Edward Montebello

Notifiki

Serb se jiġi mixli bi qtil ta’ tliet snin ilu f’Għawdex… sitt snin ilu xellef difrejh mal-ġustizzja

Fis-sigħat li ġejjin mistenni jitressaq il-Qorti s-Serb mixli bi qtil li seħħ tliet snin ilu f’Għawdex.

Sorsi qrib ONE News qalu li possibilment is-Serb bl-isem ta’ Aleksandar Stojanovic jitressaq illum quddiem il-Qorti t’Għawdex.

Fl-aħħar jiem il-pulizija għamlet passi ta’ ġgant fuq każ ta’ qtil ta’ Eġizzjan li seħħ fil-15 ta’ Jannar tal-2018.

Stojanovic għandu 42 sena u mhux l-ewwel darba li xellef difrejh mal-ġustizzja.

Sitt snin ilu huwa kien ġie kkundannat għal disa’ xhur ħabs wara li seraq bosta oġġetti minn Land Rover ipparkjata f’San Ġiljan.

Dak iż-żmien kien intqal li l-oġġetti misruqa, fosthom mobiles, kienu jammontaw għal valur ta’ €1,200.

Intant fl-aħħar sigħat nifhmu li l-Pulizija mill-Iskwadra tal-Omiċidji kienet qed tkellem lis-Serb b’rabta mal-omiċidju ta’ tliet snin ilu f’Għawdex, li kien għadu mhux solvut.

Il-vittma f’dan il-każ kien Walid Salah Abdel Motaleb Mohamed, Eġizzjan ta’ 42 sena.

Il-vittma kellu żewġ itfal u kien miżżewweġ Għawdxija.

Motaleb Mohamed kien instab bla ħajja kawża ta’ żewġ tiri ġewwa kamra qrib il-kappella ta’ San Dimitri fl-Għarb.

Intant il-pulizija sejħet għal konferenza tal-aħbarijiet fis-siegħa neqsin kwart ta’ waranofsinhar u nifhmu li l-pulizija mistennija tagħti dettalji b’rabta ma’ dan l-omiċidju.

Din il-konferenza stampa miftuħa għall-ġurnalisti se ssir id-Depot.

 

Destiny se tkanta fl-ewwel nofs tal-finali tal-Eurovision

Destiny se tkun qed tkanta fl-ewwel nofs tal-finali tal-Eurovision Song Contest tas-Sibt li ġej.

Dan sar magħruf permezz ta’ polza f’konferenza tal-aħbarijiet li saret f’Rotterdam illejla wara li Malta kwalifikat għall-finali.

Fl-istess konferenza tal-aħbarijiet, l-ambaxxatriċi Maltija għaddiet messaġġ b’saħħtu favur l-emanċipazzjoni tan-nisa.

Qalet li l-kanzunetta ‘Je me Casse’ għandha messaġġ li jista’ jirreleta miegħu kulħadd.

Mistoqsija kif tħossha issa, li skont id-djar tal-imħatri qabżet fit-tieni post wara l-Italja, Destiny qalet li hija tħossha onorata li hija finalista tal-Eurovision Song Contest.

AQRA WKOLL

Destiny twassal lil Malta għall-finali tal-Eurovision Song Contest

Destiny twassal lil Malta għall-finali tal-Eurovision Song Contest

https://www.youtube.com/watch?v=uUElgja4B9w

Malta għaddiet għas-serata finali tal-Eurovision Song Contest tas-Sibt 22 ta’ Mejju wara li llejla ġiet mal-ewwel għaxar postijiet fis-semifinali.

B’wirja eċċezzjonali u kunfidenti għall-aħħar, l-ambaxxatriċi Maltija Destiny tat preżentazzjoni spettakolari tal-kanzunetta ‘Je Me Casse’.

Destiny kantat fis-sittax-il pożizzjoni u għalqet il-kompetizzjoni tal-lejla li fiha vvutat il-ġurija u l-pubbliku.

Flimkien ma’ Malta kkwalifikaw in-Noverġja, l-Iżrael, ir-Russja, l-Ażerbajġan, il-Litwanja, Ċipru, l-Iżvezja, il-Belġju u l-Ukrajna.

Il-Ħamis se jikkompetu sbatax-il pajjiż ieħor fejn għaxar pajjiżi oħra jingħaqdu mal-finalisti l-oħra.

