Eman Portelli – Page 5 – One News

Eman Portelli

Notifiki

Żagħżugħa ssofri ġrieħi wara ħabta bejn żewġ karozzi f’Birkirkara

Mara ta’ 19-il sena minn Ħal Lija weġgħet gravi wara inċident tat-traffiku f’Birkirkara.

Il-każ seħħ għall-ħabta tas-2 ta’ wara nofsinhar fi Triq Dun Karm, Birkirkara. Mill-ewwel investigazzjonijiet tal-pulizija rriżulta li kien hemm ħabta bejn karozza Toyota Vitz misjuqa minn raġel ta’ 22 sena mill-Maċedonja li joqgħod Birkirkara u Toyota Tercel misjuqa minn żagħżugħ ta’ 19-il sena. Fil-karozza maż-żagħżugħ kien hemm tfajla ta’ 19-il sena.

Fuq il-post mar tim mediku li ta l-ewwel għajnuna u ttieħdet l-isptar Mater Dei.

L-investigazzjonijiet tal-Pulizija dwar dan l-inċident għadhom għaddejjin.

ATTENT: Jużaw il-Coronavirus bħala skuża biex jisirqu

F’appell fuq Facebook, il-Korp tal-Pulizija appella lill-pubbliku inġenerali sabiex joqgħod b’seba’ għajnejn għal messaġġi qarrieqa.

Dawn il-messaġġi qarrieqa li qed jintbgħatu lil diversi persuni mingħand persuni anonimi, bl-għan aħħari huwa li jisraq u jieħu d-dettalji personali ta’ dawn il-persuni.

Il-pulizija appellat sabiex ħadd ma jagħti informazzjoni personali lill-messaġġi bħal dawn.

300 parkeġġ ġdid ħdejn il-bajja tal-Għadira

Il-Ministru għat-Trasport, l-Infrastruttura u l-Proġetti Kapitali Ian Borg u l-Ministru għat-Turiżmu u l-Protezzjoni tal-Konsumatur Julia Farrugia Portelli varaw proġett ġdid li se jsir fl-inħawi tal-bajja tal-Għadira. Il-proġett se jsir b’investiment ta’ aktar minn €800,000 mill-iskema eko-kontribuzzjoni tal-Ministeru għat-Turiżmu u l-Protezzjoni tal-Konsumatur u x-xogħlijiet se jiġu implimentati minn Projects Plus Ltd. L-ewwel fażi tal-proġett, li ġiet varata llum, hija parkeġġ ġdid għal dawn l-inħawi.Aqra aktar

Nanna tispiċċa l-qorti wara li xerdet diversi ritratti tan-neputijiet fuq Facebook

Fl-Olanda, nanna spiċċat il-qorti wara li xerdet diversi ritratti tan-neputijiet fuq Facebook mingħajr il-permess tal-ġenituri.

In-nanna spiċċat il-qorti Olandiza wara li kellha diżgwit ma’ bintha, hekk kif in-nanna ma riditx tħassar ir-ritratti li telgħet.

Il-Qorti Olandiza ordnat lin-nanna sabiex tħassar ir-ritratti kollha li telgħet jew inkella tħallaw multa ta’ €50 kuljum jekk ma tagħmilx dak li ordnat il-Qorti.

Joqtol lil missieru waqt konverżazzjoni virtwali ma’ għoxrin persuna oħra

F’New York, Dwight Powers, raġel ta’ 72 sena nqatel minn ibnu ta’ 32 sena b’diversi daqqiet ta’ sikkina waqt li kienu f’konverżazzjoni virtwali ma’ għoxrin persuna oħra.

L-iben, Thomas Scully-Powers inqabad immedjatament mill-pulizija tal-lokal, hekk kif dawk fil-konverżazzjoni żammewh bil-kliem, filwaqt li ċemplu l-pulizija. Il-motiv għal dan il-qtil għadu mhux magħruf u Scully-Powers qed jinżamm arrestat b’akkuża tal-qtil ta’ missieru .

Żewġ żgħażagħ arrestati wara li nqabdu bid-droga

Ġuvni ta’ 22 sena mill-Ħamrun u tfajla ta’ 21 sena minn Ħaż-Żebbuġ ġew arrestati mill-pulizija wara li nqabdu bid-drogi.

Il-każ seħħ għall-ħabta tas-7 tal-Ħamis filgħaxija meta l-Pulizija mill-Iskwadra ta’ Kontra d-Drogi ċċirkondaw il-karozza li kienu fiha ż-żewġ żgħażagħ fi Triq ix-Xatt, il-Gżira.

Mit-tfittxija li għamlet il-pulizija sabet 50 pakkett suspettata droga sintetika, kif ukoll ammont konsiderevoli ta’ flus kontanti.

Dawn iż-żewġ żgħażagħ kienu qed joqogħdu f’kamra f’lukanda fl-istess akwati li ġew arrestati. Fi tfittxija li għamlet il-pulizija f’din il-kamra nstabet sustanza suspettata ħaxixa tal-kannabis, miżien u affarijiet oħra relatati mad-droga.

L-investigazzjonijiet tal-Pulizija dwar dan il-każ għadhom għaddejjin.

Imut Gigi Simoni – eks kowċ ta’ Inter

L-eks kowċ tat-tim ta’ Taljan, Inter miet il-Ġimgħa, fl-età ta’ 81 sena.

Tul il-karriera tiegħu ma’ Inter, Simoni rebaħ l-UEFA Cup fl-1998. Fl-istess sena huwa rebaħ l-aqwa kowċ tas-sena, minkejja li spiċċaw it-tieni taħt Juventus.

Huwa mexxa wkoll lit-timijiet ta’ Genoa, Brescia, Pisa u Lazio, fost oħrajn. Tul il-karriera tiegħu, bħala footballer lagħab ma’ Napoli, Torino u Juventus.

Send this to a friend