Eman Portelli – Page 124 – One News

Eman Portelli

Notifiki

Tinsteraq waħda mis-siġar taż-Żnuber li tħawlu din il-ġimgħa fit-Telgħa tas-Saqqajja

F’inqas minn 24 siegħa wara li tħawlu aktar minn 100 siġra taż-Żnuber fit-Telgħa s-Saqqajja, xi persuna jew persuni mhux magħrufa, serqu waħda minn dawn is-siġar.

Dawn is-siġar tħawwlu l-Ħamis filgħodu sabiex ibiddlu lil dawk is-siġar li kienu mietu qabel u qatt ma ġew mibdula. Flok din is-siġra li nsterqet, se tkun qed titwaħħal siġra oħra taż-Żnuber.

Dan qalu l-Ministru tat-Transport u Infrastruttura Ian Borg fuq Facebook dan sabiex pajjiżna jkollu infrastruttura sostenibbli u ambjent aħjar.

Partitarji Ħamruniżi jfakkru l-memorja ta’ Jean Paul Bonett

Il-Ġimgħa filgħaxija, waqt il-logħba partitarji ta’ Ħamrun Spartans kontra Gżira United fakkru l-memorja ta’ Jean Paul Bonett. Bonett huwa r-raġel li tilef ħajtu b’mod traġiku l-Ħamis f’maħżen tal-Karnival fil-Marsa.

Il-partitarji Ħamruniżi ħallew siġġu vojt u tefaw ritratt ta’ Jean Paul, filwaqt li tefaw bukkett tal-fjuri quddiemu. Bonett li kien mill-Ħamrun kien attiv ħafna fil-kommunità ta’ din il-lokalità.

Il-logħba bejn Ħamrun Spartans u Gżira United spiċċat fi draw ta’ mingħajr gowls.

AĠĠORNAT: Sewwieq ta’ mutur fil-periklu tal-mewt wara ħabta f’Għajnsielem

Sewwieq ta’ mutur ta’ 59 sena mix-Xagħra jinsab fil-periklu tal-mewt wara ħabta bejn ħames karozzi f’Għajnsielem. Mara ta’ 46 sena mill-Għarb ttieħdet l-isptar Ġenerali t’Għawdex wara li qed isoffri minn xokk qawwi.

L-inċident seħħ għal ħabta tal-15:45 fi Triq l-Imġarr, Għajnsielem meta kien hemm ħabta bejn żewġ karozzi tat-tip Hyundai i20 misjuqa minn raġel Ukren ta’ 44 sena li jogħqod l-Ukrajna u Toyota Vitz li kienet misjuqa mill-mara mill-Għarb. Filwaqt li l-mutur involut f’dan l-inċident kien tal-għamla Triumph Tiger Explorer XC.

B’konsegwenza ż-żewġ karozzi u muturi daħlu f’żewġ karozzi oħra tat-tip Nissan Micra u Toyota Prius li kienu pparkjati fit-triq.

Dwar dan il-każ ġiet infurmata l-Maġistrat tal-Għassa Dr. Bridgette Sultana li ħatret diversi esperti sabiex jassistuh fl-Inkjesta li ġiet appuntata. L-investigazzjonijiet tal-pulizija dwar dan il-każ għadhom għaddejin.

Jitħassru l-attivitajiet kollha tal-Karnival tas-Sajf fi tmiem il-ġimgħa

Il-Ministeru għall-Ġustizzja, Kultura u Gvern Lokali flimkien ma’ Festivals Malta, juru sogħba għat-telfa traġika ta’ Jean Paul Bonett u jesprimu solidarjetà mal-familja u ħbieb tiegħu.

Jean Paul Bonett kien wieħed mill-aħjar artisti fis-settur tal-karnival tant li għal ħafna żmien kien leader ta’ waħda mill-kumpaniji ewlenin.

L-attivitajiet kollha ippjanati għal dan it-tmiem il-ġimgħa tal-Karnival tas-Sajf mhux se jsiru.

Informazzjoni oħra tingħata aktar tard.

Filmat: Raġel ta’ 45 sena jitlef ħajtu b’xokk f’maħżen tal-karnival fil-Marsa

Id-dilettanti tal-Karnival maħsuda bil-mewta traġika ta’ Jean Paul Bonett

Jean Paul Bonett, ta’ 45 sena mill-Ħamrun huwa r-raġel li miet fil-maħżen tal-Karnival fil-Marsa. Bonett jew kif inhu magħruf bħala ċ-Chippy miet wara li ħa xokk waqt li kien qed jaħdem fuq karru tal-karnival.

Bonett huwa attiv ukoll fil-festa ta’ San Gejtanu hekk kif huwa wieħed mir-reffiegħa tal-istatwa ta’ San Ġejtanu.

Filmat: Raġel ta’ 45 sena jitlef ħajtu b’xokk f’maħżen tal-karnival fil-Marsa

Aktar minn 10 kumpaniji Maltin tal-video games u e-sports jesebixxu x-xogħol tagħhom ġewwa Gamescom, il-Ġermanja

Is-Segretarju Parlamentari Għas-Servizzi Finanzjarji, Ekonomija Digitali u Innovazzjoni Silvio Schembri qed imexxi delegazzjoni ta’ kumpaniji tal-videogames u e-sports ġewwa Cologne fil-Ġermanja fejn permezz ta’ GamingMalta qed jesebixxu x-xogħol tagħhom f’Gamescom, l-akbar fiera Ewropea tal-video games u e-sportsAqra aktar

Raġel jindarab bi ġrieħi gravi wara li sofra xi ħruq f’Wied il-Għajn

Sirjan ta’ 25 sena, li jogħqod Wied il-Għajn qed isofri minn ġrieħi ta’ natura gravi wara li sofra minn xi ħruq.

L-inċident seħħ għal ħabta tal-11:20 tal-Ħamis filgħodu fi Triq is-Sibbien Wied il-Għajn, meta s-Sirjan sofra xi ħruq ħruq ikkawżati minn fjamma li ħarġet waqt li kien qed ibiddel ċilindru tal-gass.

Ir-raġel ittieħed l-isptar Mater Dei għal aktar kura, filwaqt li l-investigazzjonijiet tal-pulizija għadhom għaddejja.

Send this to a friend