Issa li ntemmet l-ewwel serata, mistennija ssir konferenza tal-aħbarijiet bil-kantanti li kkwalifikaw għall-finali u jsir magħruf f’liema parti tal-finali se tikkompeti Malta.

AQRA WKOLL

Destiny se tkanta fl-ewwel nofs tal-finali tal-Eurovision

L-Ispeaker jinnota żball kardinali minn Hyzler

F’laqgħa tal-Kumitat tax-Xogħol tal-Kamra, l-Ispeaker Anġlu Farrugia nnota kif il-Kummissarju għall-Istandards fil-Ħajja Pubblika, George Hyzler ma kellux ikompli jinvestiga l-każ ta’ erba’ ġurnalisti li kienu allegaw li tliet persuni żammewhom kontra l-volontà tagħhom f’Kastilja fis-sigħat bikrin tad-29 ta’ Novembru tal-2019.

Aqra aktar

Illejla Destiny tikkompeti fl-ewwel semifinali tal-Eurovision Song Contest

Illejla l-ambaxxatriċi Maltija għall-Eurovision Song Contest, Destiny, se tkun qed tirrappreżenta lil pajjiżna fl-ewwel semifinali.

Hija se tkun qed tkanta l-kanzunetta ‘Je me Casse’ fis-sittax-il pożizzjoni (l-aħħar kanzunetta), bit-tama li llejla tagħmilha mal-ewwel għaxra u b’hekk tgħaddi għas-serata finali tas-Sibt li ġej.

F’Ahoy Arena f’Rotterdam l-Olanda, ilbieraħ Destiny kellha żewġ provi ġenerali fejn fit-tieni waħda vvutat il-ġurija, li għandha nofs il-piż tar-riżultat sħiħ.

Aqra aktar

Il-Ministru Carmelo Abela jgħid li mar minn jeddu jagħti stqarrija d-Depot u reġa’ ċaħad l-allegazzjonijiet foloz

Illejla l-Ministru Carmelo Abela mar id-Depot fejn ta stqarrija u reġa’ ċaħad bl-iktar mod qawwi allegazzjonijiet li qed isiru fuqu minn Jason Azzopardi, li hu kien involut fl-attentat ta’ hold-up fuq il-bank HSBC ħdax-il sena ilu.

Fuq il-paġna tiegħu fuq facebook, il-Ministru Carmelo Abela qal li għamel stqarrija dwar kalunja fil-konfront tiegħu.

Spjega li lill-pulizija preżentalha kopja tad-dikjarazzjoni bil-ġurament li diġà kien ipreżenta fil-Qorti fil-kawża ta’ libell kontra Jason Azzopardi.

Il-Ministru Abela innota li minkejja li bdew il-proċeduri tal-libell u Jason Azzopardi kellu sal-lum biex jippreżenta r-risposta tiegħu, dan baqa’ ma rrispondiex.

Il-Ministru Carmelo Abela spjega li minbarra li ta dan id-dokument lil Pulizija, huwa esprima d-disponibbiltà tiegħu li jikkopera bis-sħiħ biex inneħħi kwalunkwe dubju dwaru u biex toħroġ il-verità sħiħa.

Il-Ministru Carmelo Abela sfida lil Jason Azzopardi biex jagħmel bħalu u hu wkoll imur għand il-pulizija ladarba għoġbu jagħmel l-allegazzjonijiet.

Hawnhekk il-Ministru staqsa għalfejn Jason Azzopardi għadu sal-lum il-ġurnata ma stqarrx mal-Pulizija dak li qed jallega u baqa’ sieket.

Saħaq li hu jistenna li f’kull każ, il-pulizija tibgħat għalih minnufih u tinterrogah.

Żied jgħid li min għamel din il-gidba tiegħu, primarjament il-Kap tal-Oppożizzjoni għandu jerfa’ r-responsabbiltà sħiħa flimkien mad-deputat Jason Azzopardi.

Carmelo Abela saħaq li t-tnejn li huma urew fl-aħħar ġimgħat li lesti jassoċjaw ruħhom fl-istrateġiji tal-kriminali biex jilħqu l-għanijiet politiċi tagħhom.

Temm jgħid li hu minn dejjem laqa’ kull investigazzjoni li se tikkonferma li hemm kalunja u konġura fil-konfront tiegħu.

Send this to a friend