Matul l-ispezzjonijiet li qed isiru ta’ kuljum waqt rondi tal-pulizija minħabba l-imxija tal-Coronavirus, matul il-jum tal-Ġimgħa ħadd ma nstab jikser din il-liġi.
Kull min jinstab jikser din il-liġi, jiġifieri jkunu fi gruppi ta’ erbgħa jew aktar jeħlu multa ta’ mitt ewro kull wieħed.
Il-Parlament Ewropew approva pakkett finanzjarju ta’ €3.08 biljun bil-għan li jgħin b’mod dirett is-sistemi tas-saħħa tal-pajjiżi membri stati fl-Unjoni Ewropea.
Dawn il-fondi se jkunu qegħdin jintużaw għall-provisti mediċi, bħal maskri u tagħmir respiratorju, tagħmir mediku tat-transport u sabiex tgħin lit-tobba u lill-infirmiera.
Dan il-pakkett jinkludi wkoll fondi sabiex jiffinanzja titjiriet ta’ ripatrijazzjoni sabiex persuna tkun tista’ tmur lura f’pajjiżha.
Fl-aħħar 24 siegħa, fir-Renju Unit mietu 847 persuna. Dan l-ammont tal-illum wassal biex l-ammont totali ta’ vittmi f’dan il-pajjiż laħqu għal aktar minn 14,000 persuna.
Fir-Renju Unit, il-każijiet ta’ Coronavirus ihuma maqsumin b’dan il-mod:
Fir-Renju Unit b’kollox hemm 108,692 persuna nfettati bil-COVID-19.
Abdiqani Omar Abdillahi ta’ 30 sena u Najah Said Mohamed ta’ 24 sena mwielda s-Somalja, li joqogħdu ż-Żebbug Għawdex ntbgħatu tmien xhur ħabs kull wieħed wara li ammettew li serqu raġel.
Il-każ ġara fis-27 ta’ Jannar għall-ħabta tat-8 ta’ filgħaxija, meta serqu anqas minn €233 u attakkaw b’ħadida Somalu ta’ 24 sena, meta kien miexi Marsalforn.
Tlett irġiel li għandhom 29 sena, 27 sena u 26 sena mir-Rabat u l-Mosta u mara ta’ 55 sena mill-Mosta ġew arrestati wara li nqabdu bid-droga.
Din il-qabda saret b’ħidma konġunta bejn erba’ taqsimiet differenti tal-Korp tal-Pulizija. Għal diversi jiem, il-pulizija mill-Iskwadra ta’ Kontra d-Droga bdew isegwu l-movumenti ta’ persuni suspettati li qed jittraffikaw id-droga.
Fl-aħħar sigħat, il-Pulizija mill-Iskwadra ta’ Kontra d-Droga, flimkien mis-Sezzjoni tal-Klieb u mill-Pulizija mid-Distretti tal-Ħamrun u tal-Mosta wettqu tfittxijiet f’residenzi, f’għelieqi, f’diversi rziezet u anke f’vetturi fil-Ħamrun, ir-Rabat u l-Mosta.
Waqt dawn it-tfittxijiet il-Pulizija sabet madwar tliet kilogrammi droga, suspettata ħaxixa tal-kannabis.
Il-Maġistrat tal-Għassa Dr Charmaine Galea qed tmexxi Inkjesta Maġisterjali rigward dan il-każ.
Mosti ta’ 47 sena weġġa’ gravi fuq il-post tax-xogħol fil-Mosta.
Il-każ seħħ għall-ħabta tal-ħdax tal-Ġimgħa filħgodu fi Triq il-Ballut il-Mosta, meta xi folji tal-ħġieġ li kien qiegħed iħott waqgħu u weġġa’.
Immedjament fuq il-post mar tim mediku li ta l-ewwel għajnuna lil Mosti, filwaqt li l-ambulanza ħaditu l-isptar Mater Dei.
Bil-każ ġie nfurmat il-Maġistrat tal-Għassa Dr Joseph Mifsud, li ordna li ssir inkjesta u ħatar diversi esperti sabiex jassistuh.
ONE News jinsab infurmat li għall-ħabta tat-2:45 ta’ wara nofsinhar seħħ argument bejn numru ta’ persuni quddiem iċ-Ċentru tas-Saħħa f’Raħal il-Ġdid.
Numru ta’ pulizija, minn tad-Distrett u tar-Rapid Intervention Unit marru fuq il-post sabiex jikkontrollaw is-sitwazzjoni.
Fortunatament f’dan l-argument ma’ weġġa’ ħadd.
Raġel ta’ 30 sena li jgħix San Pawl il-Baħar weġġa’ gravi wara li kien li kellu inċident bil-mutur f’San Ġwann.
Il-każ seħħ għall-ħabta tad-disgħa u nofs ta’ dalgħodu fi Triq il-Babal, limiti ta’ San Ġwann meta kien hemm ħabta bejn mutur tat-tip Peugeot Tweet u karozza tal-għamla BMW M235i, li kienet qed tinstaq minn raġel ta’ 30 sena li joqgħod San Ġwann.
Immedjament fuq il-post mar tim mediku li ta l-ewwel għajnuna lis-sewwieq tal-mutur, filwaqt li ttieħed l-isptar għall-kura meħtieġa.
L-investigazzjonijiet tal-Pulizija dwar da l-inċident qed jitmexxew mill-Pulizija tad-Distrett.
Il-Kommunità tal-Fgura tinsab imniekta bil-mewt ta’ Nazzaren Farrugia jew kif inhu magħruf Zaren is-Superjur, li miet fl-età ta’ 77 sena. Huwa miet fl-ewwel Erbgħa tal-Madonna tal-Karmnu, il-padruna għal qalb Nazzaren. Aqra aktar
Beda l-proġett tar-restawr tar-Ridott ta’ San Ġorġ f’Birżebbuġa, wara ġimgħat ta’ ppjanar akkurat.
Din il-ħidma qed issir mid-Direttorat tar-Restawr u huwa proġett li ġie magħżul taħt l-iskema ta’ Restawr għall-Kunsill Lokali.
Send this to a friend
