Is-Sibt 16 ta’ Mejju minflok is-serata finali tal-Eurovision Song Contest ħa jsir programm spettakolari bl-isem ta’ “Eurovision: Europe Shine A Light”. Dan ix-show, li mhux se jkun fih il-kompetizzjoni li nafu s-soltu, se jkun qed iwassal programm ta’ sagħtejn fejn se jonora lill-41 kantant u kanzunetta li kellhom jippreżentaw lil pajjiżhom f’Mejju li ġej. Aqra aktar
Residenti f’dar tal-anzjani fil-Furjana, permezz ta’ ritratti fuq Facebook irringrazzjaw lill-Poplu Malti li qed jisimgħu mill-appell tal-awtorijiet tas-saħħa, sabiex jibqgħu ġewwa.
Fost il-messaġġi, hemm dawk pożittivi u ta’ tama … li wara l-maltemp jiġi bnazzi.
Fl-Italja, fl-aħħar 24 siegħa mietu 837 persuna bil-Coronavirus. Fl-aħħar 24 siegħa l-każijiet ġodda fl-Italja ta’ dan il-virus żdiedu b’4,053 f’temp ta’ ġurnata.
Biex b’hekk fl-Italja hemm mietu b’kollox mietu 12,428 u l-każijiet laħqu l-105,792.
Matul il-ġurnata tat-Tlieta, festa nazzjonali tmien persuni weħlu multa ta’ €100 għal dawk li kienu fi gruppi t’aktar minn tlieta.
Fl-ewwel ġurnata minn mindu daħlet fis-seħħ din il-liġi, il-pulizija għamlu diversi rondi madwar diversi żoni madwar Malta, fosthom fl-Armier, l-Aħrax tal-Mellieħa, Tas-Sliema, Wied il-Għajn u l-Belt Valletta, fost ħafna oħrajn.
Din il-multa daħlet fis-seħħ f’avviż legali li daħal ilbieraħ filgħaxija, fejn gruppi ta’ aktar minn 3 persuni jiġu mmultati €100 kull persuna.
Sitt persuni weħlu multa ta’ €3000 kull wieħed wara li kisru l-kwarantina. Dan hekk kif fl-aħħar 24 siegħa saru 417 spezzjoni madwar Malta u Għawdex.
Dawn l-ispezzjonijiet saru mill-pulizija flimkien mad-Dipartiment tas-Saħħa u l-Protezzjoni Ċivili.
Mindu bdew isiru l-ispezzjonijiet s’issa l-awtoritajiet ħarġu 49 multa għal ksur tal-kwarantina mandatorja.
Il-multa ta’ dawk li jiskru l-kwarantina obligatorja hija ta’ €3000 għal kull persuna.
Fir-Renju Unit, matul il-ġurnata tat-Tlieta 393 persuna tilfu ħajjithom bil-Coronavirus. Dan kien l-akbar ammont irreġistrat f’ġurnata f’dan il-pajjiż.
B’hekk s’issa mietu 1,801 persuna madwar ir-Renju Unit, kemm ilha li bdiet din il-pandemija.
Il-Ministru għat-Trasport u Infrastruttura Ian Borg fuq il-midja soċjali qal li bħalissa għaddej xogħol importanti fuq korsija ġdida fil-Marsa-Ħamrun. Din il-korsija se tkun qed tieħdok mill-bypass għall-Ħamrun.
Il-Ministru Borg qal kif l-għan ta’ din il-korsija hija li jitnaqqas it-traffiku ħalli jibqgħu mexjin mingħajr probelmi. Din il-korsija se tkun qed tgħin lil dawk li sejrin Ħal Qormi, hekk kif wara li jitlesta dan il-proġett, m’humiex se jistennew aktar wara dawk li jridu jmorru lejn il-Ħamrun.
Huwa temm il-messaġġ tiegħu fuq il-midja soċjali li din hija l-effiċenzja li qed taħdem għaliha l-aġenzija Infrastruttura Malta fit-toroq Maltin.
Il-Kunsill Lokali tas-Siġġiewi ħabbar li tħassret il-Mixgħela annwali li ssir kull nhar Ħamis ix-Xirka. Din se tkun qed titħassar minħabba l-imxija tal-Coronavirus.
Fuq il-midja soċjali, il-Kunsill Lokali tas-Siġġiewi qal li b’turija ta’ rispett lejn dan il-żmien, is-Salib fuq tal-Għolja se tinxtegħel bil-floodlights. Minkejja dan, il-kunsill qed jitlob lin-nies biex ħadd ma jersaq lejn l-għolja dakinhar ta’ Ħamis ix-Xirka u appella sabiex kulħadd jisma’ mir-regolamenti tal-awtoritajiet tas-saħħa.
Kienet l-akbar festa li qatt rat Malta.
Hekk ried il-Perit Mintoff u hekk sar kif jispjega l-eks segretarju privat ta’ dak li kien il-Prim Ministru ta’ Malta li ġab il-kisba tal-ħelsien, 41 sena ilu.Aqra aktar
Send this to a friend
