Notifiki

Mixli li reġa’ mar jhedded l-ommu minkejja li kellu ordni li ma jersaqx lejha

Raġel ta’ 39 sena li diġà kellu ordni li ma jersaqx lejn ommu li allegatament heddidha b’xabla, reġa’ ġie arrestat f’dar ommu wara, din id-darba b’mus fil-pusses tiegħu.

Fil-Qorti ntqal li r-raġel ħabbat il-bieb t’ommu, daħal u beda jitlobha ttih il-flus għad-droga.

Intqal ukoll li l-omm ta’ sebgħin sena ġiet mhedda fejn binha talabha tmur torqod f’sodditha u ma toħroġ mill-kamra tas-sodda.

Fis-sigħat bikrin ta’ filgħodu, għalkemm imbeżża’, ħarġet minn kamritha waqt li binha kien rieqed u b’xi mod irnexxilha ċċempel lil bintha li imbagħad sejħet lill-pulizija li marret fid-dar tal-omm u arrestat lir-raġel.

Id-Difiża talbet għall-ħelsien mill-arrest iżda l-Maġistrat Natasha Galea Sciberras ċaħdet it-talba minħabba l-biża’ ta’ intralċ tal-provi.

Dan anki fid-dawl li meta ngħata l-libertà proviżorja, l-indirizz li pprovda l-akkużat kien ta’ garaxx bla ilma.

Hawnhekk l-akkużat kien qal lill-pulizija li jinħasel il-gym.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend