Arrestat wara li allegatament seraq u aggredixxa anzjan ta’ 75 sena

Raġel ta’ 54 sena ġie arrestat b’rabta ma’ aggressjoni u serqa fuq anzjan f’Santa Venera.

Il-każ seħħ fis-7 ta’ Mejju li għadda, għall-ħabta tal-11:30 ta’ filgħaxija, meta l-anzjan ta’ 75 sena nstab mixħut mal-art, b’feriti f’rasu, f’Misraħ il-Barrieri, Santa Venera.

Minn stħarriġ tal-Pulizija rriżulta li xi ħadd ħebb għall-anzjan waqt li kien miexi. L-aggressur waqqgħu mal-art u seraqlu l-kartiera li kien fiha xi flus.

Ir-raġel ġie arrestat mill-Pulizija tal-Iskwadra tar-Reati Maġġuri u l-Pulizija mid-distrett tal-Ħamrun, wara l-aggressur ġie identifikat permezz ta’ diversi investigazzjonijiet u analiżi minn kameras tas-sigurtà.

Huwa qiegħed jinżamm fil-lock-up tal-Pulizija fil-Kwartieri Ġenerali, il-Floriana u mistenni jitressaq il-Qorti llum fis-1:30 ta’ waranofsinhar quddiem il-Maġistrat tal-Għassa Dr Marseann Farrugia.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend