawn ħmistax-il kumpanija tal-logħob diġitali li bejniethom iħaddmu mitejn persuna.

Qal li dan is-settur mistenni jkompli jikber permezz ta’ strateġija għal-logħob diġitali li se titnieda fil-jiem li ġejjin. Qal li din l-istrateġija li ġiet approvata mill-Kabinett se tiġbed aktar kumpaniji lejn Malta. Dan bil-għan li l-impjiegi ta’ kwalità li joffri s-settur jiżdiedu minn mitejn għal elfejn impjieg.

Qal li fil-jiem li ġejjin se jitħabbar isem ta’ kumpanija rinomata f’dan is-settur li mistennija tiftaħ il-bibien tagħha f’Malta.

“Qed nimmiraw li nkomplu nkabbru dan is-settur. Bħalissa dan is-settur jirrapreżenta 0.1 fil-mija tal-ekonomija, l-idea hija li fi żmien għaxar snin dan is-settur jikber 1 fil-mija”

Qal li l-Gvern qed jaħdem mal-Kulleġġ Malti għall-Arti, ix-Xjenza u t-Teknoloġija l-MCAST biex aktar żgħażagħ Maltin jaħtfu l-opportunitajiet li joffri dan is-settur kreattiv.

“Ħa nkunu qed nelevaw dil-kwalità ta’ taħriġ li jsir fuq livell internazzjonali”

Dan ifisser li l-istudenti Maltin se jkunu ppreparati biżejjed biex jaħdmu f’dan is-settur li jħallas tajjeb ħafna.

“Issa jmiss li nagħmlu l-livell li jmiss, li l-Maltin jibdew jibbenefikaw minn din l-industrija”

 

Il-Festival tan-nar fil-Furjana s-Sibt li ġej

Tnediet it-tlettax-il edizzjoni tal-festival tan-nar tal-art imtella’ mill-Kunsill Lokali tal-Floriana lejlet il-festa ta’ San Publiju.

Fil-festival ta’ din is-sena se jieħdu sehem tmien għaqdiet tan-nar b’żewġ biċċiet nar tal-art kull wieħed.

Għall-ewwel darba din is-sena, il-festival se jagħlaq bit-tapit li nħadem nħadem mill-għaqda ħmistax ta’ Awwissu tal-Mosta, ir-rebbieħa tal-festival tas-sena li għaddiet.

Is-Sindku tal-Floriana, Davina Sammut Hili, qalet li l-għeluq tal-festival se jkun wieħed differenti minn dak tas-soltu.

“Ħa jkun hawn ukoll għeluq spettakolari li bla dubju ta’ xejn ħa tattira d-dilettanti kollha tal-pirotekina, kemm Maltin kif ukoll internazzjonali”

Għall-ewwel darba din is-sena wkoll, dan il-festival se jittella’ bil-bis-sehem tal-Awtorità Maltija tat-Turiżmu (MTA).

Lionel Gerada, il-Maniġer tal-attivitajiet tal-awtorità qal li din il-kollaborazzjoni se sservi biex il-Malti u t-turist jingħata spettaklu tan-nar b’mod sħiħ.

“Nemmen li din il-kollaborazzjoni kabbret il-festival u tajna esperjenza sabiħa, kemm għal Malti kif ukoll għat-turist. Li might as well, jekk qed nagħmlu xi ħaġa, nagħmluha xi ħaġa globali u nagħtuha laqta internazzjonali waħda”

Dan l-avventiment annwali, kull sena qed ikompli jiġbed bosta turisti li jkunu jridu jaraw logħob tan-nar li ftit li xejn issib bħalu madwar id-dinja.

Il-Gvern bi strateġija biex l-impjiegi fis-settur tal-logħob diġitali jiżdiedu minn 200 għal 2,500

Is-settur tal-logħob diġitali f’Malta għadu relattivament ġdid, huwa niċċa oħra fejn l-ekonomija Maltija qed tiddiversifika tant li l-Gvern se jkun qed iħabbar strateġija b’rabta ma’ dan is-settur fil-jiem li ġej bil-pjan li fi żmien għaxar snin dan is-settur jikber minn 0.1 fil mija tal-prodott domestiku gross għal 1 fil-mija. Bħalissa hawn 15-il kumpanija topera f’dan is-settur li jħaddmu 200 ħaddiem, iżda bl-istrateġija li għandu fil-pjanijiet tiegħu l-Gvern, il-ħaddiema jitilgħu għal 2500, jiġifieri żieda ta’ aktar minn 100 fil-mija.

Aqra aktar

Iffirmat ftehim li se jistabilixxi viżjoni konġunta għall-Agrikoltura Maltija

Ġie ffirmat ftehim bejn is-Segretarjat għall-Agrikoltura, Sajn u Drittijiet tal-Annimali u l-Università ta’ Malta. Dan il-ftehim se jistabilixxi viżjoni konġunta bejn iż-żewġ entitajiet fuq temi ta’ riċerka applikata fl-agrikoltura.

Fis-Sala tar-Razzett l-Antik, li ġiet inawgurata wara li sar restawr fuqha, is-Segretarju Parlamentari għall-biedja u s-sajd qal li din il-kollaborazzjoni se saħħaħ il-biedja Maltija filwaqt li tidentifika sfidi li jkunu jimmeritaw aktar riċerka fuq livell nazzjonali. Ir-riżultati li joħorġu mir-riċerka se jkunu ppreżentati lill-awtoritajiet biex titfassal politika aħjar f’dan is-settur.

Intant, peremezz ta’ dan il-ftehim, Malta se tkun f’pożizzjoni aħjar sabiex ikunu sfruttati opportunitajiet internazzjonali kif ukoll jinġiebu aktar fondi Ewropej f’oqsma varji tal-biedja. Se tingħata wkoll għajuna fir-rinovar tal-iżvilupp tal-Oenoloġija fil-Buskett.

Iċ-Ċentru Nazzjonali għar-Riċerka u l-Iżvilupp Agrokolu fl-Għammieri se jkun qed joffri l-użu tal-laboratorju. Serrer, għelieqi u taħriġ konġut.

Is-Segretarju Parlamentari Clint Camilleri temm jgħid li dan kollu se jkun qed iżid il-koperazzjoni bejn l-uffiċjali u l-letturi u l-istaff sabiex permezz ta’ dan il-ftehim fl-aħħar mill-aħħar jiggwadanjaw kemm l-istudenti kif ukoll is-settur agrikolu.

Send this to a friend