AĠĠORNAT: Jinstabu armi u materjal suspettat splussiv f’Miġra l-Ferħa

 

F’qiegħ il-baħar ta’ Miġra l-Ferħa nstabu numru ta’ armi, munizzjon u anki materjal suspettat splussiv.

Kien ONE News li żvela kif dalgħodu kienet għaddejja operazzjoni tal-Ispecial Intervention Unit tal-Pulizija assistiti minn patrol boat tal-Forzi Armati ta’ Malta.

ONE News kien fuq il-post u seta’ jara bugħaddasa fil-baħar filwaqt li kien hemm preżenza tal-pulizija mit-taqsima tar-Reati Maġġuri u anki tad-Distrett.

Fil-fatt il-pulizija għalqet l-aċċess għaż-żona biex tkun tista’ ssir din l-operazzjoni.

Fi stqarrija l-pulizija qalet li ġiet infurmata li fiż-żona magħrufa bħala Miġra l-Ferħa, ir-Rabat, kienu ntlemħu xi armi f’qiegħ il-baħar.

It-tfittxijiet fil-baħar bdew ilbieraħ fit-tlieta u kwart ta’ waranofsinhar u damu sas-sebgħa ta’ filgħaxija.

It-tfittxijiet komplew dalgħodu u ntemmu għall-ħabta tal-ħdax u nofs.

Il-Maġistrat tal-Għassa Dr Monica Vella ġiet infurmata bis-sejba u ħatret inkjesta.

L-investigazzjonijiet tal-Pulizija għadhom għaddejjin.

Aktar qabel – Bħalissa f’Miġra l-Ferħa għaddejja operazzjoni tal-Ispecial Intervention Unit tal-Pulizija assistiti minn patrol boat tal-Forzi Armati ta’ Malta.

ONE News, li jinsab fuq il-post, seta’ jara bugħaddasa fil-baħar filwaqt li hemm preżenza tal-pulizija mit-taqsima tar-Reati Maġġuri u anki tad-Distrett.

Fil-fatt il-pulizija għalqet l-aċċess għaż-żona biex tkun tista’ ssir din l-operazzjoni li għalissa mhux magħruf bl-eżatt x’inhi, iżda sorsi qrib ONE News qalu li jista’ jagħti l-każ li għaddejja tfittxija għal xi oġġetti taħt il-baħar.

Aktar dettalji fil-ħin li ġej.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend