Edward Montebello

Notifiki

Neil Agius jagħmilha minn Linosa għal Malta u jwaqqaf rekord dinji

Neil Agius irnexxielu jwaqqaf rekord dinji u għam 130 kilometru mill-gżira ta’ Linosa, viċin Lampedusa sa Malta.

L-Erbgħa filgħaxija, l-għawwiem Malti wasal fil-bajja tax-Xlendi, milqugħ minn nies li tawh l-appoġġ fl-inizjattiva tiegħu ‘Wave of Change’, li tqajjem kuxjenza ambjentali u l-użu tal-plastik, li jagħmel ħsara l-ħajja fil-baħar.

Neil Agius sar l-ewwel għawwiem fid-dinja li għam dik id-distanza twila waħdu mingħajr assistenza f’baħar miftuħ.

Wara li ġie eżaminat u nstab li kien f’qagħda tajba wara għawma mimlija sfidi fosthom kurrenti tal-baħar, Neil fetaħ flixkun tax-xampanja.

Dan għamlu ftit wara li kien ilu mat-52 siegħa jgħum fil-baħar.

Intant b’rabta ma’ din l-għawma, il-Prim Ministru Robert Abela awgura lil Neil Agius u fisser l-għawma tal-għawwiem Malti bħala waħda li tixhed id-determinazzjoni, il-kuraġġ u l-perseverazzjoni.

Anki l-President ta’ Malta George Vella feraħ lil Neil Agius u spjega kif jammira r-reżiljenza li wera Neil. Qal li jittama li l-għawma ta’ Neil Agius tqanqal iżjed kuxjenza dwar l-użu tal-plastik madwar id-dinja.

Il-Gvern se jibda jħallas ukoll il-mediċini marbuta mal-IVF… l-ebda ċenteżmu mħallas mill-koppji

Minn wara l-budget li se jkun ippreżentat għas-sena d-dieħla, l-ispejjeż marbuta mal-mediċini tal-IVF, li jammontaw għal €3,500 se jkunu koperti mill-Gvern ukoll biex b’hekk kull spiża marbuta mal-IVF se tkun merfugħa mill-Gvern u l-koppji ma jħallsu assolutament xejn.Aqra aktar

BIL-FILMAT: Neil Agius jibda l-għawma bejn Linosa u Malta

L-għawwiem Malti Neil Agius illum ta bidu għall-għawma bejn il-gżira Linosa li tinsab viċin it-Tuneżija a sa Malta.

Permezz ta’ din l-għawma Agius qed jipprova jikser ir-rekord dinji tal-itwal għawma fil-miftuħ b’tul ta’ 153km.

L-għawma mistennija ddum bejn 50-55 siegħa, mingħajr waqfien.

Oriġinarjament, Agius kien se jgħum bejn it-Tuneżija sa Malta, iżda mbagħad inbidlu l-pjanijiet u r-rotta.

Din l-għawma hija parti mill-kampanja Wave of Change, li l-għan tagħha hu li toħloq aktar kuxjenza fuq l-użu tal-plastik madwar id-dinja.

Send this to a friend