Edward Montebello

Notifiki

Il-PM jżur il-Camarata u jgħid li f’pandemija tajna lil kulħadd u ma ħadna lil ħadd

“Kull fejn dort illum madwar Malta u Għawdex sibt Maltin u Għawdxin determinati li jerġgħu jaqbdu t-triq ta’ normalità.”

Hekk qal il-Prim Ministru fil-bidu ta’ indirizz qasir meta żar iż-żona residenzjali tal-Camarata fil-Belt, f’Jum il-Ħaddiem.Aqra aktar

Michel Rizzo jissospendi lilu nnifsu minn tat-Times

Id-Direttur Maniġerjali tal-Allied Newspapers Michel Rizzo ssospenda lilu nnifsu wara li lbieraħ tressaq il-Qorti b’arrest mixli b’ħasil ta’ flus u frodi fost oħrajn.

Fi stqarrija, Allied Group, il-kumpanija responsabbli mill-pubblikazzjoni tal-gazzetta The Times, qalet li kienet sorpriża li lbieraħ ittieħdet id-deċiżjoni li d-Direttur Maniġerjali tagħha u l-kumpanija Progress Press jitressqu l-Qorti mixlija b’akkużi kriminali.Aqra aktar

Jinħatar biex jirrappreżenta lis-Soċjalisti fi proċess importanti Parlamentari wara l-pandemija

L-Ewro Parlamentari Laburista Alex Agius Saliba nħatar biex jirrappreżenta lill-grupp tas-Soċjalisti u d-Demokratiċi fi proċess ġdid ta’ riflessjoni “Il-Parlament wara l-pandemija.”

Il-President tal-Parlament Ewropew, David Sassoli, nieda din l-inizjattiva biex tinħoloq riflessjoni wiesgħa mill-qiegħ dwar “Reviżjoni tad-Demokrazija tal-Parlament – Parlament Ewropew aktar b’saħħtu wara Covid-19.”

Fi stqarrija Dr Agius Saliba qal li jħossu onorat li nħatar u ġie fdat mill-grupp politiku tiegħu biex jirrappreżenta lis-Soċjalisti u d-Demokratiċi f’dan il-proċess ta’ riforma importanti.

Saħaq li hu jemmen li din hija opportunità biex immexxi ‘l quddiem ideat li jistgħu jwasslu għal Parlament aktar reżiljenti u effettiv li jkun ukoll imħejji aħjar biex jittratta kriżijiet jew avvenimenti futuri.

Il-Maltin għandhom ferm iżjed fiduċja fil-Gvern tagħhom mill-popli Ewropej – stħarriġ tal-Ewrobarometru

Studju tal-Ewrobarometru juri ċifri pożittivi ħafna fil-fiduċja tal-Maltin fl-istituzzjonijiet bħal ma huma l-Gvern u anki l-Parlament.

Dan meta mqabbel mal-medja Ewropea.

Fil-fatt 49% tal-Maltin, kważi nofs il-popolazzjoni għandha fiduċja fil-Gvern Malti, skont l-istħarriġ tal-Ewrobarometru kkummissjonat mill-Kummissjoni Ewropea.

Il-medja tal-pajjiżi Ewropej hija 36%.Aqra aktar

Send this to a friend