Colin Deguara

ARA: Għall-PN il-Partit u l-Gvern huma l-istess

Il-Viċi Kap Nazzjonalista David Agius ikkonferma li l-Partit Nazzjonalista ma jagħmel l-ebda distinzjoni bejn il-Gvern u l-partiti politiċi u qal li dawn huma l-istess.

Dan waqt konferenza tal-aħbarijiet li fiha għal darba oħra l-Partit Nazzjonalista ħareġ jattakka l-istazzjon nazzjonali.

David Agius kontinwament deher igorr għaliex hu u sħabu d-deputati Nazzjonalisti mhux jidhru biżżejjed waqt l-aħbarijiet tal-PBS. Aqra aktar

Jitnieda proġett li se jistudja fenomeni soċjo-ekoloġiċi bejn is-sajd u ċ-ċetaċji

Ġie inawgurat proġett li ser ikun qed jistudja l-fenomeni soċjo-ekoloġiċi bejn is-sajd u ċ-ċetaċji.

Fost l-oħrajn kif annimali bħad-dniefel bl-aġir tagħhom jaffetwaw is-sajjieda u l-għodda li jużaw.

Dan il-proġett qed jsir mid-dipartiment tas-Sajd u l-Akkwakultura, b’kollaborazzjoni maċ-Ċentru tal-Agrikoltura, l-Akkwatika u x-Xjenzi tal-Annimali fl-MCAST. Aqra aktar

BIL-FILMAT: “Konferenza li se tfassal fejn ser inwasslu lil pajjiżna fil-futur” – Il-PM

F’intervista fuq ONE Radio l-Prim Ministru Robert Abela tkellem dwar il-konferenza li l-Partit Laburista ser ikun qed jagħmel fi tmiem il-ġimgħa li ġejja bit-tema ‘Inġeddu lil Malta Flimkien.’

Huwa spjega kif il-Partit Laburista dejjem kien dak li ġab il-bidla f’pajjiżna fosthom anke fil-qasam tad-drittijiet ċivili.  Hawnhekk huwa kkuntrasta s-sitwazzjoni li għandna f’pajjiżna llum ma’ dik ta’ qabel l-2013.

“Taf x’kienu jgħidulek? Nittoleraw Sa nittolleraw naslu u dik kienet ir-realtà ta’ x’kien jingħad, in-narrattiva, sat-tolleranza.  X’tolleranza? Inti trid tkun katalista ta’ bidla f’dan il-qasam u l-Partit Laburista rajna li kien katalista, li llum nistgħu tabilħaq nitkellmu li pajjiżna huwa c-Champion fil-qasam tat-tisħieħ tad-drittijiet ċivili.  Fadal x’nagħmlu u naslu għalihom ukoll.”

Aqra aktar

BIL-FILMAT: Gonzi m’awtorizzax ‘tapping’ fl-investigazzjoni ta’ John Dalli

L-eks Prim Ministru Lawrence Gonzi kien irrifjuta li japprova li tkun interċettatha l-linja tat-telefon ta’ John Dalli.

Deċiżjoni li kienet daqqa ta’ ħarta għall-investigaturi li kienu qed jinvestigaw il-każ tal-allegat tixħim ta’ kumpanija tat-tabakk tal-isnus.

Dan irrappurtatu t-Times il-Ħadd li spjegat kif it-talba sabiex is-servizzi sigrieti jisimgħu b’mod sigriet it-telefonati ta’ John Dalli, saret ftit wara li huwa kien irriżenja minn Kummissarju Ewropew għas-Saħħa f’Ottubru tal-2012.

Dan wara investigazzjoni mill-Uffiċċju Ewropew kontra l-korruzzjoni, l-OLAF.

Aqra aktar

BIL-FILMAT: Il-PM jħabbar li fabbrika lokali se tagħmel investiment u toħloq mitt impjieg ta’ kwalità

Il-Prim Ministru Robert Abela ħabbar kif fabbrika lokali se tagħmel investiment u toħloq mitt impjieg ta’ kwalità.  Dan ħabbru f’intervista l-Ħadd filgħodu fejn fid-dawl tal-estensjoni fiż-żmien li persuni jistgħu jużaw il-vouchers tal-mitt ewro, il-Prim Ministru stqarr kif din kienet injezzjoni fl-ekonomija ta’ 2 miljun u sitt mitt elf ewro fil-ġimgħa hekk kif b’kollox intefqu 33 miljun ewro bil-vouchers.

Dwar is-settur tal-manifattura il-Prim Ministru nnota kif f’amministrazzjoni preċedenti kollox kien qed juri li dan is-settur f’pajjiżna kien ser jispiċċa, iżda llum il-folja inqalbet.

Aqra aktar

BIL-FILMAT: Spettaklu ieħor ta’ nar fil-Mellieħa

Is-Sibt filgħaxija mistenni jittella’ spettaklu ieħor ta’ nar pirotekniku bħala parti mill-Malta Fireworks Special ta’ din is-sena.  F’din it-tielet serata ta’ dan il-festival l-ispettaklu ser ikun qed isir fil-Mellieħa, wara żewġ serati oħra, waħda f’Għawdex u l-oħra fl-Imqabba.  Dan biex imbgħad il-festival jiġi fi tmiemu fl-20 ta’ Settembru bi spettaklu fil-Port il-Kbir.

Żorna lid-dilettanti tan-nar li kienu qed ilestu għall-ispettaklu ta’ għada u tkellimna ma’ Trevor Vella mill-għaqda tan-nar marija bambina tal-Mellieħa li hija waħda mill-għaqdiet li ser tieħu sehem fl-ispettaklu tal-Mellieħa.  Huwa qalilna x’wieħed għandu jistenna fl-ispettaklu tas-sibt.

Aqra aktar

BIL-FILMAT: Il-PN jsostni li l-Gvern huwa ħali meta jagħti l-għajnuna

Il-kandidat Nazzjonalista Stanley Zammit qabel mal-Kap Nazzjonalista Bernard Grech u stqarr li fl-għajnuna li ta l-Gvern fi żmien pandemija kien hemm il-ħela.  Dan ftit tal-minuti wara li Bernard Grech, reġa’ attakka lill-gvern wara li fl-aħħar xhur ta prijorità lill-investiment fil-qasam tas-saħħa u l-għajnuniet lin-negozji u l-ħaddiema biex jaffaċjaw il-pandemija.

Aqra aktar

BIL-FILMAT: Meta mistoqsi dwar il-Budget Bernard Grech jgħid li l-Gvern huwa ħali

Il-Kap tal-Oppożizzjoni, Bernard Grech, reġa’ attakka lill-gvern wara li fl-aħħar xhur ta prijorità lill-investiment fil-qasam tas-saħħa u l-għajnuniet lin-negozji u l-ħaddiema biex jaffaċjaw il-pandemija. Wara li dan l-investiment kien sejjaħlu tberbiq tal-flus, issa qal li dan hu Gvern ħali.  Dan meta kien mistoqsi jekk għadux jaħsibha li l-Budget għal din is-sena hux wieħed tal-virtual reality kif kien qal hu stess.

Aqra aktar

Send this to a friend