Fis-salott ta’ daru, Raymond Sant jinsab jinnamra mal-mużika waqt li qed iqatta’ l-ħin id-dar. L-imxija tal-coronavirus tatu l-ħin kollu tad-dinja sabiex idoqq id-diversi strumenti li għandu u jħażżeż il-melodiji. Aqra aktar
Proġett ta’ €12-il miljun se jkun qed iżid l-effiċjenza tar-reverse osmosis f’pajjiżna
Proġett ta’ 12-il miljun ewro se jkun qed iżid l-effiċjenza tar-reverse osmosis f’pajjiżna.
Hekk spjega l-ministru għall-Enerġija u l-Immaniġjar tal-Ilma, Michael Farrugia waqt żjara li għamel lil madwar il-dsatax-il ħaddiem fl-impjant ta’ Pembrok.. Dan huwa l-ikbar impjant f’Malta li jipproduċi madwar 30% tal-ilma tax-xorb. Madwar 60% tal-ilma tax-xorb li tipproduċi l-Korporazzjoni għas-Servizzi tal-Ilma ġej mill-impjanti tar-Reverse Osmosis li jbiddlu l-ilma baħar f’ilma ħelu. Aqra aktar
L-UE se terfa’ l-ispiża għall-aħħar salvataġġ ta’ immigranti li ġew trasferiti fuq vapur barra minn pajjiżna
Waqt konferenza tal-aħbarijiet minn kastilja il-Prim Ministru Robert Abela stqarr li bħalissa hemm diskussjonijiet għaddejjin mal-Unjoni Ewropea filwaqt li l-ispiża għal-aħħar salvataġġ u l-vapur tal-Captain Morgan li qed iżomm l-immigranti fuq il-baħar ser ikun qed jitħallas mill-Unjoni Ewropea u mhux minn fondi nazzjonali. Aqra aktar
Minkejja l-awtorizazzjoni tal-ftuħ tal-istabbilimenti l-Gvern se jibqa’ jissussidja l-pagi tal-ħaddiema tan-negozji
Il-Prim Ministru ħabbar li l-għajnuna li qed tingħata lin-negozji fil-ħlas tal-pagi tal-ħaddiema, se tibqa’ tingħata. Dan ifisser li n-negozji li se jerġgħu jiftħu nhar it-Tnejn, se jibqgħu jirċievu l-għotja ta’ tmien mitt ewro fix-xahar għall-paga ta’ ħaddiem. Aqra aktar
L-Oppożizzjoni tattakka l-isptarijiet f’dan iż-żmien ta’ pandemija
Emenda li ressaq il-Gvern u li għaddiet il-Ħamis filgħaxija mill-Parlament, esponiet kif l-Oppożizzjoni baqgħet tattakka l-isptarijiet anke f’dan iż-żmien sensittiv, fejn saħansitra qed tipprova toħloq ostakoli biex il-Gvern u l-Awtoritajiet tas-Saħħa Pubblika jibqa’ jkollhom għad-diżpożizzjoni tagħhom l-attrezzaturi kollha meħtieġa sabiex jissieltu l-pandemija.
Il-mozzjoni tal-oppożizzjoni baqgħet tattakka ftehim li jolqot l-isptar Ġenerali t’Għawdex u l-Isptar ta’ Karin Grech f’Malta.
BIL-FILMAT: David Agius ma jindunax li l-PM qed jikkwota mill-mozzjoni li ressqet l-Oppożizzjoni stess
Waqt seduta parlamentari li fiha ġiet diskussa mozzjoni li permezz tagħha l-Oppożizzjoni baqgħet tattakka ftehim li jolqot l-isptar Ġenerali t’Għawdex u l-Isptar ta’ Karin Grech f’Malta f’dan il-mument sensittiv, id-Deputat Nazzjonalista David Agius talab lill-parlament sabiex il-Prim Ministru jippreżenta dokument li kkwota minnu waqt l-indirizz tiegħu fil-Parlament.
Madankollu kellu jkun il-Prim Ministru Robert Abela stess li ġibidlu l-attenzjoni li huwa kien għadu kif ikkwota mill-istess mozzjoni li tressqet mill-oppożizzjoni issekondata mill-istess David Agius.
Il-WHO twissi li m’hemm l-ebda evidenza li turi li l-Coronavirus ma jistax jerġa’ jinfetta persuna li kienet marida biha
L-għaqda dinjija tas-saħħa qed twissi li s’issa ma hemm l-ebda evidenza li turi li l-Coronavirus ma jistax jerġa’ jinfetta individwu iktar minn darba. Dan wara li bosta gvernijiet bdew jitkellmu dwar il-possibiltà li jkun hemm ‘passaport ta’ immunità’. Aqra aktar
Fl-Istati Uniti: In-numru ta’ mwiet kawża tal-Coronavirus qabeż il-50,000 persuna
In-numru ta’ imwiet fl-Istati Uniti kawża tal-Coronavirus qabeż il-50,000 persuna. B’hekk l-imxija tal-Coronavirus fl-Istati Uniti hija l-aktar waħda qerrieda fid-dinja. Dan ħareġ minn studju li sar fl-Università John Hopkins. Aqra aktar
Sit internazzjonali awtorevoli jgħid li Malta hija fost l-aktar pajjiżi preparati għall-Coronavirus
Is-sit awtorevoli ‘Investment Migration Insider’ innota kif Malta kienet fost l-iktar pajjiżi preparati għall-imxija tal-Coronavirus. Aqra aktar
Ivan Bartolo skomdu fuq Jason Azzopardi iżda jiddefendih xorta waħda
Id-deputat Nazzjonalista Ivan Bartolo, bħal Kap Nazzjonalista Adrian Delia ħareġ għonqu u ddefenda l-aġir tal-kelliem tal-Oppożizzjoni għall-ġustizzja Jason Azzopardi li fetaħ kwerela kontra s-suldati u l-Prim Ministru u akkużhom bi qtil volontarju tal-immigranti.